CAC暫評為"較活躍及反叛",我是否必須去上堂?

wan_sosin

我仔4.5yrs. K2, CAC想我去上堂,e.g. 3p,親子輔導等.
但我係FTM,無有幫我,時間難安排.
我有睇書,上過小小管教課程.
我同我仔關係算好,佢算係最聽我話,對外人反而差D!
咁我去唔去上堂影響大唔大?我知學多D當然好,但時間上很困難!
咁我暫時可以點做?
CAC話過幾個月會再約我跟進,如果大D都無改善,才轉去精神科.

methy

建議得上堂，當然盡量去喇．睇書同上堂唔同架。
但如果你肯去做評估．自然想幫阿仔，阿仔越大，對外人既時間就越多，人地唔會似阿媽咁．明白咁多．可以既話梗係早ｄ學識點處理阿仔情緒喇。有ｄ問題唔會自動解決ｏｒ消失架．阿媽點都要跟進下（e.g.上堂）。

至於你既困難係咩？　有另外一個小朋友要照顧定點？　就當係喇．搵親人湊　ｏｒ搵幼稚園暫託一日半日．等你可以同阿仔去上堂得嗎？

wan_sosin

回復 methy 的帖子

好多謝你的意見!你講得啱!其實內心都知道當然好D,只係有時好矛盾,亦有朋友同我講,我個仔唔算好差,有時都覺得係唔係真係咁大問題?
我無另一個小朋友,只係無親人幫到手!搵朋友又怕辛苦了朋友,容易湊就唔洗去評估!
不過今日同班主任講,佢話可以幫我,我超級開心!
有時個心真係有D上上落落,好在係呢到搵到好多媽媽比到意見!

小草王道

加油

methy

回復 wan_sosin 的帖子

如果有人同你呻佢小朋友問題．而你又唔明係咩．．通常都係禮貌地說：我覺得唔你小朋友唔係咁差姐，無野既，大個就好ｄ架喇．．．．．

小朋友係你既，其他人講既唔使負責任的。

wan_sosin

回復 methy 的帖子

所以我已經唔會隨便同人講,"你個小朋友無乜嘢!"呢d說話,我只會去聽,問多d佢點解咁睇,關心下個媽媽感受!

自己都有時唔想聽呢d客氣說話,所以都唔會咁樣講!

但係始終大部份人都仍會講呢類說話,所以有時都怕同人講自己小朋友嘅問題!

methy

回復 wan_sosin 的帖子

我地係屬於好小好小數既一群．唔係３言兩語講得明人，我亦都費時講。

如果人地肯講，咪聽，如果父母有動機想搵資料，我先出聲主動話ｓｅｎｄ　ｄ資料比佢睇。

anyway,學校肯幫手又諒解，真係會好好多，加油～

wan_sosin

回復 methy 的帖子

好多謝你!已經覺得舒服D!