英粵？英普？

miugube

煩惱中！是否大部份家長都視英普為首？作為家長的我真的不懂普通話，所以想小朋友在學校學好。但又怕只係幼稚園就開始要強迫聽講普通話會令他失去學習興趣（上堂一舊飯，返到屋企都講不到學了什麼）。我自己其實覺得英粵應對學習較好，因為英粵班都有普通話學，理解老師的教導多一些。但又驚自己決定錯，苦了小朋友...請問有沒有jm可以分享一下？感謝！

hobby

我囡囡讀緊一間以普通話為主的學校，返了2個月，老師話佢大部分都明白，但會用廣東話答；不過一入門口會用普通話說＂早安＂，我相信沒有適應問題，但或者要想清楚，小一面試以廣東話為主，所以都要教小朋友所學的生字，故事書等廣東話發音

hobby

她回到家也可以用廣東話講學校的事，打開書本會廣東話+普通話講故事

kevinleemita

其實有無家長知道幾時開始和點解幼稚園會分英普班及英粵班??而面試又會用相對應嘅語言來會見小朋友.....咁應該小朋友會對該語言係有一定程度熟識...
以前國際學校主要對像係...非廣東話為母語嘅學生而設....
咁英普班嘅設立..會唔會係為以普通話為母語嘅學生而設呢?....我家庭以廣東話為母語....咁我應唔應該去選英普班呢?

猴子爸

我自己認同的一種看法（是一些專家的意見）：

以一般以廣東話為母語的家庭來講：
英普班適合一些以廣東話為母語的學生，他們要能夠很熟練地用廣東話來表達和思想。對思維的發展來講，母語一定要先學得好。 一些本身不是以英語為母語的家長，但就只向子女講英語的話，會令到他們的語言/思維發展受影響的。

如果小孩連廣東話都還沒熟練，就最好讀中英文班。

上課的三個小時，就好像讓他們上英語和普通話的興趣班，每天浸在良好語境裡面，這兩種語言都比較容易學得好。開始時，可能不是立刻可以適應，但小孩子的學習能力超級強勁，這大可不用擔心，只要學校老師有愛心，有經驗，就不怕。

回到家中，要繼續以廣東話為主導，如要子女的英普基礎更扎實，就要配上英語時間和普通話時間，家長子女一起在同一時段用同一語言溝通，令他们可以多些生活上的应用和锻炼。

marcuscyrus

That's what I did for my two sons.  We speak Cantonese ONLY at home.  Our school offers Cantonese-English class in k1 and pth-English class in k2 and k3.  At the same time we still communicate with Cantonese at home.  My sons can benefit from the language environment provided at school and use mother language for critical thinking

猴子爸

回復 marcuscyrus 的帖子

Good to hear that.  Nowadays not too many families appreciate the use of Cantonese at home.

Yesterday I saw a man talking to his 2-3 yrs old son during a 1 minute elevator ride.  "you cannot ride on the plane. you are in the bad list." "bad list?" "the pilot don't let you to ride on the plane, you are in the bad list...".  Well, based on the accent, I was 100% sure that the man was a native cantonese speaker. And obviously he spoke English only to his son 'cause his son was only able to respond in English - several broken words, not in Cantonese, even when he had a question about this difficult word - bad list (it should be "blacklist", as a matter of fact).  

Wouldn't it be better if the father explained everything clearly and vividly to the son in Cantonese with more meaningful words using correct grammar so that the little boy could grasp the concept and understand the use of chinese words much better?

marcuscyrus

猴子爸 發表於 12-11-6 11:38
回復 marcuscyrus 的帖子

Good to hear that.  Nowadays not too many families appreciate the use of Ca ...

用電腦可以打返中文。我兩個兒子，雖然算不上英文同普通話的口音好純正，但聽講寫我覺得都可以，對我來說已經很足夠，文法o既野上中小學再執返應該ok。我個人認為選英普班的同時，要做幾樣野，在家雖以廣東話作主要溝通，但適時也要配合，例如跟孩子看英文故事書時可以英語跟孩子交流一下故事內容，孩子回家興致勃勃跟父母說普通話時，父母加以回應

cycream

我仔英普班, 有1個小朋友k2時由英普轉去英粵, 原因係小朋友聽唔明普通話影響學習, 聽聞佢父母普通話都唔係好識講. 另一班英普班, 亦有一個小朋友k2都係由英普轉去英粵, 原因係佢媽媽係普通話人,唔識廣東話, 個小朋友都係唔係好識廣東話, 佢地怕考小一好多小學用廣東話面試會有問題, 所以要惡補廣東話.

第一個case, 我諗小朋友本身語言能力唔夠好,加上屋企人教唔到. 第2個case, 係屋企教唔到廣東話(香港人既母語). 咁樓主可以參考吓自己會唔會係第一個case, 如係就建議唔好揀英普. 入英普班, 幼稚園會interview, 篩選出既小朋友相信大部份可以應付到三文兩語.  所以樓主可以試下interview.

我同上面兩位家長一樣, 我仔係屋企講廣東話, 有時無啦啦會講英文同普通話, 咁我地會用同樣語言回應佢. 由k2開始, 佢見到同學係會以英文或普通話溝通, 出街見到香港人講廣東話, 外國人講英文, 國語人講普通話,好自然會調節到.

猴子爸

可能更好的话，是跟小孩在家里面用广东话再认字和读书，让他们懂得用广东话和普通话读中文。
要两文三语都强，家长要花的心力都不少。

hobby

我哋屋企都主用廣東話，有次囡囡同6299玩影相，同62講take a picture,62就話唔知你講咩，阿囡就轉用廣東話，我相信佢大啲會識得幾時講咩話，因K1都返得2個月

miugube

多謝各位分享！我們在家中都純用廣東話溝通，我個小朋友語言能力都可以的。如果我們繼續以廣東話溝通、講故事，而將學習英普的重任交給學校老師（因自己普通話是0認識），這樣行得通吧？

hobby

我就覺得可以，因為我選咗呢個方法

cycream

hobby 發表於 12-11-6 14:23
我哋屋企都主用廣東話，有次囡囡同6299玩影相，同62講take a picture,62就話唔知你講咩，阿囡就轉用廣東話 ...

好快會識架啦. 我仔K1只係同老師講英文/普通話, 同同學仔就講廣東話, 今年K2見到同學好自然講英文普通話,

lingan

大家好。
我女而家2歲2個幾月，9月開始返英普N，英普係我first priority，做法同大家相若，屋企主要用廣東話，因為佢到2歲才正式識講野，一定要先搞掂左廣東話先，否則連基本溝通都有問題。講故事時段會英文普通話廣東話都涉獵，因應故事係咩語言，聽埋CD。so far 進展ok。最近去面試，發現佢都係廣東話ok d，試過見英普用英普佢唔講野 (又或者驚老師)，唔知邊樣。所以果次之後若再有英粵or英普課程的學校，我諗會揀返英粵。

sbux

原帖由 猴子爸 於 12-11-06 發表
我自己認同的一種看法（是一些專家的意見）：

以一般以廣東話為母語的家庭來講：

贊成，我哋只講廣東話，個女兩歲已完全掌握母語，而家番N 學英文句子同簡單普通話，開學兩個月已經可以於屋企運用

sbux

原帖由 miugube 於 12-11-06 發表
多謝各位分享！我們在家中都純用廣東話溝通，我個小朋友語言能力都可以的。如果我們繼續以廣東話溝通、講故 ...

如果你覺得佢講廣東話表達流，句子結構無錯，都可以開始用下全英或全普同佢溝通

jantan28

咁讀英普班的小朋友,是否看中文認字都會先用普通話？要用廣東話讀字會唔識或慢d?