面試疑難

mi_ashley

仔仔下年都要面對考小學我地全家上下都好緊張
同老公商量緊去幫仔仔報面試班
等佢早D適應下

請問有無荃灣區的面試班可以介紹?
希望搵D教學形式輕鬆D
唔好太迫小朋友讀死書背答案的面試班

matthew_mama

不用報....平常心....教他多Ｄ中英文字...
manner

朱寶

其實無乜用，平常心，刻意緊張對事情無幫助

little_yolky

mi_ashley 發表於 12-10-31 10:04
仔仔下年都要面對考小學我地全家上下都好緊張
同老公商量緊去幫仔仔報面試班
等佢早D適應下

如果想報直資/私小, 要現在調查一下是否要筆試。如要, 就現在開始練習一下。最重要幫仔仔練吓應對, 禮貌及講故仔, 係請佢講俾你聽。到時要向心儀學校面試前多報幾間, 等佢有心理準備什麼是面試。仲有, 要一二線都報, 唔可以只報名校。

明年老鼠仔都多, 大抽奬時選擇要慎重！但如果事前已有私小直資做back up, 就可以放膽一搏了。

Don't worry, 始終一定有書讀的。

奥脫福

四歲人仔就要上面試班。。。

五百萬都唔夠買市區「火柴盒樓」。。。

這就是今日的香港！  

mi_ashley

多謝各位意見
其實我同老公都唔想迫得呀仔咁緊
但原來到左呀仔揀學校一刻
就開始緊張

DwarfMaMa

對， 不用面試班，其實網上已有很多各校面試題目。
只須選定學校，上網找過往題目，再給你的孩子訓練。
沒有人比父母更有耐性，更知你自己孩子的長短處，不足地方可加強一下。

面試班一班十個，老師不會就住每一個同學比適當的訓練。

若你孩子下年要小一面試，現在開始,每天30分鐘， 到下年， 見到成果！

努力吧！

CERISE

無錯！面試班真係作用不大，又花錢。只要平時同小朋友多認中英文生字句子。自己上網揾下問題練習下，叫小朋友多講故仔，學習講說話，簡單加減數。就可以

Charlotte_mom

原帖由 siutingto 於 12-11-01 發表
面試班唔重要，最緊要識多d 英文中文字

Exactly! 睇中英文書幾乎必考，得閒陪小朋友睇書認字仲好，面試班吾會變叻個小朋友

Hillom

仲有，教小朋友畫下畫，大部份的直資和私學都會在第一輪面試叫小朋友畫畫。

Irismammy

原帖由 ha8mo 於 12-10-31 發表
兄台，有直資又點大抽呀？

greatli

面試班有兩類:操小朋友做相關題目及純粹模擬面試！    我們就幫小囡報模擬面試的班，因為小囡怕醜、慢熱、並對新環境(模式)會抗拒，我們只希望她在面試時不要驚。所以報了模擬班。

我們都不太接受“操練“，哈哈，因為我們真的認為有“大部分“的面試題目不應該是一個剛升K3的小朋友要“孰練“的！

最搞笑一點是:小囡一向有畫畫天份，現在上的是油畫興趣班，也叫做攞個一個公開比賽的獎。但在一次上完“模擬班“後，老師同我們說小囡要練習多些畫畫，因為覺得她畫畫不夠detail!

fc926

我地都有上面試班,內容主要係讓小朋友試做面試問過的題目,每堂最後老師就會brief番家長做過的題目和技巧,我覺得考試技巧都頗緊要,真係唔講的話作為大人都會miss左.正如EK媽媽每當面試前都會在EK問人面試形式和內容,預早知道一定比唔知的好,所以我都會建議參加面試班,不過坊間甘多,大家就請小心選擇.

rebeccalaw526

我個小朋友依家係南豐中心一間叫天X軒的LEARNING CENTER上緊面試班
當初都係怕我個小朋友應付唔到d面試
所以俾佢上下..

上左一排好彩呀仔都幾開心
我先俾佢繼續上
樓主講得岩
就算你要搵面試班都唔好搵d咁谷小朋友ge
要做多d research呀

Amy092

我覺得面試班都唔係真係有用，其實日常既知識有教就已經ok!唔知琴日有無媽媽睇新聞話好多學校都出d尖子題？分享少少琴日新聞睇新聞既內容，有心理學家話學校出既尖子題，如果小朋友係面試班到學過而唔係靠自己去思考做出條答案那這位小朋友就算比佢入名校都未必跟到亦有可能之後有壓力，相反小朋友未學過而真係做到個答案呢d先係尖子！我只係分享一少部新聞。其實我自己認為日常有教，其實無難道！不過都好講運氣同緣份有d小朋友in d唔二三線學校唔收，但係in一缐既竟然收咗，你話係咪好講運氣同緣份！以上係我個人意見，不喜匆插

sissysze

身邊勁多人返面試班，重返專班tim, 好多結果咪又係得個吉