全軍覆沒的家長互勉區

Yvonne523

大家一齊努力啦！打氣！

cmt1010

原帖由 猴子爸 於 12-10-26 發表
在這個世界上，有一種小孩子，很聰明，很有潛質，但絕對不會在他們5歲多的時候，就會在學校的多重審核中， ...

其實我們失望，某程度上是我們覺得入到一間名校小朋友就會得到更好的教育機會，但我最近都有反思，提醒自己學校的教育不是全部，小朋友最重要的老師就是自己的父母。希望大家不要灰心，繼續努力去教養自己的小孩。

onepiece

原帖由 Eunicecat 於 12-10-26 發表
小學有無分branding架?

小學有分＂branding"（如果拔萃是個brand)，講笑啫。
分＂banding"的不是學校，而是學生。不在這裏説太多了，如果想討論多點這個topic，還是開另一個post討論好D，我會將所知的説多一點。

skmibb

不是直資或私校才給予好的教育。事實上，我認識一位校長，佢只安排個仔入讀普通屋邨津校，成績當然超晒班，小六時當然考入該區一線第一組別的中學(入U率係百分之百)。

elizatyy

有些學校是看家長背景多過看小朋友能力

giannapoon

樓主嘅遭遇，本人感同身受！不過我有啲嘢唔係好認同。樓主無疑係一個好爸爸，但我覺得因為個女考唔到小學而痛哭又真係。。。！聽樓主自己講已經係某大公司嘅高層了，應該見慣世面，明白到有好多事唔係必然嘅，又或者可能樓主一向一帆風順未遇過風浪?我識有好多朋友兩夫婦都係在誇國大公司身居要位，投放係個寳貝仔女嘅資源亦唔會少，琴棋書畫游水跳舞樣樣皆能，私人補習中英數常識，公開試公開獎都攞唔少，信心爆燈，以為咁樣要入名校就一定無問題，sure win, 結果同樓主一樣，全部考唔到。我唔知樓主報乜學校，但我知有好多家長只係報一線名校，認為自己家庭背景同小朋友實力，非一線莫屬，其實咁好斃，報小學都要有策略。一線名校要報但唔好寄厚望，二，三線嘅學校都要報，要分散投資。係香港神級一線名校眼中，樓主呢類家庭背景只屬普通中產，小朋友嘅實力只屬基本，除非小朋友IQ高達130否則全部只係屬正常級別。而且神級名校收生標準已經唔係小朋友叻就得，佢哋會考慮好多嘢，父母揾幾多，專業人士佢哋唔多稀旱，屋企盤生意賺幾多先係佢哋想睇嘅，另類佢哋無耐要收嘅係，得罪講句，平民階層！所以，樓主係呢個時候就痛哭，幾時哭到你個女大學畢業?堅強啲啦香港人！我明每個小朋友都係父母心目中嘅掌上明珠，但入唔到私小或直資唔等如個寶貝無晒前途，做家長咁易放棄咁易被打沉，咁點教出一個抗疫能力高，生存能強嘅小朋友？係香港淨係讀書叻唔夠架，EQ高都好重要！好多津校都好好，到出年大抽獎後扣門都唔成功先再另謀出路啦！我信個天自有安排，放鬆啲啦!

giannapoon

giannapoon

skmibb

giannapoon 發表於 12-10-26 20:18
樓主嘅遭遇，本人感同身受！不過我有啲嘢唔係好認同。樓主無疑係一個好爸爸，但我覺得因為個女考唔到小學而 ...

津校都有出類拔萃的學生！信自己，信自己的子女，如果係叻的，到哪裡讀都一樣的出眾！
題外話，某天同個小朋友去間名校面試，人家啲小朋友個個都polo衫，Polo鞋，啲媽媽個個都名牌手袋(動輒二、三千元個布袋，幾千至一萬個皮袋，對我來說太貴了！)。而我？哈哈！一個cheap cheap贈品手袋，小朋友都係著普通百多元貸仔！

tabo911

小乖豬父親不要氣餒！天生我才必有用！我由我女兒N班開始已經訓練她，每天放學除了功課，課外功課，自己print worksheet, 溫課本串生字從不間斷，她會問我點解其他同學可以睇電視？點解其他同學不用溫書？點解其他同學不用串字默字？我話妳會明白這叫先苦後甜！終於她得到班主任校長課外老師讚賞，還入到她自己心儀的學生！所以只要大家努力學習付出，一定會有收穫的！

flopsybunnies

超級明白閣下心情, 那種心痛真的非過來人不會明白。閣下是一位好爸爸, 你的女兒一定是很幸福的! 別氣餒! 祝福你們!

skmibb

tabo911 發表於 12-10-26 20:38
小乖豬父親不要氣餒！天生我才必有用！我由我女兒N班開始已經訓練她，每天放學除了功課，課外功課，自己pri ...

下？三歲至六歲的小朋友，是培養其學習的興趣、發展其好奇心、訓練大小肌肉的時期。為何要那麼小就要串字，做worksheet？？？得罪講句，我不敢認同這樣做法！

tabo911

原帖由 skmibb 於 12-10-26 發表
下？三歲至六歲的小朋友，是培養其學習的興趣、發展其好奇心、訓練大小肌肉的時期。為何要那麼小就要串字 ...

培養學習興趣怎培養呢？只顧睇電視天天hea過！串字訓練記性！正如好多小一面試要寫生字認字，英文對答，如不從小訓練，如果不勤有功，怎會有成果？臨急抱佛腳只會功敗垂成！人各有志！

HelicopterDad

原帖由 giannapoon 於 12-10-26 發表
本帖最後由 giannapoon 於 12-10-26 20:46 編輯

樓主嘅遭遇，本人感同身受！不過我有啲嘢唔係好認同。樓 ...

你係咪真係知定係你想當然估㗎喳。我都識D所謂神級名校既家長，佢地全部都係普通打工仔，重有係住公屋既喎！

flopsybunnies

SCKnight

努力! 別氣餒!

HelicopterDad

原帖由 tabo911 於 12-10-26 發表
小乖豬父親不要氣餒！天生我才必有用！我由我女兒N班開始已經訓練她，每天放學除了功課，課外功課，自己pri ...

又未必一定要要咁既，我除左禮貌，品德related既事情no compromise 之外就任個仔explore 個世界，我地一齊拆D玩具，一齊上網搵乜嘢係長毛象，一齊踏單車。亦可玩game 同睇電視。只要佢自發做哂應做既嘢就ok。我地甚至比佢同我地negotiate 多D佢想要既嘢。佢說服倒我就得嘞。我覺得個doy可以有快樂童年最緊要。千其唔好為左入名校或你(唔係佢）心儀既小學就 犧牲左佢最應擁有既東西。入唔入到報左既學校真係一件非常minor既事。令到佢地唔開心或失自信就大鑊啦。佢地真係feel倒㗎！

wai_wai_121

回復 HelicopterDad 的帖子

我都係咁既家長~ 十萬分之認同!!!!!!!!! 小朋友既品行來得比一切重要!

mosquito_chu

大家要振作！呢場硬仗無論怎樣也要继續打下去！正能量！同埋我好希望有多於一間offer的家長唔好hold住D學位，留給有需要的小朋友，每個小朋友能早些得到學位，也是教育下一代的好榜樣！

onepiece

原帖由 tabo911 於 12-10-26 發表
培養學習興趣怎培養呢？只顧睇電視天天hea過！串字訓練記性！正如好多小一面試要寫生字認字，英文對答，如 ...

找個平衡和看階段喇，在幼稚園時，有的幼稚園會用學習區形式引發孩子對事物的興趣，透過唱歌和遊戲令小孩對英文、國語產生興趣，（情況就象如果妳要養肥個人，就先要加大他的胃口），到了小學就有動力和能耐吸收更多知識，並多下苦功，打好語文基礎（需每天都做一點，而不是到五、六年級考升中試才來谷）。

有些家長在K1已谷，令孩子失去學習動力及興趣，壞了學習胃口，到小學又怎能學得有效，學得多，學得好呢？

唔好因為要考私小而拔苗助長，因小失大。