請教有插班經驗的家長

helenli

Movers 13盾真係唔算特別呀，我地幼稚園同學中好多K3已有14, 15盾。LMC你覺得真係適合嗎，校舍很細，功課多，中文深，英文也是大班教的，部分老師都幾嚴，我怕你入左又嫌唔夠好。又要再轉對小朋友唔係太好。

Radiomama

不要回頭想了，唯今之計，努力搵學校插班。如果LMC收，就梗係去讀啦，仲要讀到小六，讓孩子安定地發揮自己，到中學才再考慮升哪一間。

另外不要再困於英數定中數，既然轉讀local school, 就放開中英文的包袱，橫豎中文都要給力，讀中數也無問題啊，一定無阻未來升band one中學的！

CKY & WKF當然可継續試，但隨緣囉！

最後科大有個數學比賽、澳洲也有個UNSW的數學公開試讓小學生參加，以bench mark孩子的數學能力, 待兒子八九歲左右可試試。

marcuscyrus

回復 helenli 的帖子

同意mover 13 shields 唔算好outstanding，唔...其實如果好重視英文的小學，在面試時已有能力看穿一位孩子的英語能力，根本都唔需要用一張紙去rate一個小朋友，我識仔的朋友同時去年k3時考mover的，都是15shields的。至於dps，位太少，要選將當然是很出眾的小孩(可能是很多獎項，我估je，因我唔識人有叩dps)

helenli

回復 joanthony 的帖子

已刪除校名, sorry.
我是LMC家長, 選擇LMC是因為適合孩子, 喜歡其語言環境, 校網, 校園文化, 學費相宜, 雖然LMC也有不足之處, 校舍配套稍遜, 一校兩舍, 但以$1280學費, 實在不能要求太多, 我也負擔不起太貴的學費, 所以我只可以話LMC是適合我地, 不是適合每一個人.  就算我自己的朋友, 我都係講相同說話, 叫他們入讀前考慮清楚. 因為你一直說希望有宏偉的校舍, 所以你突然說有興趣LMC, 所以就善意提醒你.  我們的幼稚園是金巴倫英文幼稚園, 不是什麼名校, 但很多小朋友都有考劍橋和trinity GESE, 包括我自己的小朋友, movers >13 + trinity G3 的小朋友真的不少, 現在英文能力好的小朋友就係太多了, 學校不會太睇重.  另外有關LMC教學方式, 中文科因要求高些, 人數會控制在20人一組, 小朋友上課時會和隔離班合併, 再分成20人一組到不同課室上課, 用意是控制人數, 並不是分程度高低.  這情況英文科是沒有的, 英文是全班一齊教, 本地和外籍學生都是學同一課程, 沒有分組, 沒有分程度高低.   不是不推介LMC, 只係擔心你入左去讀發現和預期不同, 每個人的要求不同的.  

helenli

回復 joanthony 的帖子

LMC有寫journal, 中文和英文都要寫, 但不是每週都有.  英文writing暫時是仿作形式(P1), 英文是用校本課程, 不是太深, 但相對津校就深一些, 我覺得暫時都算淺.  外籍老師有幾位, 英籍和印度籍都有.  LMC你面試了未? 有位的話可申請插班, LMC重視家校理念一致和學生英文溝通能力, 喜歡主動, 開朗的孩子, 如面試表現OK, 應該不會太難收.   

helenli

回復 joanthony 的帖子

係咩? 六月嗰次是第二輪, 係有十幾個位, 我地幼稚園再收了三個, 另外我朋友(根德園)的女兒是候補, 到統一派位前一天LMC call佢問佢讀唔讀, 但佢無接受到, 到八月尾迎新時仲見到有新同學加入, 十月份我小朋友的班(本來是33人)再有一人(外籍的)來了, 到最近先正式收齊人,  但你說你兒子英文好好, 唔收的原因係唔係面試唔出聲呢?

nintendo

很多 "另類"  學校，很喜歡將小朋友 "升級"，因為咁樣會令家長都會覺得開心又放心，但其實如果家長真係可以退後一步客觀睇，其實小朋友可能只係出面的 average 料子。
有朋友個女曾讀某校，老師讚到天上有地下無，成績表亦好 "靚"，後來真係憑成績表，又加插班試少少運，轉了一間好學校，但一讀就知原來小朋友水平同出面比，根本不單唔係 above average，反而係 below average。幸好小朋友本身資質好，好快就追返上。
既然重點是現在學校的問題，我覺得首要是找一間起碼正正常常，可以接受的，收就好轉。如果還執著是不是自己 dream school，是不是校舍靚，是不是英數，是不是男女校，等等，選擇不多。
我見過好多 case，是小朋友時間虛耗在一 d  捧小朋友上天的學校，家長一直以為小朋友真係好標青，一年一年過去，結果升中甚至到大學只能去三線學校。
最好襯小朋友而家細，走得就好走。老實講，熱門學校一位難求，就算比得起錢，都唔係話一定有位。真係去唔到 dream school，求其有正正常常的主流學校收就快 d 走。

feiji

其實我唔覺得好叻嘅小朋友就一定會覺得上課悶。呢個係學習態度問題，係要家長日日灌輸的。我細個都係尖子，科科A的，但我沒有跳級，也不會嫌上課悶。學問是無止境的，老師上課講咁多嘢，就算真係全部識哂，都可温故知新。建議樓主轉番間主流學校之餘，還要多多輔導兒子，改變他的學習態度，讓他學會謙卑，才是長久之策。

喵媽

joanthony 發表於 12-10-28 10:08
我的確有好多不滿, 本來唔想數, 但為了要令人明白: 英文無教過寫journal果d,  只係不停比d係書copy出來的e ...

之前都睇過你POST, 我仔亦同你仔同一旗下的幼稚園讀...所以記得!!
其實多數人都會讚自己小朋友讀既學校...而我就一定叫啲識既人唔好選...
識既同學媽咪, 亦冇一個讚呢間學校...只係覺得佢地係當一盤生意咁做...
見識過佢地講咗既野轉來轉去, 而且好多問題..又奈佢地唔何!! 因為亞仔要繼續讀...
不過亞仔都讀到第四年, 而佢一直都話好鐘意學校, 好開心, 又有多好朋友, 而且又近, 所以都冇唸過轉!!

祝你仔仔快啲轉到校!! 不過我覺得其他媽咪講得啱, 唔好唸跳班住, 學好中文同教好佢既心態, 到時先唸啦, 加油!!!