請教有插班經驗的家長

marcuscyrus

我冇插班經驗，不過我估除了國際學校外，一般本地小學(就算行ib，就算直資)的中文都唔會好易，如果中文弱可能真係蝕d，你介意講下現在仔仔的中文程度嗎?睇下有冇你以上講各間學校的現任家長可以比到意見你?

hkspiderman

你想出年轉校插小幾先？

每間學校都想收d叻學生，所以大多以筆試來決定取錄與否。講到＂拔尖＂，通常只會拔數，好少拔中／英。因數只有對與錯，可從答案解難程度知其能力；中英就算聽寫講睇都掂亦未必可叫尖子，因沒有絕對答案。

說實話mover 13盾是不錯成績，但絕不足以去做尖子，比得13盾即仍有不足地方，如何拔呢？再者好多讀緊男女拔／spcc 什至付村校 的小一生都有mover 15盾，你肯定你個小2生的英語比這些小1生更好？

數學 3位混合加減及4位數值不太清楚深定淺，但很多小—下學期尾已懂乘數，相信他們什麼 3位混合加減同樣可應付得了。

中英默書100分叻仔！請問錯1個字扣1分定5分？anyway, 學校收取學生會全面睇，如果你打算插小3但學校覺得中文／數得小2程度仍只會給予小二學位;如果中文小一程度都達唔到，極期量試插小2，唔掂就下學期去返小1。所以如果有心轉校(插小2又好小3又好），建議放多點時間在中 rather than flyer。

marcuscyrus

我有一個提議唔知可行否，你以上提及的你都試替兒子考，我覺得有offer才去想拔尖的問題會比較理想，至於搞搞震，是否單純因為悶這點不好說，我覺得作家長亦不宜只向這方面想，拔尖也有拔尖的問題，如社交相處等

helenli

中文唔好，插入直資英小真係唔洗諗，英小是以英文為主，但中文科一啲都唔容易，英數幾叻都無用，不如追返好啲中文先。

marcuscyrus

再講多少少我的看法，唔知o岩唔o岩，樓主可以自己再諗下，去考插班，仲要係你以上所提的小學，相信學校會想收一些起碼跟現有學生水平相約(甚或更高)的同學，是平均每科都要高，否則就可能要某一科超得特別勁(例如全港/全球性的數學比賽獎項)才有機會，中文tsa 你的學校會操，人家學校一樣會操，又正如你的學校用2c(即2下)，人地一樣用緊2下，要突圍真的不容易，一係就在這一年自己同佢超年班，否則其實我諗插班未必太樂觀，如果真的不能插班，我覺得都應該引導下孩子，如果課堂覺得悶時可以點樣做打發時間而又不影響人，有一點我特別留意就是樓主提到孩子不喜歡他認為幼稚朋友，我沒有教養資優兒的經驗，但我覺得這一點是否可以從家長處多做一些引導?令他有更正面的價值觀?如有冒犯，先行謝過

marcuscyrus

joanthony 發表於 12-10-25 23:26
我明白了, 多謝你的意見, 我出此post的目的就是因為好茅盾, 出年插p2(在佢來講叫repeat, 佢又無錯, 又唔係 ...

我大仔細個時都會睇唔起人，我唔會教佢去教人(除非人地問)，我覺得咁樣會令佢覺得自己更叻，但我會教佢去發掘下人地的優點，教佢天父做我地係公平，你呢方面叻d，人地就另一方面叻過你，佢笑過邊個，我就比個時限佢，要佢搵出人地的優點，否則當輸xdddddd，如果我係你，我會同佢做下評估，唔係用黎證實佢有幾叻，而係睇下有咩辦法可以教好佢

huba

＂我會教佢去發掘下人地的優點，教佢天父做我地係公平，你呢方面叻d，人地就另一方面叻過你，佢笑過邊個，我就比個時限佢，要佢搵出人地的優點＂
真的要讚這是很好的教導!

overview

deleted deleted

melonfans

joanthony 發表於 12-10-26 12:38
This is an extreme case, not relevant to mine at all

中文吾掂, 你小朋友再跳班, 跟本學吾到中文!  加上性格問題, 佢又要適應大哥哥姐姐做同學, 整體嚟講, 真係吾合適.

中文吾掂, 吾可以 jupus考大學, 你全程讀 IB 拔尖先得!  

melonfans

joanthony 發表於 12-10-26 15:30
今日parents day, 佢中文老師話我仔的中文算跟得到(睇佢平時上堂及默書成績而言), 因12月先考試, 佢話佢地 ...

反而你將讀 flyers時間, 去惡補中文, 亦等小朋友明白自己吾係特別優勝, 考試成績係全面, 吾係只得一兩科, 等佢謙厚d, 咁先對未來學習有幫助!

其實你個case同好多人一樣, 只不過人地中文特別叻, 但英文吾得, 你小朋友就英文特別好, 中文一般!  奉勸你吾好行錯方向, 心急跳班, 到頭來返吾到轉頭, 又考吾到大學, 真係好無謂!  

根基同心態先係小朋友學習重點, 好嘅根基先幫到佢日後學習同更上一層樓!

Radiomama

回復 joanthony 的帖子

CKY的小學只有五年，您仔仔要是插P3，恐怕會錯過了課程中的一大截，請留意。