劍鳴K1 & 玫瑰崗PN interview 撞正時間, 點算?

晞晞爸b

keio 發表於 12-10-24 11:32
我有幾點想講：

1. KM 收7月或之後嘅細仔不多。

謝謝！1.明白！
2.你的想法我有考慮過.我想很多父母的心態是：in多幾間，有收先算，到時睇下有邊幾間有offer先再揀。我睇咗好多親子王國嘅父母話間間學校嘅收生標準唔同，幾乎冇準則。有d家長話明明小朋友in得唔好反而收，in得好答哂問題反而冇收,我嘅感覺係,小朋友咁細個，仲未識講野，d學校搞呢d所謂嘅interview又expect所有bb識答（仲要用英文及普通話答）問題簡直係變態+chi shing!  完全唔合邏輯！就係咁細個bb乜都唔識先要返學學野！冇辦法喇！遊戲規則咁訂，一係照跟，一係唔玩。我嘅心態：有得in,就有50%機會，撞下彩，反正咪當攞下經驗，收唔收唯有聽天由命，最緊要嘅係我有試過盡力去幫佢報，佢得唔得就算喇。所以如果RHS今次肯收佢，放學果程到時先諗，我可能會賣咗自己現在住嘅地方，搬九龍或香港租住先都要既喇，呢d後話入到先算。
3.我已報KM PN(k同pn一齊報），都知k班忟水d.
4.RHS貪佢課程較深及直上小一。

晞晞爸b

TTT520 發表於 12-10-24 12:13
樓主, 你住新界區...每日要過海返PN, 小朋友上學時只有2歲多O的, 你真係要考慮清楚係咪選擇去灣仔半山返學. ...

謝謝提醒，我都知。講真，我呢幾年住慣新界（村屋），要返巿區就覺得好逼及好遠。果日（上星期六）由灣仔地鐵截的士上司徒拔道，塞車塞咗我半個鐘，上山上到一半我已經想放棄，感覺真係山長水遠...算喇，入到先算，可能唔收哩，咁到時想煩都冇得煩，哈！

keio

原帖由 晞晞爸b 於 12-10-25 發表
謝謝提醒，我都知。講真，我呢幾年住慣新界（村屋），要返巿區就覺得好逼及好遠。果日（上星期六）由灣仔地 ...

下次去在cwb 經跑馬地藍塘上去會近d 又冇咁塞。亦可由金鐘經馬己先峽道上。

keio

原帖由 晞晞爸b 於 12-10-25 發表
謝謝！1.明白！
2.你的想法我有考慮過.我想很多父母的心態是：in多幾間，有收先算，到時睇下有邊幾間有offe ...

4. KM 的課程也深但當然沒有直升小學

晞晞爸b

keio 發表於 12-10-25 00:39
下次去在cwb 經跑馬地藍塘上去會近d 又冇咁塞。亦可由金鐘經馬己先峽道上。



  ...

Thank you!

晞晞爸b

keio 發表於 12-10-25 00:40
4. KM 的課程也深但當然沒有直升小學

同意，km係九龍塘都屬名校之一，如果明年三月interview km肯收嘅話我會認真考慮俾仔仔讀 （不用過海）
RMS吸引之處因為我兩公婆日頭都要返工，如果有直上小一嘅幼稚園，可以到時唔駛煩到處撲學位叩門...

sbux

原帖由 晞晞爸b 於 12-10-25 發表
同意，km係九龍塘都屬名校之一，如果明年三月interview km肯收嘅話我會認真考慮俾仔仔讀 （不用過海）
RMS ...

in 玫記 PN 跟住三月再戰KM PN, 橫樹KM 收越細機會微乎其微

TTT520

晞晞爸b 發表於 12-10-25 00:34
謝謝提醒，我都知。講真，我呢幾年住慣新界（村屋），要返巿區就覺得好逼及好遠。果日（上星期六）由灣仔地 ...

唔好客氣.  如果你無撞期, 我都會建議你去IN下, 當一個經驗, 比小朋友試下. 就算收唔收都無所謂, 到時先決定讀唔讀囉.  

晞晞爸b

sbux 發表於 12-10-25 08:49
in 玫記 PN 跟住三月再戰KM PN, 橫樹KM 收越細機會微乎其微

同意!
你講得好O岩! in 玫記 PN 跟住三月再戰KM PN

天下父母心.其實好多爸爸媽媽會儘量去爭取面試機會到時揸住幾個OFFER先慢慢揀


講返自己既情況先:
由於我兩公婆都要返工.晨早一出門亞仔未起身.夜晚10點幾放工返到屋企亞仔又訓左
星期日先有機會陪仔仔玩
屋企只得印傭湊小朋友(無老人家一起住)
而印傭唔識講英文又唔識講廣東話.只識講好簡單既國語(唔超過10句)
總之亞仔日對夜對姐姐學野超慢.下個月滿兩歲都仲未識講野
都唔知點interview

我都知大獲.舊年已一早報定d幼稚園PN班in 左幾間
IN左幾間有3間OFFER (算好彩.亞仔唔識講野都收.真係唔知收生標準係點)
計劃:
來緊12月2號(滿兩歲)會送亞仔去元朗英藝插班讀住PN先
總之返學對住其他及小朋友先生學野會快d點都好過係屋企對住姐姐
讀住半年先之後等YORK 明年8月PN開學到時去讀

由於有上述安排我個心都定D.最少知道亞仔最差都仲有backup
由於咁.所以今年個心會比較大膽d
舊年報PN時諗都無諗過報香港區既
今年就嘗試去試下
樂基.劍鳴.學之園都好..呢幾間是但一間肯收既我諗我會放棄YORK(當然.YORK都好好)
(可惜根德園唔俾31/10之後出世既B報K1.唯有等下一年)

都係果句..報就盡報..有得收先算喇.

晞晞爸b

TTT520 發表於 12-10-25 11:29
唔好客氣.  如果你無撞期, 我都會建議你去IN下, 當一個經驗, 比小朋友試下. 就算收唔收都無所謂, 到時先決 ...

完全同意!

chingchingyee

講真...唔好玩啦, 自己揸車接送都係咁話啦!! 元朗出灣仔仲要上山,,,,係一個星期五日風雨不改, 值得嗎?? 咁回程點?? 搭校車左轉右轉返屋企呀??

晞晞爸b

chingchingyee 發表於 12-10-25 13:53
講真...唔好玩啦, 自己揸車接送都係咁話啦!! 元朗出灣仔仲要上山,,,,係一個星期五日風雨不改, 值得嗎?? 咁 ...

前面講咗，如果亞仔真係好彩入到RHS嘅話，到時可能要賣樓搬出九龍或香港租樓住住先

sbux

但如果兩公婆長期咁夜放工對小朋友發展真係好大影響。先勿論名校收唔收，小朋友心理成長都唔會健康。名校收咗，你哋都唔夠時間跟。。。兩公婆可唔可以其中一個作改變？錢揾唔晒，仔嘅童年得一個。。。仲有，佢每日咁缺乏刺激，唔好介意我咁講，但可能導致發展遲緩問題 (尤其係仔添)，你嗰時就後悔莫及，你哋真係要好好傾下。。

bobo101^*^

我好認同你所講。樓主兩夫婦咁忙只得星期日得閒，入到名校都冇用。玫瑰崗家長會時，校長講過，學校有功課，亦著重親子，所以會有好多親子活動，學校希望每次活動係家長出席，不希望是工人陪同。就算你唔讀RHS , 去到另一間學校也希望家長多點時間陪小朋友。抽多些時間吧！

hebe2010

原帖由 晞晞爸b 於 12-10-22 發表
住新界返工返九龍...
其實地點對我來講不是最大既問題
因為預左一早出門揸車送仔仔讀書先先返工

個人鐘意：KEENMIND ，另學之園呢兩間我好鐘意

milk_milk

請問下你填地址在哪? 其實學校不取錄新界區的學生, 因為老師曾經講過, 果個小朋友幾叻都冇用, 要小朋友坐咁耐車, 老師都唔想

milk_milk

回復 晞晞爸b 的帖子

佢點串你呀~

晞晞爸b

sbux 發表於 12-10-25 18:23
但如果兩公婆長期咁夜放工對小朋友發展真係好大影響。先勿論名校收唔收，小朋友心理成長都唔會健康。名校收 ..

我同我太太都好擔心呢個問題。
但呢個世界唔係咁完美嘅，我地要靠自己去揾食，手停口停。錢係揾唔哂，但香港地乜都貴，唔努力搵錢點生存？即使我兩公婆唔食嗰b都要食...好多野都要做出取捨，兩公婆唯有趁仲後生勤力d搵錢，希望俾最好嘅bb，

晞晞爸b

hebe2010 發表於 12-10-26 11:32
個人鐘意：KEENMIND ，另學之園呢兩間我好鐘意

兩間嘅口碑都好好！

晞晞爸b

bobo101^*^ 發表於 12-10-25 21:59
我好認同你所講。樓主兩夫婦咁忙只得星期日得閒，入到名校都冇用。玫瑰崗家長會時，校長講過，學校有功課， ...

謝謝你 & 謝謝sbux ！你們的建議我會好好考慮。謝謝！