band 1英中讀唔掂, 被"勸"走(updated)

Toni媽媽

唔知點解原來之位置想加又加唔到, 想覆又覆唔到, 唯有另開一個新位置? 板主可幫忙接續回去原先之位置上??   

轉了學校才知原來好多Band 1英中, 也有"勸走"學生之習慣/ 做法! 我仔同班又有一位新插班同學重勁料, 區內band 1 一哥勸出來, 因為衰拍拖, 女生精英班全級15名(所以被口頭警告就算). 但男仔成繽唔好, 全級尾XX, 所以被"記大過+勸走". 完全係一個天, 一個地, 現實世界就是這樣啦, 小朋友! 其實反面睇, 亦係好好之一課, 要珍惜眼前所有之東西!

宜家間學校只係 band2 中/尾, 講衰D, 無人叻, 我個仔就叻lor! 宜加係班長 + 風紀tim. 遲D考試才知成績. 但用D書全中文而且真係好淺, 但無辦法, 鬼叫自己唔爭氣咩, 攪成今日要讀 band 2尾學校, 亞仔唔敢有聲氣, 可能係學生成績唔好, 學校就成日掛住操運動. 又乒乓球隊/ 又足球隊, 好似唔洗讀書gum! 唯有靠自已補習, E+ keep 住有補習, 希望仍有機會入到本地大學, 再唔係, 遲D高中可能去英國吧, 香港睇怕都係唔夠人爭.

不過關係好左, 大家開心左, 琴晚佢收到我送比佢部新 Ipod touch, 刻左佢個名 + I love you 咭片仔, 佢話好感動 wor!
以前我唔會送比佢, 因為佢成績唔好, 唔值得獎勵, 唔值得......

社工哥哥/ 心理醫生指導過後, 我都開始放低了一些, 開始接受仔女唔一定會叻過自己之父母. 而且, 小朋友重細, 點知將來"際遇"係點呢? 我仔其實最弱係語文(中/ 英)亦差. 最強係思考, 數學運算! 親和力/ 領導力亦唔差, 可能係另類發展...

記住呀, 仔女唔一定讀書叻過父母, 搵錢亦未必一定會多過父母, 自己做到唔等於仔女一定做到, 唔好要求過高, 要包容... 我見過2位心理醫生都係 gum 講, 要放低啦, 唔係再睇就係"精神病"醫生, 唔係心理醫生啦

Yanamami

係龍係蟲都係自己生, 自己d基因, 無得怪佢. 所以要求既唔係佢要幾叻, 而係佢有無責任心, 態度正唔正確. 唔叻都起碼要做個好人. 係社會上, 叻人有叻人貢獻, 平凡人有平凡人貢獻.

cy101

  關係好咗呢樣最難得!!!!

shun282

好感動睇到你學識放下標準,
重有你會發現亞囝還有好多的優點,
沒有甚麼事重要過同亞囝關係好咗, 繼續加油,
你做得好好,一定不須要看精神科醫生

oscarmama

你好叻！

Ivy07

回復 Toni媽媽 的帖子

小朋友仲細，係龍係蟲都是未知之數，唔好咁快打定輸數，大家一齊努力

142526

回復 Ivy07 的帖子

好感動呀!!!

lamlam2004

好感動! 亦好欣賞你們放得底!

小聰

我仔現中一，當派位吾糸心中英中學位，都吾開心，但佢現對新中學感歸屬感而讀得開心，也放下憂慮，齊齊努力

jvkll

Yanamami 發表於 12-10-18 17:01
係龍係蟲都係自己生, 自己d基因, 無得怪佢. 所以要求既唔係佢要幾叻, 而係佢有無責任心, 態度正唔正確. 唔 ...

100% agree..我都會以小朋友kei 品行同態度為首要...同埋做一個有用kei人!

Meikin

我們有時不經意將孩子同自己細個時比較, 或跟其他人的孩子比較, 過份放大了他們的缺點, 而忽略了他們的優點.  

無論他們是龍是蟲, 都是我們的仔女啊!  而家讀書真生活真的好tough, 我們真的要對他們多加支持, 少些無謂的挑剔和批評.

Meikin

142526, 你講得好啱, 佢哋早出晚歸, 放學後/放假又要做功課温書, 辛苦度不比我哋大人返工少, 起碼放工後我唔洗帶工作回家做.  所以我有時雖然話佢哦佢, 但都要提醒自己"適可而止".  

142526

Meikin:講開又講,上星期開家長會,老師話阿仔d成績好差,態度又差,又講大話,無樣好,好大幾會留班 我果陣好嬲,回到家即時同佢六國封相,事後我覺得自己太衝動,我當時受到老師說話影響,即時判了佢死刑,好彩老公係到先至無事,我現在重新調整他的學習目標及目的,我不要以升班為基本,只要他做好本份,過了測試再作打算...但心中總有d不開心.無奈.

BabyLincoln

感動!

Bonnie

原帖由 142526 於 12-10-22 發表
Meikin:講開又講,上星期開家長會,老師話阿仔d成績好差,態度又差,又講大話,無樣好,好大幾會留班 我果陣好嬲, ...

我 case 同你好相似！每每都忍唔住，駡、打行先，事後會後悔，其實係冇形中傷害咗大家嘅信任、關係。

Meikin

回復 142526 的帖子

好彩你沒有在老師面前或當眾責罵佢, 佢會好hurt冇晒自尊.  其實有邊個小朋友唔想做得好俾人讚, 只是未必每個孩子都能做到自律自覺, 或掌握讀書的竅門.

身為父母, 孩子失意失敗時, 我們除了在適當時候薄責幾句, 最好還是在他們身邊默默守護和支持 (他們是feel得到的), 也看看有甚麼可以幫他們一把, 也嘗試多與他們溝通, 了解他們的想法/感受.  有時打罵不單會傷感情, 更會令他們變得反叛或自暴自棄, 覺得概然老師和家人都覺得自己係咁, 咁咪咁算數.

142526

阿仔今天開始測驗,剛剛測了英及中史,佢話有信心會合格,明天測maths &epa,希望佢d數得啦,小學時數是強項,唔明現在s1會變得差晒??但佢照樣唔肯溫書,溫了一陣epa就要落樓打波.無奈.

TSZWING

Add oil.

Meikin

回復 142526 的帖子

小學的數學較中學的簡單很多, 我阿仔小學數學都好好, 但升中後, 中一的數學尚可以, 而家中二的數學都危危乎, 應該都不是讀理科的材料.

你阿仔是剛升中一嗎?  中一對於孩子來說真的有多方面 (e.g. 學業/學習方式/自我安排/交友/往返學校 etc.)要適應, 要俾多些時間和支援 (單是鼓勵未必足夠) 他們.  一時間他們遇上太多的困難, 他們會不知如何處理, 及從何入手處理, 就會選擇放棄或逃避.

去年大仔升中, 眼見佢辛苦了差不多8-9個月, 且一直生病但又要繼續返學, 練田徑 及趕功課, 我都好心痛, 但卻是成長一部份.  直至近學期末, 他終於找到合拍的朋友, 擺脫了長期感冒和腹痛腹瀉, 適應了, 也開始享受學校的生活.  今年中二開學至今, 各方面也好了很多咯.

所以你和你的囝囝也要加油啊!

142526

Meikin:
佢今年是s1 ,d數仍處於低位,我仍在努力中,希望佢會聽我講