我不是今年要應付申請極度緊張幼稚園學位既其中之一位家長,可以講,已暫時放低一下,並積極準備升小的各項準備。我睇左今年既Post,已感覺到山雨欲來咁既壓力,的確~~虎年同龍年一樣,係中國人心目中理想既生BB年份,會有大量既BB出世,而今年正正就係虎B入K既年份。回應我標題,我可以分享一吓我經歷。我小朋友在往年一共報小十間幼稚園,由初初有好表演到後來吾願interview,過中情緒上既轉變,希望今年申請既家長要諗一諗。
金巴倫,一間在九龍塘名氣不及SC, KV, KM, 創價, 宣道, York, 禮賢既幼稚園, 但我由一個盲炳開始要搜習資料,後做對比及親身去到校舍交表,可以講,自金巴倫翻新左校舍後,佢係我見過咁多間幼稚園,以個人感覺計,以佢環境最好。而我個小朋友係超細B,係各方面都可能不及大B,所以我更注重老師及學校整體對我小朋友是否合適,否則只會吃力不討好。我是有考慮過做超大B,但一來虎B入學年就定必更多競爭,所以我仍然選擇做超細B,感覺上較保險。
先講講上年既面試經驗,可以講吾係大b,你既機會已經係......我上年都吾覺,但當事後回想及做總結,呢個係不認不認還需認既現實(吾好話你識某某細b都入到乜乜乜,我只係講一般而言而吾係絶對)。當然上年我個b冇得去In kv & PC。上年我小朋友最先面試係金巴倫,以細b來講我小朋友當日的確係好表現,固順利地成功有Offer。
而最多人考既st Cat,上年話六千人,但今年放出黎既料話有一萬,只要睇吓上年交通警安排既人手,同澳洲國際學校門外既父親計,及連續三天面試計,我覺得一d都吾跨張。而我個小朋友除左不能夠從萬紫千紅圖畫中找出蝴蝶外,每一樣都能夠自動波完成,我出來以後自以為有d機,結果當然係連後備都無啦,到KM同禮賢,我小朋友一樣係有超水準表現,結果都只係得一席後備,祟真,蘇浙表現都吾錯、但創價同宣道表現已開始走下波。之後果兩間名校(不開名了),我都吾知我個小朋友表現如何,因為自己入去in。結果當然都係吾得啦。
好了到最後除左有三間備取生外(其中我有連續去信求位的),手上得自已讀開的PN直升K1同金巴倫可選,可以講,PN果間都係出名的幼稚園,兩者選任何一間都是可以的,但我最終都選了金巴倫。為何,都係因為我個小朋友係超細B,所以我諗左好耐。原因係
1.
我知道佢地係用蒙特教學方法,我本人幾鍾愛。 2.
我個係超細B,可以講,小小班教學就最好,而金巴倫正正就係咁,十來個小朋友兩個老師一班,Good~~ 3.
目標明確係傳統小學,以谷的情況來說,不及KV(聽聞)但成績可以足夠升小時食老本(小一小二計)可以增強細B既自信心。 4.
金巴倫向來升小既成績都不錯,今年既升小成績直情係以好黎形容,以細校來計,可以講真係幾好野。所以更加強左我既信心。 5.
我親身睇過佢地點安排d小朋友搭校巴,可以講係冇野講,由門口到校巴門口用兩排人”寒”住,以超過十人隊伍欄實哂條小朋友隊,好安全,做得好足。
到了開學後兩個月後現在既整體感覺,完全對板,眼看並感受老師對小朋友的細心(小朋友見到老師時的親暱),小朋友返學後的表現,及假期早上都問是否返學,我知我小朋友應該讀得幾開心,而我估計我應該有信心幾年後有d條件去考我既心目中既小學。
以上講左一大輪,其實係因為我見到有d家長用
一d吾係太專重既說話去問,金巴倫 ?冇聽過,咩校黎架。而有感以發寫個post出黎,比一d睇完認為岩自己小朋友既家長,係有Offer 係手既時候,會有一點點資料做參考。因為我當初都係BK睇到一位家長既心得而做出決定,金巴倫 ---à
西區名小學食老本而建立自信----à升名牌中學--à由細個養成好習慣,一路讀到上年(中四)都係自動波,成績尚佳,不用父母擔心。我暫以此為目標願與各位共勉之。
|