阿女好多大話

karen2323

阿女剛升上中一，但我發覺她越來越多大話，每日放學回家，上網看you-tube 或 faceook，到我每日差不多約7:00放工回家才開始做功課，很多時未練琴但又呃我話已練了，鬧又鬧過，講道理又試過，請問有乜辦法？我催她要快快做功課，她只會嫌我煩，我都唔知應該點做，我怕她慣性去講大話。

Meikin

回復 karen2323 的帖子

不如你考慮吓在電腦設定登入password, , 若佢要上網, 等佢每晚做完功課練埋琴, 你才幫佢 lock in 呀?

hw1115

同我仔一樣, 放工回家才開始做功課，.我宜家找了功課班給他, 星期一至五,
每日兩個鐘, 但佢星期六及日都係 hea 住做, 攪到自己無得去街,扺佢.

celiamum

我個女...一星期返三日功課班 (星期一、二、三)..因星期四要練朗誦、星期五晚要學琴...暫時都可以係功課班完成功課...星期五D功課...佢就會星期六早D起身..做埋佢....(佢差不多隔個星期六下午(2:00 - 6:00) 都要返學)... 星期日早上上門補習(兩位小姐合共 2 hrs - 10:00 ~ 12:00) ...下午有時間就會出去行下....鬆一鬆....其實佢都真係幾忙ga...
另外...交友方面...我反而會睇得緊D....
開學初期...我發現佢有D同學仔...係FB 嘅言論有D過火... 我就會暗中了解下個女有無同呢類同學行得埋唔埋....
暫時得知....佢都有同佢及其他同學一齊食 lunch 及一些分組活動....但又未去到特別 Friend 果隻...我都放心少少...不過...我都會繼續留意...同埋...好在小姐都仲鐘意同我分享學校生活...趣事....
p.s. ... 佢地知道我最憎人講大話....如果比我發現講大話.... 佢地會死得好慘....
所以... 大小姐如果有錯事...佢會及早自動投案...往往會有意想唔到嘅結果....我不但不責備...仲會比更加多鼓勵...知道錯咩...下次就唔可以再錯啦....同埋做錯就要認....萬一要受罰...亦都唔可以有埋怨......
我經常都同兩位小姐講...要做個負責任的人....做任何事...請任何說話...都要三思...要顧及他人感受....做個有用的人...

minijelly

如果明知講左你聽你一定鬧爆佢既,咁換轉係我都講大話呃你,費事攪到家嘈屋閉,返左一日學已經好攰,佢返到黎幾點先?好似我囡咁,返到黎都成5點,我由得佢休息一陣先郁架,可唔可以試下平日等佢攪掂晒D野,放假就出去行下,HEA下,大家關係好D,就咩都易話為D啦

另外,我以前都係好長氣,成日哦住佢做左功課味呀?聽日有無默書呀?溫左書味呀?跟住我囡有一日同我講,其實你真係唔駛成日提住我架喎提一次就夠喇,,我自己知自己要做咩,做唔晒無功課交返學實比老師罸啦,咁自此之後,佢真係自動自覺,自己負返自己既責任

小B媽咪

上到中學校，Youtube/Facebook係佢哋同學之間話題同埋社交網絡。你囡囡有冇欠交功課，成績退步呢? 如果可以keep到，放開佢，比佢自己行啦!
至於學琴，你有冇問過佢仲有冇興趣？如果佢無興趣，咪停停佢先。如果佢都有興趣，咪問下佢有咩歌係想學(eg流行曲等)，等佢有原動力去練習。
大個女啦! 吵吵鬧無用o架啦! 自己都做過細路，邊樹鐘意被人鬧呢？平心靜氣大家傾傾，睇下可唔可以打開佢o既心窗啦！加油！

karen2323

多謝各位的鼓勵和建議，平心靜氣，她真係好忙的，但就是這樣，我見到佢慢慢吞咁，就會好勞氣。我的性格鍾意先苦後甜，做晒所有嘢先慢慢歎，阿女則相反，悠悠閒，所以大家好多衝突。

Yanamami

karen2323 發表於 12-10-16 11:16
多謝各位的鼓勵和建議，平心靜氣，她真係好忙的，但就是這樣，我見到佢慢慢吞咁，就會好勞氣。我的性格鍾意 ...

點講好呢? 其實小朋友已升中, 唔好再用小學方法相處. 佢要學會分配自己時間, 而唔係你去分配. 我女初升中, 我只要求佢11pm訓, 唔可欠功課, 每周定時溫番果個week教既野, 每周練笛4日(唔包去樂團果日), 禁佢點做, 幾時做就自己決定. 只要佢學習態度正確就由得佢.

hw1115

karen2323 發表於 12-10-16 11:16
多謝各位的鼓勵和建議，平心靜氣，她真係好忙的，但就是這樣，我見到佢慢慢吞咁，就會好勞氣。我的性格鍾意 ...

我的性格鍾意先苦後甜，做晒所有嘢先慢慢歎 >>>>>>>>> 我同您一樣, 但最近公司的經歷,
另我知道係時候要改啦! 再落去可能會走入死胡同架 !


我經常問阿仔: 您仲意先苦後甜，定先甜後苦 ?
佢係答唔到我架!

Hanayori

我個女都係中一,  由細至大都怕留堂, 所以對功課尚算緊張, 平時衰咗只要主動認錯, 我都唔會鬧, 唔想嚇怕唔再坦白.  
呀女對電腦興趣已不大, youtube 係假日先用黎聽歌,FB亦可有可無, 手機先係命根, 用whatapps 開好多群組, 中學同學用黎問功課,  小學同學用黎傾計,  佢地仲好留戀緊小學生涯, 有時一日不上whatapps, 可以儲2-300條message ; 仲想我將佢個手機plan upgrade, 真係以為我傻?  :;pppp:

totheend

最近同阿女有衝突, 對於我的苦口婆心佢起晒"槓", 最後一句"搭"過來:"我同你, 思維唔同" !

totheend

Yanamami,

唔怪得! 我用左两天, 每次哦足個半鍾!

celiamum

樓主妳要加油喔... 要有耐性...記住...要破壞大家嘅關係好容易..但要重建修補關係就要千萬倍的努力同時間....
最緊要...唔好比大家關係差落去..

我嘅方法就係...投其所好.....

我係在職媽咪..返到屋企...又要變身做亞四、跟功課、講故事..非常忙碌..但當兩位小姐同我講學校的所見所聞..我又要一一記低...佢地經常都會問返我ga...睇下我有無認真聽佢地講野....


我個女以前都有一段時間...好似聽唔到我講野咁...話我煩...無比反應..連個妹都學埋佢咁...攪到我都好勞氣...亦係佢面前喊過....

有時佢叫妹妹做D野..亞妹無反應..佢就鬧個妹...
每次佢一講個妹...我就問佢...知唔知個妹點解會咁....跟著...佢就會知道自己都有唔啱....

另外..當佢地做咗D我認為唔恰當的事情...我會同佢地講....學下企係對方個位置睇睇....如果D同學咁同妳講野，咁對妳...妳會點??

欠而久之...佢地兩個都明白到....要學識尊重人。

依家...基本上我個大女都有好大自由度...但佢每次想上FB..佢都會打電話問我...得到批准...先可以....
不過...佢每次開到聲...我都會批準...通常限時10 mins 內....
如果唔比佢鬆一鬆...佢唔開心之餘...下次可能會偷偷地自己上...問都唔問我啦...
佢好似隻風箏..只要我依然手握住條線...慢慢放....有須要時...又可以收返埋D...最緊要唔好斷線...唔知去咗邊就得啦...

orangebb

回復 celiamum 的帖子

我同你教女方法都好接近, 都係會以同佢有計傾為大原則........講真, 佢咩都唔同你講, 先最大劑呀!

好似上FB, 之類, 我都比阿女用架, 佢自己都好自律, 用一陣見無乜就關機, 反而見佢有班同學, 真係好似越唔比上, 就越鍾意上咁, 有次見到佢個同學仲鬧佢阿媽禁止佢用, 又講粗口.......事實, 佢阿媽都比佢握埋, 係我面前仲話, 佢個女無上FB架, 佢唔比......!

celiamum

回復 orangebb 的帖子

暫時來講...佢每晚都會同我講個日係學校發生咗D咩....
好似昨晚咁...佢同我講...話有個同學開始曳曳...對老師唔禮貌....成日發脾氣等等....
佢話佢同另一個同學開始疏遠果個同學仔....唔一齊食Lunch...

我同佢講....其實妳地係未應該去了解下個同學點解突然會咁...可能將近測驗..壓力太大? 或者有其他的問題困擾佢 ?
無論同學或朋友...唔應該一有小小事....就疏離...要嘗試去了解..幫佢走出困局....

另一個case..有個女同學...出名曳曳....個女同我講....最近果個女同學..開始變乖...無再成日講粗口...對人謙卑咗咁....
我就同個女講....係lor...每個人都有做錯事及感到迷惑的時候....只要佢肯聽勸導...慢慢行返正途...咁未好lor...

我同佢講...凡事都唔可以過份主觀..妄下判斷.....要自己用心去感受， 聽多D，睇好D..

orangebb

回復 celiamum 的帖子

你連呢個教法都同我一樣呀 !

我都係同個女好多計傾架, 我都有教佢唔好疏遠或杯葛人, 因為被杯葛者, 都會好難受架, 要多易地而處 !  

我阿女今朝先同我講, "媽媽, 你每日最溫柔就係放學見到我時候, 之後, 就會一路路惡, 叫我快做功課, 快沖涼, 快瞓覺", 我聽到都覺得好好笑, 睇嚟, 我又要控制下自己, 不知不覺長氣咗............

Teresa

我朋友幫我喺hotmail開左個account，再set parent guard. 可以由父母set上網時間, 上既網頁, 過濾不良資訊.

https://fss.live.com

我個仔而家就係咁, 佢唔聽話沉迷youtube/facebook, 我會cut佢上網時間. 相反, 乖乖地有交帶既話, 可以加長上網時間當鼓勵.

GUOMAMA

我個女上左中學都變鳥,欠交欠做,有幫佢檢查,但都做漏,好擔憂