EK家長怎睇沙田祟真,培英, 沙官

pppa

各位EK家長: 小兒今年P6, 正讀聖心小學,精英第2班, 全級 排70-80. 來年S1想選沙田崇真,培英, 沙官, 不知有否機會? 自行報讀及抽簽填表應該怎樣放次序. 請指教. 感謝!

Q仔LALA

你兒的全級排名，對以上的中學來說，好像未夠前呢！自行有點危~

pppa

咁請問我仔的成綪, 我應target那幾中學呢?

tam

沙官有聯繫小學、崇真同培英好受歡迎，以你小朋友既全級排名自行有難度，點解唔選聖中？有聯繫位上返去易d喔。

khmama

回復 pppa 的帖子

聖心你大抽獎放第一已經入梗, 所以自行你鍾意搏邊間都得, 只要心儀就可以.

pppa

多謝咁多位EK 家長意見！ 其實我仔從幼稚園開始已讀聖心。 本人覺得學校是不錯， 但太注重學業， 因此想嘗試其他學校。又聽聞題目提及的學校校風ok又無咁死板。 我都知這些學校不易上， 可是見我仔是一個你推動吓，他就做， 能力又可以。 所以才大膽想吓那幾間學校。
唉！ 現在做父母真難！

csy_ma

沙崇係自行如無揀，就沒有機會扣門的，所以您小朋友如心儀沙崇，就要第一輪報。沙官好似在EK較少人講？

我囡剛進了沙培，校風確實OK且學習多樣化。沙培好注重演講能力，無論中英，成日都要站在全班或分組前做分享/朗讀，亦重點提高學生英文水平。您小朋友最好多看／聽英文影碟或故事，提升聆聽能力，上到英中時就較易適應？

longfung

csy_ma 發表於 12-10-16 11:08
沙崇係自行如無揀，就沒有機會扣門的，所以您小朋友如心儀沙崇，就要第一輪報。沙官好似在EK較少人講？

我 ...

囝囝學校每年都有10-8個入沙崇, 但讀到F.3就好多功課同好谷, 識得個女生都好勤力主動, 成績都不俗, 但都要晚晚做功課做到11點, 父母都心痛, 所以要入沙崇要有心理預備.

TKO2040

樓主

小朋友是B1生的話, 抽沙祟&沙培機會都好大, 沙官其實機會更大, 因沙田家長覺得佢難抽, 個個唔敢選, 竟然好後都派到.

沙祟&沙官各有精英班, 看來樓主小朋友的名次較難入到兩者的精英班, 這幾年沙崇谷得好勁, 好多功課 ; 另外一位沙官家長說,沙官資源比了許多給精英班. 讀普通班就唔好啦!

沙培都好受沙田家長喜愛.  而且有扣門位 (不過係筆試).

C9大王

沙崇同沙培喺熱門選擇，沙官如果要自行的話更加難考，學校選頭200名自行排名IN，仲有以績行先，考試時間超過一個鐘，純考成績。

pppa

到訪過沙培門外觀察， 好似校風唔錯。 學生都enjoy 校內生活。 但沙崇轉了新校舍較難觀察， 阿仔話同學聽過幾次沙崇學生講粗口。

請問對沙崇校風有咩comment? 另外， 我只鎖定兩間學校， 會否太少， 要否找一些B2 學校做backup 甚至直資呢？

C9大王

如果香港大學啲學生講粗口你讀唔讀？以呢三間都喺唔錯學校，比心機考好評分試啦，加油，但粗口學生比你小孩聽到，佢可能唔鐘意，解釋比佢聽每一間都有，自己唔好講就得啦，或者勸人地唔好講。