小狀x教室的惡行

bbiloveu

其實兩年前我仔仔都上過, 可能當時無現在那麼多學生, 我覺得小朋友都學到野,家長亦可了解到interview既形色, 但學費真係貴, 我地上了兩個course無再上

basic

地方細，透明度低。小孩在封閉的房間，教乜無人知？等F&A 講哂！採到d 細路一文不值，話d細路好多野唔識，家長要多加留意！嚇怕d家長，報埋專班；F&A 咪收成正果$$$囉！

Q7Max

basic 發表於 12-10-15 10:49
地方細，透明度低。小孩在封閉的房間，教乜無人知？等F&A 講哂！採到d 細路一文不值，話d細路好多野唔識， ...

我問身邊家長，大家發現：
1) 一班可能有十幾二十人，一定唔係A和F老師教，有三個不同女仔輪流教，當小朋友入去時已經有十個小朋友上堂，接著十個小朋友上上吓先走。
2) 家長發現A老師話今天教了什麼什麼，當家長回家問孩子時，孩子說並沒有學，返問父母是什麼？
3) 他們怎知道面試題目，是叫一位小朋友入房，(chock/搖)到個小朋友一定要講出題目，所以佢哋好多資訊都是N年前

Q7Max

上年我都上過佢哋温習班一個月，後來想參加面試班，問A&F老師面試班一班多少人?佢哋覆我一個老師教8-10個學生，如果有學生補課可能會多d。我再問一班會唔會超過十人?佢話會有Assistant幫手，總之一位老師教8-10個學生；我望住A&F講:「我想揾你哋教，唔係你Assistant教」，A&F答:「男拔interview都咁多人」
所以最後我無報讀。

helenli

劣評如潮，學唔到嘢，又打人寶貝仔，點解仲咁多人中個頭埋去？ 準備面試非要去呢啲學店嗎？呢個post沉左落去，過一段時間淡忘左，嗰兩個女人又會若無事地揾銀，望子成龍嘅父母每年繼續盲目進貢，佢根本唔怕你喺網上寫臭佢。

giannapoon

呢間教室係邊區呀請問？

Q7Max

helenli 發表於 12-10-15 13:38
劣評如潮，學唔到嘢，又打人寶貝仔，點解仲咁多人中個頭埋去？ 準備面試非要去呢啲學店嗎？呢個post沉左落 ...

我認識班朋友幾年前上過呢間學店，當時學生人數少老師還可以應付。07年之後出生率高，所以上年兩老A&F用最少資源，要有最高成本效益，唯有咁做。其實，無人想寫臭佢。只係想佢兩老引以為鑒，唔好再傷害小朋友。用愛心、耐心、誠實地教導小朋友。

Grace1010

一班真係越嚟越多人，我讀咗接近6個月，次次讀完都有briefing，由最初嘅6-7個到依家10幾人，其實真係唔知佢地學到幾多.................

cysw312

回復 helenli 的帖子

浪費金錢唔抵，但最重要小朋友同大人浪費時間，留番D時間學其它仲實際。

joyce919

irischowys 發表於 12-10-14 23:48
我女上年由五月至十月都在那裡上面試班，我預了給$，所以沒計較一次過比的問題。每次課後Amy也有講下，我很 ...

我都係同期上堂嘅，係之前上過佢堂D同事介紹，D幫手嘅姐姐就每次都講得出阿女個名，相反老師就...，阿女
話上堂有工作紙做，可以去廁所，估唔到今年會....

joyhk

小狀x 的老師行為真是令人憤怒，小孛真是很難考，她令用我們家長求助無援的心態來搵錢，其實家長都知這種課程對考到小學的成功率也有疑問，但我們都希望有一些微幫助也會去做，天下父母心，這是不變的定率，但現時坊間有些補習社，藉著這樣欺騙學生金錢和時間，請問教學的宗旨及熱誠在那裹？今次這間還mum 耳仔，傷害小朋友心靈，真可恥！
還有如果有補習學校要預交多期學費，我就不會報，因為我也是受害者

easybring

我覺得入到名校, 小朋友本身, 家庭背景影響較大.  如果基本條件有齊, 小朋友聰明靈活, 只欠應對技巧和禮貌細節或interview心理準備, 呢d班係有幫助的.  如果小朋友本身少說話, 上呢d班一年也未必有用.

SII

今日蘋果有相關報導

http://hk.apple.nextmedia.com/news/art/20121108/18060783?ref=fb

kkhon

之前呀仔都喺度讀左半年，好彩冇甘情況只係越收越多小朋友成十幾廿人一堂，估吾到依家會變成甘。

rai_fc

Well, I can only share my own experience.  My son has studied the K1 interview class there and then their K1 tutor class.  I think Ms Amy (most of the time, she has been the one talk to me) is a very experienced teacher, she can point out my son strength and the part that need to improve and where I need to pay attention.  My son also enjoys going to the class.  My son has stopped going since early this month because they can’t offer K2 tutor class on Sat any more.  If I am able to reschedule my son timetable later, I will still consider to sign up the K2 tutor class on weekdays.  (I need to admit that the place is small and not very transparent as you can’t see the classroom inside).

trus

之前都有個朋友叫我報呢間面試班，話教得好好。好彩我考慮完之後無報到啫，如果唔係就慘啦，我女本身都已經唔夠自信心，如果比佢咁教法，肯定連嗰少少自信都無埋，其實我識好多媽咪都有報啲好貴嘅面試班，一交就成萬蚊，但係咪讀完真係好有用，我又唔覺得真係咁有用，我見無讀嘅，DGS/DBS都有2nd in，反而有讀嘅，唔係個個有2nd in，所以我覺得其實面試班唔需要讀咁耐，報1期比佢知道咩叫面試就好足夠，讀得耐可能會有反效果

elok2009

之前已經聽朋友講過
估唔到原來咁多家長都「中招」...

但有個問題想問清楚:
據說教育機構係唔可以「收多於一個月既學費」, 否則違法?
佢地可以收2.5月學費?

firepig

但我個小朋友每次上完堂都好開心，而兩老師都好肯同我地分享意見。而佢地可以幫助到我們平時忽略咗之事件，我就覺得幾好喎。但呢個純屬個人意見，給其他人作參考

irischowys

我小女上年也曾參加小一面試班，昨晚也有問她情況，只見過有小朋友被罰自己mun耳仔企埋一邊，其他的沒見過。人數的確多，尤其七，八月，但老師真的有經驗，也肯解答我的疑問。其實有冇用都係睇人，我女只欠奌技巧及經驗，所以上完堂後發揮明顯好了。當然本身吸收力低的不會有突變，家長要眀白。

tomeilam

小女也是參加了此面試班, 我也問過小女, 除了罰企專區 (我小女說只會罰大約5分鐘), 其他的事情就没有發生過. 我覺得Amy老師和Fion老師都是一個有經驗的老師, Amy老師是嚴謹一些, 但都是為小朋友出發 ,坦白說有些是工人姐姐或老人家接送就會錯過了她們講解課堂上的內容和小朋友的表現, 所以每次我會親身接送, 瞭解課堂上小女的強和弱, 回家再作練習. 我自己覺得面試班只是給予小朋友一個印象, 其實主要是課後家長得知面試技巧和注意點而作出練習. 如認為可在一個多小時令小朋友可掌握技巧, 未免太高估了面試班和小朋友了. 再者從報導中說那家長報讀了兩個專班, 試想想一星期有兩日都上了面試班, 其實連埋有一個是恒常班, 即是一星期三日都上面試班, 如還有其他興趣班和每日都要返學, 你想想這小朋友是否忙過奧巴馬?其實要視乎小朋友的能力, 不要給予小朋友過高期望, 再者不是上了便一定考到啊!重要是家長給予多少時間和心血和小朋友相處! 還有報導指出小朋友有失禁情況, 其實這是壓力引致的心理反射,其實那家長都應自我檢討, 不應將責任歸究於他人, 這麼多的堂要上, 大人也應付不來! 坦白說, 上堂不可如厠, 其實家長和工人姐姐應在上課前著小朋友先如厠才上堂, 這樣小朋友可上得專心, 又不會影響他人,這就是責任吧!  其實點解我在此寫咁多嘢, 不是幫誰, 只是想各家長要評估自己小朋友的能力, 如不恰當只會弄巧反拙, 做一個負責任的家長. 還有本人親眼看到一名家長因時間調動不到, 大發雷霆,當時我在門口等小女放學, 而那家長很大力開門, 大聲說一些粗話, 揚言會大爆穫和在綱上寫衰佢等語句, 這事已發生在一個多月前, 不久便在babykingdom就說此中心的不是, 直至昨天的報導, 請家長自行分辨吧~!祝大家可以考到心儀的學校!