小狀x教室的惡行

chuchu99

本人是為昨晚小狀x的槍手開左個post讚Amy and fion 老師令他仔仔有英華second interview，又話家長屈佢地打小朋友 ,然後給很多受害過的家長出來話她們說謊，但她們今日見很多家長數教室的惡行，竟然delete 左個post,相信她們是怕很多家長知道她們的惡行，本人小孩也是其教室的學生，實在太看不過眼，要出聲！
初上佢地小一面試班都覺得幾好，小孩放學後都覺得佢學到野，只係2位老師會間中比說話d家長聽，但去到暑假，一班由6人變到12人，有時更多，試過一班有16人，小孩告訴我上堂有時只坐係到，無野做！暑假佢地一定要家長一次過交學費到十月才可繼續上堂，暑假係準備面試的最後沖次，所以很多家長都會交，包括本人在內，但交完全部學費後，Amy and fion既態度180度大轉，常常罵家長，每班人數激增，問佢地孩子的情況，有咩要改善，通通都答廢話，問多2句就話佢地有好多學生等緊上堂，唔可以講！Amy and fion 成日都好怕家長拿了她們的教材，所以上堂沒有notes,功課做完不會派番，但又叫家長回家溫習，咩都無，點溫，我見過有家長抄等內容，比佢地當眾話！其實每位家長都係緊張自己小朋友的面試，為何要罵人！
我朋友的小孩早2日被她們mum耳朵，耳朵紅曬，小孩回家時哭，朋友細問之下，先知個仔比fion 打，雖然朋友的兒子有錯，但也不可以打別人的兒子，打電話跟她理論，fion話自己個一刻太緊張，話退回10月份學費作此罷了，太過份！本人需已交了學費，但已經很久沒去上堂，因小孩告訴我不喜歡個教室及Amy and fion!
其實本人在bk從來只是觀看post,很小留言，今次真的很替受害家長抱不平！
如果她們不是咁衰今朝delete左個post,我也沒有打算再開post話佢地，佢地實在太過份！
如打算找面試班或報此教室的家長，自己想清楚先！
如有受害家長，請發言，不要讓這些無良教室繼續搵我地班家長錢！
補充：昨晚有位家長話佢地唔比孩子去厠所，所以孩子在課室瀨尿，我今朝問我孩子，孩子說Amy And fion話小課時不可以去厠所，我孩子也見過有同學仔瀨尿！太過份的教室！

Hk168

此等教室真狗流，我曾經都險些被它的槍手推薦入讀，不知所謂，多謝妳嘅正義

kimWan

多謝你的信息，我剛打算報讀，真好彩看到這留言！

悠揚

可能呢個post 好快會被河蟹, 快d clip 起佢先.

JoJo

chuchu99 發表於 12-10-12 10:57
本人是為昨晚小狀x的槍手開左個post讚Amy and fion 老師令他仔仔有英華second interview，又話家長屈佢地打 ...

你好.

有關你提及的 topic. 因有宣傳成份, 已給版主移走, 同時該名會員已收了警告牌

謝謝你的分享

JoJo

悠揚 發表於 12-10-12 11:32
可能呢個post 好快會被河蟹, 快d clip 起佢先.

相信家長眼睛是說亮的. 何以說會被河蟹?

clara1477

呢間咁既無良教室，希望各位家長報名時小心D。多D了解咋小朋友上課後的情況。我估多數所謂面試班老師真係只係為$，而並非有愛心教小朋友。比$比人'蝦' 自己小朋友，多心痛。

其實我都有比小朋友讀過呢D所謂既小一面試班，吾夠三個月就冇讀。因我吾覺得佢地教到D乜野，後來返而我認為(禮貌，舉止，行為，常識）係應該由家長佩合學校而慢慢養成或累積而獲得。身教就好像播種一樣，絕不能一星期一次就得。經驗老師，小一面試時一睇，一問就知。

cookiegg

好在未幫亞女報

JoJo

回復 悠揚 的帖子

悠揚 不是說家長呀, 即是話可能好快ek 會收信話有人毀謗, 要delete 個post 呀

嗯. 這個說得對.

polarbearlee

Babemama

其實佢地咁對小朋友太過分，可以報警嗎？

helenli

打小朋友，不論什麼原因，大力細力，有無傷痕，都足以構成傷人罪，對方更承認曾打小朋友的耳朵，警方一定受理，應當報警！

helenli

佢退還學費想息事寧人，樓主其實不應接受，應先報警，如警方建議和解，你應要求她們書面道歉，咁就有證有據證明佢做過！

luilui007

我女兒之前都有讀個上年年尾，報左兩至三個月的小一面試班，我之後停哂因為我覺得這些都是靠父母平日教好比一星期一堂，但她們兩位老師我也認為ok! 此校亦是我同事介紹，我同事話面臨面試日期，人也很多，這方面我認為要改善一下! 另外，學費果度，我同事知道她們要比哂先同埋面試月都要比埋學費，不過我認為冇問題，因為大家一早已知，願買願賣冇問題的，如不願意一早可表態唔join。
再者，我有小女我也不會比佢去面試班，都係那句，靠平日父母教多個面試班教好，我有朋友小女讀一線幼稚園有參加面試班，報左好多間只有一間二線收，有朋友讀一線尾幼稚園，不過好多一缐收佢，所以不能作準。
本人冇意對此面試班有任何意見，只是我對有関面試班的感覺

matchy

這間學校最不合理的地方就是要求家長繳交九月及十月的學費，這全是為了錢不是為了小朋友的！

chunyatmama

I know the subject kid and I believe his parents as well.  All the stories mentioned above are true.  So, parents shall consider seriously before enrolling their course.  

Again, if you kid is fine and with disclipine, any learning centre will be good.  Yet, if you kid need special care and cannot follow rules, this centre may not be a suitable one for your kid.

sze8

請問在那裏?是否九龍同天后都有centre個間?
Thx

matchy

MK, only one centre!

霖霖B媽咪

睇到個topic 好surprise !!! 我自己小朋友係度讀了四年多. 而長女都有年多時間跟佢地上堂, 佢地要求係每次交10堂學費, 大約2.5個月. 由於細仔由細到大都係跟佢地, 除左成績中規中舉之外, 兩位老師都好樂意分享育兒心德同小朋友既學習情況.

至於你地所講既上堂人數, 及唔派反工作紙, 我本人唔覺太大問題, 因為亞仔話上堂老師會講返錯左d乜. 佢地唔派既原因, 我估計係版權問題卦.. (我不太了解).

至於上堂中途去洗手間問題, 亞仔話老師要求上堂前去洗手間, 避免影響上堂秩序同埋有d小朋友係人去佢去, 個個去去下就上堂15分鐘就冇左. 佢地教室不大, 如果遇上奀皮既同學,都有d難攪.

至於面試班, 我大女同細仔都有上過. 個人覺得係比個 tips 家長同小朋友去practices, 冇必勝把握, 因為面試既野, 真係有好多因素會影響. 單靠面試班, 我相信不能成事.

我沒機會睇到昨日既post, 不過我只係講返我自己小朋友係度讀左四年多既所見所聞.  我本身就由於家庭安排問題, 八月開始至暫停左.

anyway, 希望我既分享, 比多一個角度去比大家分析依個post !