K3課程一問, 請各位剛讀K3的家長比d意見!

MicFred

K3課程一問

身邊沒有朋友讀K3, 想了解一般有學卷的幼稚園會教什麼? 最近參觀了一間村校的課程, 我自己覺得都幾深, 想了解這是否一般K3應學會的東西, 還是比一般有學卷幼稚園教得深呢? 請各位曾讀K3的家長比d意見, 謝謝!

1) 已教寫多筆劃的字, 如蘿蔔等等
2) 已教完的字需要作短句
3) 重組句子
4) 教加減數, 橫式及直式
5) 以文字發問數學問題, 要求學生理解及運算
6) 教時鐘
7) 可閱讀及讀出約每頁30~50字的中文書及英文書

momochiu

我個女果間有1,3(小小)5,6。校在九龍塘。
至於讀書, 我個女係自己train,已經在看chapters book.自己做小一的數書, 解文字題。
小朋友係可以在k.2 train 到咁, 但一定要有父母的幫助。

MicFred

我係在職, 平日都要8點後先同佢做K1功課, 莫講train佢, 如果學校本身課程已教, 可以幫輕好多.

momochiu

所提到的1,3(小小)5,6是指跟樓主提出的點子。

momochiu

MicFred 發表於 12-10-10 10:57
我係在職, 平日都要8點後先同佢做K1功課, 莫講train佢, 如果學校本身課程已教, 可以幫輕好多. ...

只要train 到佢地認到字, 好多問題都已ok, 當然一個小朋友的校園生活開唔開心唔會因為認識多少字。

dorchiu

好深呀

MicFred

我想找一間課程較深而有學卷的幼稚園, 個人認為教得深唔代表唔開心, 亞仔讀PN時都好深, 我無幫過佢, 因我以為係玩同學自理, 誰知, 他學會了大量英文生字及英文對答, 但佢一樣讀得好開心,我好意外!

佢好喜歡學野, 成日問我點讀, 反好我選了一間人地話好但課程淺的學校比佢, 佢好似學唔到野, 我唔介意k1淺, 但介意k2k3都係淺, 但一般家長只了解自己果間無比較其實唔知深定淺, 所以問下唔同學校, 大多數家長都話有學卷的幼稚園淺, 其實可能有d比起其他已好好.

有人話可以問學校, 一般出名的學校都唔會答你, 你唔報, 大把人報, 學校網站及教育局網站亦找不到, 幼稚園果邊更加無人答你, 所以問下你地剛讀完k3的家長意見.

我上面所指的是一間將軍澳地區村校的k3課程, 本應考慮大仔由間出名的幼稚園轉過去, 但突然要搬屋, 唯有再找. 唉!

tung0409

這是K3 學期初的課程還是讀完k3後會學識的?
我女讀觀塘有學卷, 今年剛k3

1) 已教寫多筆劃的字, 如蘿蔔等等 --> 依家寫秋天到, 黃葉落。
2) 已教完的字需要作短句 --> NOT YET
3) 重組句子 --> 有少少, 不過好短的句子。
4) 教加減數, 橫式及直式 --> NOT YET橫直式, 教加數慨念
5) 以文字發問數學問題, 要求學生理解及運算  --> NOT YET
6) 教時鐘  --> NOT YET
7) 可閱讀及讀出約每頁30~50字的中文書及英文書  --> NOT YET

所以你喜歡深的課程, 我覺得以上課程就合乎你水平了

HaYi

我個在非學劵的, 今年上了小一, 之前K3 (英文幼稚園) 我覺得是類似, 如下面是有學劵, 都真係唔算淺啦.

1) 已教寫多筆劃的字, 如蘿蔔等等  (差不多)
2) 已教完的字需要作短句  (有, 不過英文grammer 老師不太改的,)
3) 重組句子 (中文有, 英文好似冇咩..)
4) 教加減數, 橫式及直式  (有些, 不過因之前在外學左, 我估冇咩人唔識的)
5) 以文字發問數學問題, 要求學生理解及運算 (有, 是英文數, 如用中文應唔多識)
6) 教時鐘  (好似唔係K3, K2已教)
7) 可閱讀及讀出約每頁30~50字的中文書及英文書  (中文我睇學校冇咩要求, 英文就比此level 深些, 而我見小朋友平均都識多過哩個level 的英文)

仔仔錫錫你

我有2個小朋友，大仔在非學卷kg剛畢業；細女從在龍校讀書，現轉在村校讀k2。由於我較注重開心上學，所以各校都以happy 為主，少抄寫。

以小兒非學卷Kg來說
1) 已教寫多筆劃的字, 如蘿蔔等等 >yes，但不多
2) 已教完的字需要作短句 ＞Yes
3) 重組句子 >yes
4) 教加減數, 橫式及直式 >好似得橫式
5) 以文字發問數學問題, 要求學生 理解及運算 >Yes，沖英都有
6) 教時鐘 ＞印象中K2尾教，但K2前已懂
7) 可閱讀及讀出約每頁30~50字的 中文書及英文書＞其實主要看父母會否看課外書，單靠學校可能10字都唔得

其實要小朋友＂跑出＂，最好係
1 父母教導＋學校副助
2 父母教導
3 學校教導

只要做父母願意多抽時間陪讀，很定比單讀名幼更實際。

eyschoi

My girl's kingergarten has 學卷:
1) 已教寫多筆劃的字, 如蘿蔔等等 > Yes
2) 已教完的字需要作短句 ＞ Yes
3) 重組句子 > No
4) 教加減數, 橫式及直式 > Yes
5) 以文字發問數學問題, 要求學生 理解及運算 > Yes
6) 教時鐘 ＞ Yes
7) 可閱讀及讀出約每頁30~50字的中文書及英文書 > No

MicFred

多謝晒大家的回應. 接近無學卷的, 似乎算深! 可惜將不在這區了.

但想知有學卷的一般K3程度又係點呢?

bcys

課程內容與學卷無關，而是幼稚園K3課程要迎合不同小學的需要！如你個區出名的小學是“谷”，那麼幼稚園K3就會盡量“谷”！我們哪間已開始寫週記及自己抄記事薄。