今日真係癲了﹗

idak

本來今日係要同囡囡去屯門醫院兒科覆診, 職員話今日無約到喎﹗改左期唔係今日已通知你先生......請晒假....點算﹗咁打電話問下其他部門, 因為約得太多檢查又係附近, 睇下係咪自己記錯, 果果都話無...唉﹗問老公佢又話唔知喎﹗咁咪諗住交小便化驗, 點知個女又唔呵﹗醫院比d尿袋用晒, 問化驗室有無又話得兒科有, 去到話下午休息, 要明天先有得拎﹗ 之後重要接到協康個電話...話星期六個訓練要改平日, 如果唔係就要改其他中心.....即時爆左﹗(重要加好多個女發皮氣, 唔願行, 目訓地及喊﹗ )

kelvin_hmlau

本來無一物, 何處惹塵埃.

BKVIP

放鬆d, 好多嘢我地控制唔到亦唔到我地控制，明白當几樣嘢同時發生係會好忟好無助，但我地嘅心情小朋友係會感受到，咁唯有同個囡改變行程，去high 個tea輕鬆下。

Surveyor

U have to control your self so that your kid can be improved.

No matter how difficulties, you have ability to resolve it step by step

alicekg

Take it easy

idak

我知道唔係今日時已搭輕鐡去咗屯門市中心，買咗幾件衫仔同冒險樂園玩咗一陣！見囡囡坐輕鐵時無扭落地，有進步都開心咗d！我只係想搵個地方呻下！同朋友講未必明！因為初初真係好驚會唔會自己記錯地方！

BKVIP

上黎呻下啦，我身邊都無人明，阿仔選校d嘢又好煩，諗到頭痛，大壓力到失眠，咁岩就見你個post.

idak

回復 BKVIP 的帖子

我都好驚選小學...不過我個女只係k1, 但係佢以家入唔到課室住....因為係主流幼稚園, 佢又咬人...唉﹗

BKVIP

因為咬人唔俾入課室嗎？咁在出面坐成日未好悶？有無排政府服務？

idak

佢點會坐得定！去咗活動室玩，有主任，嬸嬸及校務處職員輪住睇佢！

wilyun

我都怕我個仔到時返N班都係咁,平時係公園玩,佢都好自我,玩玩下會推架車仔走左去...