阿仔的英文老师～

kk42479

仔讀中三，有讀寫障碍，個老師無经驗教這種學生，處處針對，不是留堂就是罸抄，我仔都好乖，默默忍受，慢慢做，幾辛苦都不會缺交，做媽媽的真不忍心，想寫信给班主任了解情况，班主任把信轉交了英文老師，今天英文老師打电话给我，語氣很不友善，還説我兒子這様子他不懂得怎样教他，要求我寫家長信到校例明有什么不愿意给兒子做的，(例如罸抄或留堂)那他以后就不再罸我仔，其實我只想他能對我兒子有多些包容，他雖然能力有限，但他真是一個乖孩子，尊老爱幼，心地善良，不明白為人師表的老师應該這様對待能力不及的學生吗？他的意思是什么啊？是否告诉我他不想教我兒子啊？我好嬲，同他理論了很久，，，，我好怕他又不停針對我兒子，，，，

may273815238

可否轉校？

Yanamami

搵校內社工? 其實孩子最重要是乖, 讀書要慢慢來. 他其他科目如何? 都不理想? 或只是英文科?

洋蔥頭媽咪

囝囝嘅問题，升中派位後，妳有冇告诉學校？學校應該會有人跟進及作調適，早兩年ok嗎？講真並唔係老師有否教過呢類學生，而係老師有否包容問题，小朋友經常被针對，會好打擊自信同影响情绪，建議妳约見社工，班主任，甚至科任老師跟進。妳要指出明白老師有自己教學方法，亦知道大家都想小朋友好，家長一定會配合，只係希望與學校加強溝通，教好孩孑。 每個小朋友都係獨特，有佢地强弱處，家長就要適量幫忙/指引。唔好灰心，孩子好须要妳架！加油！

CYWS

首先唔好講個小朋友學習問題, 宜家係個老師態度好有問題, 佢噤樣講野禮貌何在 ? 學生當然有好, 有唔好, 個個好, 你就真係好教啦 ! 遇到難教的學生, 佢唔係要包容吓, 同時亦應該了解吓尼個學生點解會噤 ! 無耐性點做老師呀 ! 樓住你真係要親身去學校一次跟班主任講吓你個小朋友問題, 希望D老師要有D耐性, 同包容一吓.

cow

讀寫障碍, 過度活躍及自閉症等都要寫在給學校的健康申報表上, 表明不是學生有意唔合作, 而是一重病. 老師知道後會包容好多.

rchchan0505

愛心才能造就人！在老師未有改善之前，你要更多鼓勵孩子呢！試試盡量找他的優點去稱讚他，當中略帶提點就夠了。希望他有耐力，堅持到底，不放棄！媽媽加油！

KenHim

依家已經冇有教無類既良心老師

karenlyk

揾社工傾下先

Jane1983

乖，尊老愛幼，心地善良係好好的qualities！

樓主吾好靠寫信，多d約上學校面談，好聲好氣，慢慢同個老師傾，一次吾得兩次，吾係個個禮拜同個班主任和英文老師研究跟進。

這個世界，人們最怕就係有學識、知道自己權益、有時間和大把精神的C9，你同佢研究得幾次，佢投鼠忌器，一定吾敢玩你小朋友。

serinac

原帖由 Jane1983 於 13-01-04 發表
乖，尊老愛幼，心地善良係好好的qualities！

樓主吾好靠寫信，多d約上學校面談，好聲好氣，慢慢同個老師傾 ...

正所謂明槍易擋，暗箭難防。教育是講心的，即使俾你“磨贏”又點？ 難道你可令這位老師對你小朋友忽然變得有愛心？你認為那麼容易改变一個成年人的行為態度嗎?

与其冒風險， 倒不如找一間有愛心，有支援的學校轉吧!

Sausauyeung

咁我覺得係個老師有問題多過你囝囝, 比校長既信應該係問下校長洗唔洗對呢個老師進行評估!

win-mama

find school social worker furst

peggyfrancis09

揾校社工啦，對於哩D咁嘅無良阿SIR，真喺想XO·#%*o佢吖~~~

Jsmami

建議你和兒子那裡跌倒，那裡企翻係身。不要立刻轉校，別的學校也可能遇到同一種問題。倒不如約見老師和班主任，請他們先了解兒子的情況，可能英文老師發現不是兒子學障的問題，或者是態度，讓大家有個機會去對症下藥才是上策。
孩子已經是中三，沒有特破的話，很快就畢業了，自信心很重要。

rogerlam123

如果各種方法都無乜用的話, 就搵校長, 去教育處投訴, 再搵校長, 再去教育處投訴, 有三四五六次, 老師, 學校必投降, 唔會再踫你囝囝, 但係都唔會點理你個囝. 係喺咪真係要去到咁, 就真係要小心考慮.