兼收位老師的態度原來可以相差咁大

BKVIP

打左3間兼收位問3T時間分配等資料，3間態度都唔同，真係要親自接觸先好選校呀，真係唔係間間好，我終於明白點解有人話小朋友讀左一年浪費晒D時間。

第一間我估係文員接電話，我問︰唔該我想搵I位老師傾下。
文員︰你邊位搵？
我︰我係家長。
文員︰你小朋友係咪呢度讀？
我︰未係。
文員︰你小朋友要係呢度讀我地先會安排見兼收位老師架。
我︰下？我係咪要問左關於兼收既資料先決定小朋友係咪係呢度讀呢？
文員︰你等等....
文員︰你留底電話我叫兼收位老師覆你。
我︰兼收位老師几時返？
文員︰佢聽日返。
我︰老師唔係日日係學校？
文員︰係呀。
===================================================
第二間搵到個兼收位老師，又係問長問短先肯俾佢聽電話。但呢個老師答得好求其，我問佢3T時間，佢只係話係社署巡迴咁教，我問咁OT PT 即係几耐一次？
佢答︰唔一定   
我︰咁ST呢？
佢答︰1個月2次左右。
我又問︰有無個別PST每日俾小朋友  
佢答︰無特定時間俾個別，要跟小朋友需要，有需要先有個別，通常老師會入班睇住個小朋友上堂   (即係無PST啦..........)
呢間俾我既感覺係，你問一句，佢答一句，唔會主動同你傾小朋友D嘢
======================================================
第三間係最好既一間，一打去好快就叫兼收位老師黎聽，無問長問短。
老師一開始已好主動問小朋友情況，又講 I 位來年學額，仲俾意見我叫我追下CAC評估，未有服務考慮私人。仲好詳細講晒3T 時間，仲有家居訓練會俾小朋友，學校仲要家長陪同上ST堂   又話學校會評估小朋友讀咩級別，希望佢可追得上.... 仲叫我唔駛担心，小朋友學嘢可以好快…

呢間學校其實我一點都不陌生，因為個時大仔返N班就係呢度返，個時仲係老師叫我搵CAC做評估，因為發覺佢有D唔同。突然間有左希望

cat1028

第三間是否你囝現在讀緊那間學校呀？

BKVIP

回復 cat1028 的帖子

唔係呀，n 班讀左几個月勁病退左學。雖然係屋村學校，但個時我都覺得呢間學校D行政做得唔錯，老師都好有愛心，個時無去了解呢間既I 位。但呢間學校都辦好多活動俾小朋友的。之後校長轉左我無再去留意間學校。

依家讀緊S位2個月，老師叫我考慮返I 位，所以我先打聽下I 位邊間好。其實我依家S位同呢間 I 位個別訓練係差無几，係PT OT 密少少一個月一次，其他時間我諗最大分別在於小班同大班教學，但其實我仔最需要的係ST 同社交，既然S同I 的ST 係一樣，我知點解S位老師叫我轉。

cat1028

我囝巳完成評估，兒科醫生建議讀i位，囝只係言語，社交弱，大小肌正常，讀緊i位學校（活動教學及所有老師都知評估結果），但不是政府派（冇任何服務）。
我建議你搵校長傾下，今年仲有冇位？
明年會否申請入讀(依家係交申請表時段）？
搵多幾間，有位即走，排政府i位寫埋邨校？

BKVIP

cat1028 發表於 12-10-8 15:59
我囝巳完成評估，兒科醫生建議讀i位，囝只係言語，社交弱，大小肌正常，讀緊i位學校（活動教學及所有老師都 ...

呢間學校要2013年9月先有2個I位放出黎，即係我仔點都要讀1年S位，你係咪指在I位學校的普通位讀住先，另外就一邊排住I 位?  

但S位姑娘話轉I位其間我唔可以停服務，是否可以早上讀S位，下午讀I位的普通位？ 以我所知S位只可以俾3個月我咁玩… 所以都唔知點好。

BKVIP

cat1028 發表於 12-10-8 15:59

仲有係咪一定要S位搵E生評估左先可以轉I 位？ 定係我自己搵CAC做評估？

Capricorn2521

回復 BKVIP 的帖子

話就話要CAC醫生評估完先可以安排轉位，但醫生一般都信S位報告。如S位幫你交報告，會有一份S位中心寫嘅建議書，建議小朋友轉I位，咁醫生就吾會再同你做評估，看過報告，就pass比社工直接幫你轉位。

如果S位中心吾建議小朋友轉位，而家長堅持要轉I位，可以自己去搵CAC社工，社工會安排做一次評估，合格先幫你轉。

如果S位中心吾建議小朋友轉位，而家長又找到主流幼稚園讀，家長可以叫社工同佢排E位。

BKVIP

原帖由 Capricorn2521 於 12-10-08 發表
本帖最後由 Capricorn2521 於 12-10-8 16:58 編輯

回復 BKVIP 的帖子

多謝Capricorn咁詳細嘅解答。

即係就算轉位都要等下年先去到i位，點都要讀一年s。

Capricorn2521

回復 BKVIP 的帖子

以往2年，我見D家長在9-10月覺得小朋友ready出主流，可能吾想浪費時間，佢地都係自己搵主流幼稚園，再轉E位。

methy

我接觸有兼收既幼兒園，唔可以以＂品牌＂去一相情願地諗會做得好，一定要去參觀下，同相關既人了解，阿仔讀i位既普通位，行政亂、但老師超有愛心&包容，真係有實質既安排，等小朋友可以融入。另外有間出名既，好有制度，但老師愛理不理，機械式回答，我已經知道由E位轉返I位要做功課，免得浪費黃金時間。

cat1028

Bkvip： 我冇政府s位的經驗，轉位問題幫唔到你。
我之前的建議假設你讀緊私人s位，可以考慮先成為i位學校普通學生，再俾私人訓練，比較私人訓練費用 vs 私人s位費用，除了多咗社交，其他訓練次數有否下降，衡量下。

annaanna

我仔之前讀O既I位，都係我自己打電話問長問短先揀到﹗樓主講I位真係相差好遠，我好信﹗

BKVIP

Capricorn2521 發表於 12-10-8 17:39
回復 BKVIP 的帖子

以往2年，我見D家長在9-10月覺得小朋友ready出主流，可能吾想浪費時間，佢地都係自己搵 ...

我都有諗過主流+E，但要返工真係平日無可能陪個仔上堂。所以先退而求其次搵I。

BKVIP

回復 annaanna 的帖子

你仔仔依家讀書讀成點啊？ 適應晒未？

BKVIP

回復 methy 的帖子

請問你仔仔報普通位時有無同學校講佢係有特殊需要的小朋友？ 咁佢地係咪都唔抗拒收左？

我諗緊好唔好直接同學校講小朋友問題，讀住普通位等佢地I 位。

Capricorn2521

回復 BKVIP 的帖子

可以試吓你亞仔N班果間，你覺得佢地好，佢地又對你個仔有一定認識。

BKVIP

回復 Capricorn2521 的帖子

無晒普通位，等I 位都要1年啊… 真係2頭唔到岸！

依家試其他普通位，因PST 老師話阿仔普通位都得，連I 位都可以唔駛，都唔知真唔真 -_-"

搵到一間有上午班，但好趕，12點放學趕S位都12點半，連飯同覺得無得訓。

annaanna

回復 BKVIP 的帖子

我仔二年級了﹗

huangwanru

第3間系邊間學校啊？我想知啊~~

methy

回復 BKVIP 的帖子

我報每一間都係老師面試完,即講哂阿仔問題..阿仔讀緊呢間(A校)既主任好明白,因為佢原來自己亦做過兼收(i位)老師，好熟悉 特殊教育既野。

學校原來有一半老師係受過特殊教育訓練,,唔係只係 1 位老師讀過(通常得1位)，我最欣賞係讀過書既老師每3年輪流做一次兼收(i位)老師,d老師亦做左好多年,經驗好夠，當時我同老公都喜出望外。


除了呢一間,我地都另外報左4-5間,.亦係一開始講哂阿仔情況:

有主任(B校)明明唔熟悉阿仔情況,都照收，問佢點
安排課室流程,令我阿仔融入課堂,,講唔到,但又收我阿仔喎(因為智力無問題)。但我地唔打算讀，因為
我唔覺得佢識照顧,亦比唔到信心我。



C校-主任見阿仔未行到,都照面試.但講哂學校既困難,同佢地既擔心.無令我地有唔開心感覺。

D,E校:-係電話到已經講明照顧唔到我阿仔，面試既機會都無。

以上學校:A ,D 本身係有I位; B,C,E都無I位的。


總結: 唔講,好大機會照面試.面試唔講,有經驗既老師/主任點會唔識睇，過到關入學,原來間學校係無能力照顧小朋友，無意思,亦浪費時間。

講, 就好似我遇到情況,,會有學校唔收,面試都無，不過都好,比我知邊間有愛心及能力，不過真係要報多幾間。