小學 升中

beywat496

睇翻去年的升中資料, 問咗很多家長, 真是很不明白。

去年  小學 精英班學生 及 次精英班學生 合共68人

佢地全級 176人中, 有很多選擇 隔離中學

但係真係唔明白, 點解 全校 176人中, 只得一個人(精英班) 成功自行被宣基取錄,
咁今年家長們點揀呢  ?  唔揀 還是照揀 呢 ?

hw1115

如果有心病的都唔止得你間小學啦!
放心吧!

142526

宣中是熱門中學,而且又有宣小直上, 係難d,但不代表沒機會, 努力.

ohnono

年年都有好多謠言在網上流傳。

點解話係謠言，不如我地睇下今年將天的派位就清楚。
皇仁、協恩、英皇、聖保羅男女、瑪利諾修院、聖保祿、嘉諾撤、中國婦女會、聖馬可、張祝珊、庇理羅士、瑪利曼、聖言、藍田聖保祿、聖潔靈、金文泰..........等等。在第一階段的自行收生，大部份band 1同學都寧取區外的學校，在自行時選區內四間英中學校的畢竟小數，雖然話小數，將軍澳四間英中一樣有學生選擇，在乎家長的選校策略。宣基和將軍澳官立有小學聯繫自然會令家長選校時多了一層顧慮。除了歷史因素外，將天的成績實無庸置疑。

大部份band 1同學都能在自行第一階段已成功被學校取錄，跟本已經無需參與大抽獎的派位。所以並不存在甚麼不和、鬥氣的因素。

不如問有沒有將天的小朋友甘心留在本區選擇學校可能還好！

sfrtko

以我所知,精英班差不多全班選區外英中,而且真係好多在自行的第一、二志願已經被選。

ohnono

佢地全級 176人中, 有很多選擇 隔離中學 : 【宣基 中學 band 1】,


全校 176人中, 只得一個人(精英班) 成功自行被宣基取錄, 其他的連抽籤都無一人中。

-----------------------------------------------------------

這兩句可算是可圈可點。可圈是可能說出真相。可點是可能說不出真相的重點！

ohnono

全級 176人中, 有很多選擇 隔離中學。全校 176人中, 只得一個人(精英班) 成功自行被宣基取錄, 其他的連抽籤都無一人中。>>>>>

唔出奇，因為統一派位乙部只可選擇本區學校或少量的他區學校，所以就算是band 1同學都只能以本區的band 1學校為主。但幸運地這班同學早已在第一階段自行派位時已被取錄，無需參與甲乙部的統一派位。再者，在這176之中，只有部份是band 1同學，而band 1同學之中，在自行時將宣基放第一、二位的畢竟少數，將宣基放第一位的我相信一定以宣小的為多。

只是說出事實的某一部份，都可能是真相，但沒有重點的真相，才是真相的重點！

杰杰媽媽

應該係話宣中收其他小學，每間都係得好少個入到，1-4個，年年如是，皆因宣中已經收左幾十個自己宣小。

攪到個競爭比例同出面名校一樣咁高，唔係佢小學，真係好難入。

KCL2000

所以大家都谷啲小朋友成績，只要有好成績，就你𢵧學校，成績差就學校𢵧你。

sfrtko

如果，你的子女是就讀將天的精英班，好大機會入到宣基，否則，真是要問班主任意見，因為他們較暸解區內的中學和你子女的成績。

GJHW

今年有預計有幾多個B1?咁幾多名一定可以跨區, 仲有去年約有多少位轉地址?

ohnono

杰杰媽媽 發表於 12-10-6 19:41
應該係話宣中收其他小學，每間都係得好少個入到，1-4個，年年如是，皆因宣中已經收左幾十個自己宣小。

攪 ...

我就會掉番轉來諗，在自行收生階段，每一間學校都會盡全力找最好的學生，不要說宣基，就算皇仁都盡力收外來生，最怕你地d叻仔唔來炸。哈！軒小.......並無特別著數。

睇番將軍澳，有幾多間學校d頂級叻仔叻女唔係往外區闖，唔通你叫d個目標係皇仁、張祝珊、庇理羅士、瑪利諾、藍田聖保祿、聖言、喇沙、男拔、女拔，這班同學放宣基在自行收生第一、二志願咩！相反，你叫宣基諗成績沒特別標青的，佢都唔想。但係宣小的同學因為這是聯繫小學，又可搏叩門位，所以宣小的叻仔叻女揀宣基一定多過出面的學校。

其實將軍澳的選擇不算少，上年我都好無奈有家長因唔理解這個區，說將軍澳點差，點唔好。我相信經過今年的派位後，各家長都會有唔同的睇法。要留低的可選本區，往外的可選跨區，進可攻，退可守，而且成功率還真的不低。所以如果你不是宣小但又成績好好，又想留低將軍澳的，不要說宣基，其他將軍澳英中都係一個好機會！

再者，每間學校最多揀一兩個學生，這個情況十分普通，除了睇排名之外，因為學校只會要每間小學來報名的最叻一兩個學生的，讓一眾來自不同小學的同學聚習一起，不同的學習文化產生不同的化學作用，起一個新的衝擊。況且在自行的四十多、五十個位中，好少會十幾個咁收d沒有關係的小學學生。

ohnono

GJHW 發表於 12-10-6 22:31
今年有預計有幾多個B1?咁幾多名一定可以跨區, 仲有去年約有多少位轉地址?

比住上年的數字你參考先。band 1生大約有900多人，而成功在自行收生已被取錄的約有500人。

參與統一派位的大約有400多人競逐約400個英中位。所以只有大約不足一百人會跌進安全網，這些安全網就是我地所謂的一些升呢band 1的中中學校，而這些學校又因為受惠於教學語言微調政策，部份班別或學科已經採用全英語授課。

至於轉地址，我唔係好明你說的約有多少位是甚麼意思。轉地址是沒有數量限制的，只要你符合轉地址的規限，你就可以申請。但區內上年有幾多同學申請轉地址，有幾多同學成功等，我相信只有教局才知曉！

khmama

如何得知自行成功嘅人數？有冇其他區嘅數字？

杰杰媽媽

我都想知？ 續間小學公佈加埋？

ohnono

khmama 發表於 12-10-7 09:12
如何得知自行成功嘅人數？有冇其他區嘅數字？

將教局在四月尾出的分區概覽內的學額總數，加上band 1生最差派band 2的推算，再加這兩年在將軍澳的升呢band 1中中裡看看大約能開多少班英文班跟會考成績比對，最後推算出band 1自行成功的大約人數。

ohnono

整體上將軍澳算是一個透明度高的區域，大部份受歡迎的學校都詳列學校的成績、課程內容、校內的狀況等。還有一班熱心的家長不斷提供可供參考的資料才能成事。

我相信，很多將軍澳的band 1同學，若能掌握到選校的資訊，加上學校的鼎力協助，你地的派位一定不下於甚麼九龍城、灣仔甚至沙田等傳統受歡迎的區域。將軍澳的小學在這方面確實做得不遺餘力，還非常出色。

還記得上年派位後，不斷有家長說要往外區返學的交通問題，還有家長在這兒說要包車由坑口往沙田曾肇添返學的情形嗎？呢種就係將軍澳區內的返學文化，我一方面替他們苦惱，、另一方面卻又戥他們開心，可以找到一間喜歡的學校。

toscr

你講的家長，咁似係我嘅！  現在不用苦惱了，C6揸車送仔返學，不用30 分鐘已到學校！

Jackieson

咁咪好囉，問題解決咗!

GJHW

單計將天今年預計有幾多個B1?
幾多名一定可以跨區?
去年約有多少位是因轉地址而成功考到皇仁、張祝珊、庇理羅士、瑪利諾、藍田聖保祿、聖言、喇沙、男拔、女拔等明校?