兼收位VS早期訓練

wilyun

我仔23個月,己經做了CAC的醫生評估,暫時話佢係遲緩,醫生建議我排住兼收位先,因我個仔黎緊11月有得返N班...
但我問過協康會姑娘,(因我現在同個仔JOIN緊協康會的訓練)佢話建議我排早期訓練,會多D單對單訓練,同埋會專注D同個小朋友做到訓練, 請問呢度有無媽咪的小朋友真係做緊早期訓練? COMMENT如何?

Chichatmima

最好先參觀，知道係乜先選擇！

methy

我阿仔係排到協早期訓練。我都以為好多個別訓練，可能佢地要serve 90個小朋友，我阿仔比起唔太嚴重，得到既訓練：
1.一星期一節（1hr)個別PST堂
2.一個月一節個別OT
3.一個月兩節個別PT
4.無ST個別訓練

阿仔最需要係PT&OT,反而係最小堂，上個月醫院都仲比緊一星期一節PT&OT,真係落差大。

雲上太陽

我覺得兼收好，我仔都係兼收，好似平日返學之麻。。。。早期都係補下習咁，

HopeLJ

兼收天天都有十五分鐘PST 等於一星期2.5 堂 pST.1 月兩次ST.  3月一次oT and pt.  
與其早期，不如兼收加自費私家 OT PT，可以自己揀時間導師。

wilyun

其實我個仔黎緊會返n班，普通幼稚園的，因呢間近，而且又淺，所以如果個仔讀到，我都唔太想同佢轉，所以諗緊唔返兼收改返早期會唔會好，而且兼收位係要返全日架嘛！
想問埋係咪兼收位都有n班架呢？

fandd

回復 wilyun 的帖子

「……但我問過協康會姑娘,(因我現在同個仔JOIN緊協康會的訓練)佢話建議我排早期訓練,
……」如果較熟悉你囝囝既協康會姑娘都建議佢返早期訓練，咁你真係要審慎咁諗吓：1.囝囝的情况是否比預期嚴重？ 2.囝囝於各方面(e.g. 聽指示、坐定定、同人玩等)能否適應適主流N班？

雲上太陽

原帖由 wilyun 於 12-09-28 發表
其實我個仔黎緊會返n班，普通幼稚園的，因呢間近，而且又淺，所以如果個仔讀到，我都唔太想同佢轉，所以諗 ...

我仔都由n班開始入兼收，全日，老師好好

雲上太陽

原帖由 HopeLJ 於 12-09-28 發表
兼收天天都有十五分鐘PST 等於一星期2.5 堂 pST.1 月兩次ST.  3月一次oT and pt.  
與其早期，不如兼收加自 ...

有同感，早期位服務未必齊，而且有時要按導師分配，做得好就好，好似我仔有個同學響早期位，都比唔夠訓練,激死佢阿媽

雲上太陽

原帖由 雲上太陽 於 12-09-29 發表
有同感，早期位服務未必齊，而且有時要按導師分配，做得好就好，好似我仔有個同學響早期位，都比唔夠訓練, ...

所以我而家除左返兼收，自己都有同d同學仔媽媽一齊搵出面中心做訓練同開小組

wilyun

回復 fandd 的帖子

醫生同姑娘都叫我比個仔返N班先,會有多D同軰刺激,因兼收位好似無N班,而且我返N班只係返下午,仲有半天預留比佢做其它TRAINING,好過唔返N班,全費做私家TRAINING實在AFFORD唔起...

wilyun

回復 雲上太陽 的帖子

但兼收位都要排一年喎,我個仔係己經23個月評估左先有得排咋,叫我計返大約一年先入到兼收...

雲上太陽

原帖由 wilyun 於 12-09-29 發表
回復 fandd 的帖子

醫生同姑娘都叫我比個仔返N班先,會有多D同軰刺激,因兼收位好似無N班,而且我返N班只係返 ...

兼收位係有收n班

methy

可以Pm我邊間兼收嗎？我反而聽得多兼收無用，有時請唔到言語治療師，小朋友可接受既訓練時間就更少，當然我小朋友排兼收幫助不大，因為佢係大小肌問題。

波蘿包1

我個人見意上早期訓練，雖然服務時間唔多，但你計返做訓練係媽媽同小朋友一齊做，當佢今日學言語學叫人名加動詞 呢兩個星期就狂教佢 雖然一至兩個星期先見一次導師，小朋友做訓練都需要時間，唔係一兩曰的事，跟本急唔到，兼收位聽人講訓練仲少過早期好多可能一兩個月先有一次訓練只不過係多左人老師照顧下作用唔大，我仲仔都要排s位，收到信入讀諗住放棄，一黎佢下年k1
收左，而家等n班有位就可以讀，一邊返主幼一邊返早期，的碼會好辛苦

wilyun

回復 波蘿包1 的帖子

我都覺得係,其實我係想一邊返主流幼稚園半日,再加早期訓練,如果佢OK,我再可以加DD興趣班比佢上下咁.

eva816

早期可以同兼收一齊排的嗎?

eva816

早期可以同兼收一齊排的嗎?

HopeLJ

原帖由 eva816 於 12-10-08 發表
早期可以同兼收一齊排的嗎?

Cannot