小學生美勞功課

gcywong

我小朋友今年小四, 學校越來越多嘢做, 又有課外活動, 小朋友基本上已沒有時間每星期做美勞功課, 我自己最怕做美勞功課, 如果有人能代勞就好了.  有冇人同我一樣最怕個個星期交美勞功課?

HTLT

在學校美勞堂上做, 不用帶回家.

朝日屋

其實小四既美勞功課多數做什麼? 要花很長時間?

MariaTsui

囝囝上年P4美勞功課很簡單,但P5的美勞仍未知,但我知道要呈分,所以最好都是叫小朋友做好D,因為會影響呈分試

gcywong

其實主要問題係冇時間做, 你地的小學美勞係邊個做的 - 小朋友本人, 媽媽或爸爸?

teresayc

主要自己做，但佢求救時都會幫下手，越高班就越少求救喇！不過我有送佢去畫班，畫班老師都有教下佢視藝功課。

ppsfung

gcywong 發表於 12-9-26 20:10
其實主要問題係冇時間做, 你地的小學美勞係邊個做的 - 小朋友本人, 媽媽或爸爸? ...

畫圖畫通常佢自己搞掂.
做手工就真係有D難度, 多數要我幫手, 或者要我執手尾...
例如有次要做風車(P.2), 佢貼得唔好, 散晒.... 我幫佢貼, 雖然我都做得唔好 (轉唔到), 但係睇落去人地都知係風車.

gcywong

回復 teresayc 的帖子

你地的小朋友真係乖, 肯自己做!

gcywong

回復 ppsfung 的帖子

P2已經係咁, 一路升班難度越來越高! 好似我咁, 上到P4, 手工越來越難做, 功課越來越多, 個個星期日晚都要趕手工, 依家好多時仲要出動埋爸爸幫手, 真係仲辛苦過自己返工!!!

chanwendy

點解唔係上堂做既, 咁上堂時做咩架?

hoihoima

回復 gcywong 的帖子

Have 美勞功課 every week is really too much.  The school puts a lot of emphasis on (or is very strong at) art?

teresayc

近期還要做花燈，死未？

gcywong

回復 teresayc 的帖子

其實唔係考細路, 係考父母. 我個個星期都要做, 真攞命! 如果可以搵人幫我搞掂就正啦!!!

2lovelykids

好彩我個女間學校的美勞是在堂上做，從來不會帶回家做的。我自己也最怕美勞。而且我覺得這也公平D，唔會係家長做，高分低分都心服。

paltiBB

好彩我個仔間學校的視覺藝術課在堂上做，從不會帶回家做的。我也覺每位同學自己親手做會公平，這樣，才可分高低。

SAGO

同意在上堂公平ｄ。。。。

gcywong

回復 SAGO 的帖子

每間學校要求唔同! 如小朋友自己在上堂做係最好的!!

tung0409

在家做乜咩意義? 如計分仲衰, 個個一定請父母幫手, 咁即係考家長不是考小朋友