About SMC

sampapa

NaheelSO 發表於 13-2-21 10:36
回復 janicebbb123 的帖子

我都想知中學嘅資料, 請問有無人知? 唔該

me too, i want this information for secondary schoo

G-Ma

sampapa 發表於 13-2-21 14:06
me too, i want this information for secondary schoo

我女女係今年既中一生, 佢係由小學部升上去, 所以係適應上完全無問題.  今年既中一生大概有一半係小學升上去, 有一半係外面收既, 暫時外來生既英文程度仲未完全跟得上, 所以外來生同原學生係分開上堂, 每個星期都會安排補課比外來生加強英文同普通話.

我一直覺得學校校風唔錯, 大部份學生都算係乖, 就算新收既外來生, 對操行既要求都係高既, 所以問題不大.  新生同舊生相處都無聽亞囡講有咩大問題.

學業成績, 原校生既英文底一直都唔差, 所以要應付中學課程其實唔太難, 係中文稍為弱d, 不過學校都一直有加強訓練.  功課量我覺得唔算多.  

整體嚟講, 我囡囡6年既小學生活係好愉快, 而且係無咩壓力, 但同時我覺得佢係學到好多野, 係英文, 外語方面有好好既成績, 係個人既自信心培養亦得到好好既成果.  我最安慰係佢好鐘意返學, 對學校好有歸屬感, 當時佢既成績係可以出去係自行試考其他更好banding既學校, 不過佢自己唔想, 我地對學校亦好有信心, 原來既小學副校長已經升上中學部, 所以如果覺得小學部之前辦得好既, 咁我地相信日後既中學部都會有好大既進步.

sampapa

原帖由 G-Ma 於 13-02-21 發表
我女女係今年既中一生, 佢係由小學部升上去, 所以係適應上完全無問題.  今年既中一生大概有一半係小學升上 ...

謝謝你，我都為小兒煩惱是否升中學部。

joantsang

回復 G-Ma 的帖子

G-ma, 請問小學部o既副校長係由學校提升定係有另外o既安排?

G-Ma

joantsang 發表於 13-2-21 22:26
回復 G-Ma 的帖子

G-ma, 請問小學部o既副校長係由學校提升定係有另外o既安排? ...

呢個可能等現時小學生家長答會好D, 因為我都無再特別留意.

sampapa

其實你小朋友上了中學部，有沒有後悔呢？中學部的資源是否比小學部少，真的嗎？可否達到你期望呢？如由你決定，會否同樣揀直上，假設有所謂名校邀請入讀。學費不用及不是考慮因素。
在家敎會的資料中，都說中學部的成績進步，你覺得可信和有多少進步呢？我想以用家角度來看。

上了中學，我覺得要以目標為本。例如升讀大學。再不可以純開心愉快學習為主。
我大仔比較喜歡學習及吸收各樣知識，但全無音樂，美術及體育天份，只是合格或中等而已。這些三科非主科佔總分比重多少？小學佔不足10%的比重。
考試形式是否跟小學部相似只考4主科，其他評估呢？還是全考呢？
因為我要為兒子們多多考慮，所以想暸解多些，煩請解答或介紹。

G-Ma

sampapa 發表於 13-2-21 17:26
謝謝你，我都為小兒煩惱是否升中學部。

其實一個熟悉既環境, 一班一齊讀左六年既朋友仔, 一班一直陪住佢地成長既老師, 一個好既外語環境, 我相信以上種種對佢地學習會更有幫助, 與其出外面重新適應新學校環境, 我囡囡就選擇留係原校.

有時睇返佢地小一既班相, 再睇返E+既班相, 真係覺得有一班一齊成長既死黨朋友真係幾唔錯.  當然每個家長要求唔同, 如果想係成績想更有保障既, 咁SMC未必一定係最佳選擇, 因為始終SMC唔係一間谷既學校, 比較人性化,  但我個人覺得讀書係靠自己, 肯讀既就算係村校都可以出到狀元.

sampapa

原帖由 G-Ma 於 13-02-21 發表
其實一個熟悉既環境, 一班一齊讀左六年既朋友仔, 一班一直陪住佢地成長既老師, 一個好既外語環境, 我相信 ...

我都明白，原校就讀是不需再適應新環境和能夠和原本的同學及已建立了友誼。
所以本來今年可能或要轉走的，但最終可以留下，真的很開心。可是中學到現在都使我有少許考慮。我曾詢問孩子的意願，他說無所謂，但可以的話都想和朋友一起學習，他亦知道學習氣氛的影響。例如他現在參加的課外課程，使他得益良多和明白自己的知識有很大落差。
今天黃昏去了理大參加一個只有十五個學生的分組試，差不多全部都是放學後穿著校服直接去應試，包括我兒在內。如果用大部份家長的分類法，我兒算是二三線學校的學生。他完成後都說有有些不懂，但有幾個學生提早完成，從他們的校服，知道是讀神級及頂級名校的，我在等𨋢時聴到他們說＂難度一般，不過學校都有學習的，應該答對的。＂
是否這些學校可以比更好環境學習，當然沒有可能開心愉快學習。但如果以目標為本的話，這些名校是提供到的。

G-Ma

sampapa 發表於 13-2-21 23:43
其實你小朋友上了中學部，有沒有後悔呢？中學部的資源是否比小學部少，真的嗎？可否達到你期望呢？如由你決 ...

我無後悔架, 其實比我揀我都係會揀直升, 不過因為囡囡成績尚算可以, 所以我循例都要先問下佢自己既意願,想唔想試考出面既學校.  講真就算入到名校亦唔一定係最理想, 始終適合小朋友先係最重要, 如果入到名校變左做籮底橙, 又或者咩都無你份參加, 或者同同學唔夾, 亦可能語言環境無SMC好等等都係好多未知既因素, 與其都係要搏, 咁不如留係SMC搏仲自在D.

我同意到中學已經唔再只係要愉快學習, 但小朋友讀書開心點都會比唔開心吸收得好, 而且我覺得讀書係靠個人, 本身學校資源唔差, 只要自己肯努力, 我相信SMC既學生係有能力考好高考.  特別係學校調左MS LEE 上中學部, 好明顯佢地係好想攪好中學, 小學部升上中學部既學生已經有幾級升左上去, 過多兩, 三年就會有成績出嚟參考, SAMPAPA既仔仔應該果時仲未升中吧? 應該仲有時間考慮.

中學科目要考既科目有 ENG, CHI, MATH, LS, IS, Religious study, ICT 全部都有PAPER 做.  其他音樂, 美術, 體育就係評估.

G-Ma

sampapa 發表於 13-2-22 00:19
我都明白，原校就讀是不需再適應新環境和能夠和原本的同學及已建立了友誼。
所以本來今年可能或要轉走的， ...

其實講成績SMC真係無得同神級學校比, 但係我覺得部份名校並唔係學校教得好, 係佢地既課程SET得好深, 然後學生係靠補習補返嚟, 當全校學生都咁做, 唔想落後既都只好照跟.

SMC都有學生升去九龍塘名中學男校 (LS), 佢覺得佢地英文好淺, 整體唔難跟得上.  所以我覺得SMC係小學幫佢地打既底真係唔差, 特別係小五, 小六已經上緊人地中一, 中二既通識.

sampapa

原帖由 G-Ma 於 13-02-22 發表
其實講成績SMC真係無得同神級學校比, 但係我覺得部份名校並唔係學校教得好, 係佢地既課程SET得好深, 然後 ...

我對小學部是百份之二百有信心，因我要在下星期內回覆別校。所以這樣緊張。
很多謝你解釋，謝謝你。

sampapa

原帖由 G-Ma 於 13-02-22 發表
其實講成績SMC真係無得同神級學校比, 但係我覺得部份名校並唔係學校教得好, 係佢地既課程SET得好深, 然後 ...

我記得在我大仔K2時，我扒了不少ek資料，找尋目標學校資料。而你的資料和一位在荃灣接女放學的家長，及我各朋友的訊息。

我最後決定放棄其他學校而選smc,經過3年的時間後。我上年也把細仔送入smc。
到了今天，我亦把我所知道及感受，實實在在向詢問者解釋。
希望每位家長知道詳細資料，使他們可以選擇最合適的學校。
今天大仔又使我努力扒文，不過除扒文外，更可向家敎會查詢。但到現在仍七上八落。

chiyoching

Sampapa, 我想你的兒子應已有他的想法, 不如就由他決定吧!

G-Ma

sampapa 發表於 13-2-22 01:35
我記得在我大仔K2時，我扒了不少ek資料，找尋目標學校資料。而你的資料和一位在荃灣接女放學的家長，及我各 ...

係呀, 我見到好多smc 既小學部家長接棒, 大家都好用心為新手家長提供資訊, 所以我都好耐無係bk留言, 因為你地既資料仲要比我update!!!

不過見大家對中學部有疑問, 所以我希望將我所知既同大家分享下, 等大家可以有資料去評估. 畢竟每位家長要考慮既因素唔一樣, 而升中亦關係到將來考大學, 係應該慎重d考慮.

中學部其實同小學部差唔多, 如果直升真係唔需要適應d咩, 有部份老師小五, 小六已經開始教佢地, 所以唔會話陌生.

中一, 中二, 中三好多遊學團, 趁仲未高考, 大家都會抓緊機會比小朋友自己出去學下獨立同見識多d.  而我覺得學校辦遊學團係幾有誠意, Mr Adams 真係親自去不同地方搵home stay family 同安排行程, 費用亦唔算太貴, 唔似外面搵旅行社攪果d, 學校真係想學生學到當地文化同語言, 所以事前都要同學自己準備好多野, 唔係就咁以為去遊埠.  我聽到好似剛過去既新年, 去西班牙既同學各自要準備一本相冊 用西班牙文介紹自己, 家人, 同香港, 因為佢地會home stay, 所以要比機會佢地同接待家庭多溝通, 仲要學西班牙鬥牛舞, 真係幾好玩架!!!

我囡囡今年暑假會去倫敦, 我聽佢講佢地要幫手編排旅遊行程, 但詳細情況我都未係好清楚, 有機會再分享!!

hadwinboy

原帖由 sampapa 於 13-02-22 發表
我記得在我大仔K2時，我扒了不少ek資料，找尋目標學校資料。而你的資料和一位在荃灣接女放學的家長，及我各 ...

好奇一問，那你當初又放棄DBS 插班機會? 由小四直上中學不是好過而家先黎15、16嗎.

sampapa

原帖由 hadwinboy 於 13-02-22 發表
好奇一問，那你當初又放棄DBS 插班機會? 由小四直上中學不是好過而家先黎15、16嗎.



  ...

上年以細仔為中心，smc是我希望能夠比位細仔。而為了保險，大仔亦一同考小四位，以防萬一。直到上年七月才有SMC的位我細仔。
但前天黃昏，大仔在理工學院應考一個分組試，十五個同學是來自四或五間學校。因為所有學生都是放學後直接去考，所以全部都有著校服。很容易分辨來自那些學校。
在校生應考中，家長被安排聽一個講座，關於這課程及學生要求。主要是曾考到越級雙優或/及有資優學院經驗。協助試驗一個澳洲的數學的課程在港發展是否適合學生陪訓。所以我們孩子會是第一批的試驗者。
我發覺有部份家長跟講者很熟悉的，原來理大有為這些學校提供支援或協助，彼此協助實驗一些研究的。
我查詢其他家長，他們的學校是設立一個叫"特別班＂或叫＂X班＂的課程。按孩子能力加強訓練和投入資源。使被揀選的學生得到最貼身的個人學習計畫。這些都近似我校的mentor計劃。我們學校是可以直接跳班或按各科能力在適合班級上堂，但有困難時，支援則只靠自己老師，以有効的支援則比那些學校少很多。
今次是以大仔為中心，所以使我很煩惱。因為他們直接提出的學習計劃和支援都幾照顧我大仔情況，包括費用全免。但有些條款，我也要細心及仔細考慮。
以往兩次的放棄和今次想入讀的情況，完全是有不同的原因或因素。因以大仔敎育或發展為依據。
這全是正常學習系統以外的學習，我也是在近兩年才開始接觸的。完全把美國和新加玻的拔尖課程復製。

healthybaby

Sampapa,如小朋友是有野心，能力強，又可以遇強越強的話，有時讀神級學校真係可以令佢更上一層樓。相反，去到神級遇到超多對手，真係會令有d小朋友好氣餒，所以一定要好好了解仔仔的需要和同佢好好溝通啊！你仔仔去的test,應該是為尖子而設，而出面的學生學校教得深，又習慣額外補習，做得好也不出奇，他們只係知識好，只要有信心，要追一d都唔難。坦白講，在我的朋友中，事業、家庭比較好的，通常都是態度良好、EQ好高及有自信的人。反而成績最top既到最後都唔係最成功的。但是，我而家亦諗緊，如何培養小朋友的信心？因阿女自信心經常不足，難道神級學校小朋友的自信會好d?

sampapa

原帖由 healthybaby 於 13-02-23 發表
Sampapa,如小朋友是有野心，能力強，又可以遇強越強的話，有時讀神級學校真係可以令佢更上一層樓。相反，去 ...

我兒是沒有野心和鬥心的，學習能力都有少少。下星期一帶孩子參觀別校，到時再想想。
今天第一天上堂，孩子說比科大及中大的課程好玩及有趣很多，而有實例解釋如何應用。更要2個同學為一組，互相合作及要解答。上課形式非常互動。除一位敎授外，還有五至六個外人，坐在一旁觀察，他們都是坐足全場。除上堂外，還有回家功課要做，下次上堂交。孩子話：老師要求學生解釋答案得到的思考方式和遇到的困難，反而答案錯或對不是重點。中場有十五分鐘休息，那幾個人各自和孩子交談。有飲品及小食免費供應。這點是我兒最高興的一環，因自細家貧很少機會有紙包飲品享用，哈哈。
但到第五堂要再作評估。希望可以繼續參與這課程。又可以有果汁享用。

hadwinboy

原帖由 sampapa 於 13-02-23 發表
上年以細仔為中心，smc是我希望能夠比位細仔。而為了保險，大仔亦一同考小四位，以防萬一。直到上年七月才 ...

你大仔在 SMC 是 "somebody", 去到他校萬一變成"nobody" (始終勁人可能佔全校8、9成), 他是否可以承受到呢? 若能遇強越強當然最好. 但我建議你先了解你仔仔的心理質素是如何再作決定. 又或, 你要有很強的準備與他一起打梗杖.

healthybaby

Sampapa,
所以我覺得你應該增強你阿仔的自信心多過諗轉校問題; 從你的資料所得,你個仔已經是尖子,但阿仔好像自信心不足,所以見到人比較叻,就會覺得比下去; 而你自己亦太謙虛了,有時好像對阿仔有d信心不足(希望你不要介意). 能付上學費來讀書,基本上也不能說是貧窮;.
自信不足亦是我自己和阿女既問題,所以我都想研究下! 阿女在學校成績中上, 其實我是滿意的, 我亦唔想把太多時間放在學業,而失去正常的家庭生活和課外活動;雖然很喜歡閱讀,但學習不是太主動,而且有時會覺得人地叻d,自己無可能超越人地,這反而是我最最最擔心的! 其實知識,能力不會相差太遠,反而技巧及態度就可以相差好遠, 信念堅定是很重要! 阿女前排參加左一個公開比賽, 有一個讀神級學校的家長分享,佢話佢個女上次打完比賽, 返屋企同家長講,話自己下場一定會做得好過今場, 結果下一場真係打得好左; 相反,我個女有時會話自己唔會好過某某,事實係阿女在練習時會做到超水準,但比賽時經常水準不穩,所以就未必可以發揮得好! 所以我有時諗, 神級學校的學生的自信,是來自學生本身,抑或是學校本身帶給學生的歸屬感和投入感,而令學生成長得更有動力去推動自己呢?又或者,其實神級學校也有很多失敗者(被欺凌/被打擊),只是我地唔會知的!
其實我自己好滿意smc既語言環境, 有時阿女在外比賽,其他家長以為她是讀國際學校的; 在比賽的學生中,有來自各直資私校,但阿女講既英文絕對比好多直資學生好!  阿女雖然中文一般,但我都依然覺得如佢主動一點,是可以追回的; 所以其實我很放心細仔入讀阿女的學校,因為阿仔現在的中文成績,絕對比阿女當年好得多! 我個女幼稚園時係一句中文句子都寫唔到 (但佢係讀中文幼稚園), 剛入sm時的中文listening經常不合格,但這兩年已完全無問題, 中文已由below average變成above average, 對於中文,我覺得學校有額外去努力做好,只是有non-chinese及英語教學的問題, 令中文一般.