請教各位自閉症評估過程, 好多問題想問, 麻煩各位幫下手

pgbaby

請問各位做左評估的家長, 自閉症評估的過程會做d 咩ga?
而家懷疑仔仔有自閉症, 而家排左幾個機構做評估, 但想先了解下評估的過程和程序係點ga?
另外想問各位有無爸爸媽媽都返工, 依然可以訓練到小朋友, 有進步? 我爭扎左一段時間要唔要除職起屋企全職陪住仔仔, 訓練佢, 但諗到佢之後的訓練需要好多$, 而家又未見e 生, 所以想睇定d.
最後想問各位有自閉症的爸媽, 每日係點過ga? 我而家對前路覺得好模糊, 唔知以後的日子會點走落去.
麻煩晒各位.

chowqv

pgbaby 發表於 12-9-20 12:18
請問各位做左評估的家長, 自閉症評估的過程會做d 咩ga?
而家懷疑仔仔有自閉症, 而家排左幾個機構做評估, 但 ...

評估係醫生評估你既小朋友，另外有一份野俾你填，等醫生了解小朋友係屋企問題。同埋佢如果已經返學，都有一份係俾學校填。

pgbaby

回復 chowqv 的帖子

chowqv
謝謝你的Reply, 請問你其他2個問題, 你可否分亨下ar. thanks

rocket

我都排緊CAC, 但可能仲要等多幾個月, 想轉去c家做，問過都要6-7K。知唔知有無D平D又可用黎排政府呢？

pgbaby

Rocky, 我都係8 月中開始排CAC, 話要半年到9 個月， 果時聽到，個心即時沉一沉. 自己再搵左幾間機構： 協康， 威爾斯同私人的，協康都要排差不多時間， 而且要滿2 歲先可以做，仔仔得17 month, 威爾斯就下星期見e 生， 但聽講e 院幫唔到輪 e, i, s 位， 要CAC or 私人

pgbaby

Rocky, 我都係8 月中開始排CAC, 話要半年到9 個月， 果時聽到，個心即時沉一沉. 自己再搵左幾間機構： 協康， 威爾斯同私人的，協康都要排差不多時間， 而且要滿2 歲先可以做，仔仔得17 month, 威爾斯就下星期見e 生， 但聽講e 院幫唔到輪 e, i, s 位， 要CAC or 私人

pgbaby

hv245 多謝你的意見, 請問你而家join 左d 咩密集式training ar? 一個星上幾耐, 除左密集式training 之外, 又有d 咩要join.
另外你兩公婆反工, 你99帶仔仔去training ar?
thanks

fandd

我囝囝現時3歲7個月，不妨參考佢個去的經歷。

囝囝自出生後便成日喊，仲唔肯俾人抱。到一歲後，佢又成日唔睬人，你叫佢時，佢有心情就望吓你，但大部份時間都係唔睬人(即唔望人)。平日佢最鍾意玩車(特別係巴士)，雖然無玩車轆，但成日鍾意扮停車場排車(橫排、直排、分類排、扮塞車……)。由於佢到三歲才懂說單字，故三歲前用了很多身體語言去表達自己的需要。(二歲多才懂用手指作指示)。

在一歲多，我曾帶佢返個2間playgroup，返咗差唔多1年，但結果係徹底失販，每次佢都唔肯聽導師既指示，唔肯排排坐，只顧自己四周「遊魂」，或自己玩中心既玩具；期間自然多次受到中心既導師及負責人投訴。

經諮詢醫生朋友意見，最後準備帶佢去衞生署兒童體能智力測試中心(CAC)作評估，點知原來最快都要等7個月才有期，唯有自行找私人訓練中心作評估(只需等一週----費$6500)。評估結果：醫生話囝囝有中度自閉症，最好盡快排政府S位(每週5天密集式訓練)。無幾耐負責社工向我表示，囝囝排S位至少要等1年多。
為咗唔想錯過治療自閉症既黃金期(1-2歲)，唯有自費去報讀私人S位(每月$7500，言語治療及職業治療另計，每50分鐘收$800)。其實當時已有多間主流幼稚園取錄囝囝讀N班，但想到佢返playgroup既表現，相信比佢返N班也是浪費時間，所以最後冇比佢讀。期間為咗幫佢，我仲帶咗佢去做針炙，但只做咗4個月，見毫無成效，就停咗。

喺過去1.5年的S位訓練，囝囝有顯著進步：肯聽指示、坐定定、肯望人；到三歲開始識講嘢後，與我們便更多互動。本來諗住等佢K1才嘗試返主流，不過除我哋覺得佢有顯著進步外，S位的導師也支持囝囝提前嘗試返主流，所以佢先會喺今年2月開始返主流N班。(插班)

不過，在不同學校面試N班過程中(插班)，我也有一些不愉快的經歷：其中有一間幼稚園，在面試前已知道囝囝情況，到面試時，因開始時老師 不肯讓囝囝玩園內的遊樂場，故他十分不合作，既不肯回答問題，又不段大哭，最後老師 給了「很多說話」我聽；另一間幼稚園，面試時囝囝非常合作，跟足指示，做到老師 的要求，並得到高度讚賞，但最後都因為見他只懂說單字而未獲取錄。但我不氣餒，繼續尋找，終於成功找到一間。

由今年2月開始，囝囝上午上S位訓練，下午返主流N班。由於我不想幼稚園老師 對囝囝有「先入為主」的感覺，故我事先未有通知他們有關囝囝的自閉問題。過去幾個月，我同老婆曾經擔心會否收到學校既投訴電話(以前由工人帶佢上playgroup時經常收到這類電話)，但好彩沒有。後來我直接向班主任查詢囝囝的學習情況，她表示囝囝很乖，又聽指示，能與其他們同學融洽相處，只是語言表達不太流利。後來因某些原因我需向學校透露囝囝的自閉問題，她們也感到有些驚訝，不太相信囝囝會有自閉問題。自返咗N班後，雖然囝囝個人係攰D(每晚九時便睡覺)，但社交及語言發展明顯進步好多。由今個月開始，佢已沒有返S位，改上全日制主流K1班，至今仍未有收到學校的投訴電話，估計佢應可慢慢適應吧！

回顧過去1.5年，我覺得囝囝得以改善，原因有：
1. 囝囝的病情可能不是醫生描述那麼嚴重
2. 隨著年歲增長，囝囝的身心發展得到自然改善(2-3歲間)
3. 私立密集式S位的幫助：囝囝經由一群專業的幼兒導師、語言治療師、職業治療師及心理學家的訓練，我認為是最重要的因素
4. 我倆公婆每天與囝囝寓遊戲於學習(每天至少1.5小時，假日則全天候)

pgbaby

fandd 發表於 12-9-24 00:46
我囝囝現時3歲7個月，不妨參考佢個去的經歷。

囝囝自出生後便成日喊，仲唔肯俾人抱。到一歲後，佢又成日唔 ...

fandd, 請問你返邊間私人S位, 可否PM 我.
THANKS

fandd

嗰時報咗LINKS(領思)及STEP(邁步)，但STEP(中環)最先有位俾囝囝，又覺得兩間既師資和訓練內容都差唔多，所以就揀咗STEP。STEP既導師非常專業，又有耐性及愛心、囝囝於過去1.5年有顯著既進步，係多得STEP既幫助。

pgbaby

fandd 發表於 12-9-24 17:37
嗰時報咗LINKS(領思)及STEP(邁步)，但STEP(中環)最先有位俾囝囝，又覺得兩間既師資和訓練內容都差唔多，所 ...

fandd, Step 我都有打去做問評估, 個Training 一個星期幾堂, 去到中環咁遠(我住新界), 怕仔仔舟車勞頓, 去到已無扭計, 無精神training了.
聽講佢油麻地個導師又走左, 所以要考慮下.

fandd

我都係住新界(將軍澳)，嗰陣雖然覺待又貴又遠，但由於只有呢間可即時上課，又為咗囝囝既發展，唯有遠D都照去……好彩質素真係好好!
如想有較好的效果，建議選擇一些每週五天的密集式訓練。
最初我都想揀油麻地既中心，後來發覺与中環的距離部係差唔多。
聽聞油麻地中心離職既只係言語治療師！

YingYin

回復 fandd 的帖子

我都同你一樣(亦是街坊),首選是YMA STEP,但中環有位先,所以讀中環,好彩專家給我方向,經過2年時間,她已由一個不懂理睬人;沒有眼神接觸;不懂指東西;不懂說話;乘車會嘔,平衡很差,經常跌倒;上堂一秒都不能安坐的小女孩,變成一個主動,有禮的乖孩子,早TRAIN是很有用,當然在呢兩年我是全天侯照顧,沒有放假,但很值得

chowqv

原帖由 pgbaby 於 12-09-21 發表
回復 chowqv 的帖子

chowqv

我個仔係剛出左評估，我淨係可以同佢排不同既訓練。我已經半放棄全職，盡量都係做兼職。
何妨我個仔係讀開主流幼稚園，校長知道佢既情況，有同班主任配合，都話佢唔使轉校，最弱都係大少肌肉，呢個可以專注加強。其他既，學校都話唔係評估出左，佢地都唔信我個仔有adhd同自閉。之前老師仲叫我，要幫佢排期check佢係邊樣資優。
所以家下還可以過一般小朋友既生活。