1.5歲女....唔啋人

llam1210

大家好,  小女1.5 歲. 我覺得佢成日都叫佢唔采; 又唔多望我 (但佢都同我玩就會望). 有需要又拉我手去拿東西. 我好擔心佢有自閉. 其他野又唔係好大問題, 佢記性好好. 但佢講的大部份似係跟我地口水尾 (都有一些係自己叫的).
我在佢1.5 歲健康院check 時同姑娘講... 佢聽我講完同我book 咗月尾見健康院個醫生. 但我看番大家的post, 發現好多好叻唔多似係有事的都評為自閉. 我好擔心.
我問咗一個朋友, 佢話健康院的有排等的, 佢叫我約個精神科醫生同佢評估下. 我於是打去book, 佢話只會同我女dignostic ; 唔係做評估.

我想問下大家咁多位, 唔係話要做評估才可知道然後排隊報course? 我唔係好清楚但我個人好驚慌好擔心, 有乜事我想快快比女女去學習同改善. 我已經喊咗好多日, 我都唔有心理準備如果醫生話係有事點算. 我想我有一個比較清晰的方向我女有事我要點做...

我問過協康, 佢話1.5歲 只可以做佢個年紀的評估, 唔可以做自閉的評估喎.另我見你們討論step個d 私人的是不是都要由頭評估? 如果我係出面看精神科醫生有佢report 又如何??

多謝你們先, 我個人好亂寫都唔多清楚. 希望各位都比些資料我. 萬分感謝.

llam1210

有冇人可以比小小意見我? 唔通我真的要等呢半年到呀女2歲才評估?? 我真的好擔心.

lambk

放心，小兒2歲時在協康做評估，都只可做按他們年紀做，不能定自閉，但評為自傾，都可排政府位

bbqiu

、累、下協康俾你早少少做，你話你朋友即我，踏正兩歲喺你地到做平估兼確診，兩個月後先正式排期，而家三歲半e位又未開始，s位都未知排到几時，過哂黃金期，好徬徨，重有抑鬱症灬吹到灬

llam1210

bbqiu, 真係要等咁耐呀??? 我在想要不要去私人個d 做個評估.
lambk, 你仔按年紀做, 佢個report都可以排呀？可否問下協康做幾耐呀？是不是六百幾蚊個一種呀？

llam1210

lambk, 你個仔評為自傾, 協康有冇一些suggestion 你可以讀乜course 呀?定還是你只在等政府位? 你等的是i 位嗎? 不好意思太多問題.

apple~y

回復 llam1210 的帖子

無得心急係要排0甘耐,cac評估都排6個月,再加埋排服務時間都要幾年
我仔仔18個月大開始排cac評估,到最後派到服務都4age啦
反正都係要等
唔好諗係唔係自閉先,不如試試改善囡囡問題
其實你留意到囡囡問題,可以同囡囡玩多些吸引她眼光注意你,多些交流
叫她固定一個名,唔好有時叫bb,又叫唔同花名
等她知道自己個名,人0地叫自然比反應你,望住你
唔望你,就拿她喜歡玩具,食物放在自己面前叫她個名等她留意你,
有望你,你就讚0下囡囡,
表達方面因為她都仲細,語言未講到,當她拉你手去拿東西時. 你就教她指,想要什麼就指
指到先拿比她
我細囡18個月大,大你囡囡小小,
大家交流0下,唔使0甘擔心

llam1210

apple~y, 我現在只有這樣啦. 我又有咗bb, 就快生了. 我近來唔知點解, 日日都好唔開心, 以淚洗面, 我老公話我有咗hormone影響我.
我都在叫他名, 叫他多些留意我. 佢拉我手去拿野我都要佢指. 我想問一下, 你仔仔入咗d 乜野班?之前有冇讀私人的course? 我在想私人的評估服務, 想問下1.5歲會不會太早check 唔到?

lambk

原本join 咗評估package數千元，但psycho 說小兒太少未能做該測試，要按時收費，但psycho 很好，說價錢比package 平，最後也如是, within $3000.

lambk

再補充, psycho 除咗report外，另外填份form 給我交社署

lambk

有呀，依家返緊my little step，又剛排到pst$500/hr
排緊政府e 位，自己找了私人s位

lambk

其實你可告訴psycho你的意願，是e or I 位

pyalisa

我記得喺綠茵icnc碌七千蚊評估費，好肉痛。嗰時，囡囡21個月大。不過，政府條隊排快半年。都抵返。政府CAC後來叫I隊，仲可以唔轉住，排e+s,睇定d. 又抵返。最重要，知咗，快d把心一橫做training, 無左諗右諗，
step,link,青䓤，....比貴錢嘅都要排。不過早d train 好dd.

chanmuimui

llam1210, 我家妹妹一歲半時我都逐間打去問可唔可以做評估,全部都答太細只可做發展評估. 最後我終於知道點解,因自閉評估基準係 for 2 歲以上. 雖然只可做發展評估但有問題都可照排政府位,不需等二歲確診先排.