如何選擇政府S位好？（幼稚園）

kicks_collector

見曾有D家長話選學校(幼稚園）唔好用盡三個選擇只選一間心儀的，何解？點可以知邊間S位好同點衡量是否適合呢？是否所有學校都可參觀？
是否所有政府S位學校一班人數都一樣？大概多少人一班？
請問有冇家長可以賜教？多謝

p.s.有冇邊間推介，本人住大埔，不介意跨區。

mckm2007

從冇聽過只填-間。不過唔建議填區，因為每間中心都唔同，如你只填區，即係話任何-間中心響該區有位的
話，就有機會派比你。所以你要親自去參觀下，再揀你心儀的三間。另外，每年二、三月都會公佈每間中心的學額同三個選擇的分佈，你可以參考依啲資料，估下你小朋友有冇機會可以響該年派到位。

mckm2007

我相信大部份都可以參觀，點樣分班同一班有幾多人，應該每間機構都唔同。

methy

kicks_collector 發表於 12-9-19 00:11
見曾有D家長話選學校(幼稚園）唔好用盡三個選擇只選一間心儀的，何解？點可以知邊間S位好同點衡量是否適合 ...

S位=Special Child Care Centre=特殊幼兒中心

用唔用盡3個選擇係家長既決定，你住大埔(大埔及北區)，有以下選擇:

1.協康會雷瑞德夫人中心

2.協康會天平中心

3.香港基督教服務處祥華特殊幼兒中心

如果你填哂3間.邊間有位就派邊間比你，點知邊間最快有位?
     
康復服務中央轉介系統輪候冊
http://www.swd.gov.hk/tc/index/site_pubsvc/page_rehab/sub_admissiont/id_crsrehabwa/

人手分配係點?

受資助的特殊幼兒中心是按整筆撥款津助制度獲得撥款。在此制度下，營辦機構必須按服務協議聘請
特殊幼兒工作員、社工、護士、物理治療師、職業治療師及言語治療師，但可靈活地調配資源，按服務
需要自行決定人手安排（包括特殊幼兒工作員的實際人數）。因此，社署沒有特殊幼兒工作員實際人數的統計。

我自己區有兩間s位,其中一間人手比例1:6，有１０班，有3T服務(物理治療、職業治療、言語治療),護士，社工,
特殊幼兒工作員，另一間就按能力．１：６及１：７一班都有。

so 你自己可以打電話去你想入既(可以係近屋企,可以係你聽過有口碑)s位要求上堂時間參觀，主任(社工)
會安排接見,你就可以問清楚間s位既實際人手比例,師資、年資，至於點衡量，個個家長都有自己要求/選擇。

我既要求係:

1.中心位置要係自己住既區域
2.中心衛生環境、設施足夠及多元化
3.專業人員既年資及流動性
4.小朋友既缺損程度，分班安排(按能力? 按年齡?按病情)


我朋友要求:
1.邊區都得，最緊要快，睇左康復服務中央轉介系統輪候冊,邊間最快入,就選邊一間
2.最緊要有校車服務
3.中心可以比多d 3T服務


s位好難推介,大家小朋友發展情況唔同，以我小朋友為例，舊年1歲時參觀，因為阿仔當時幾差.一舊飯.
1歲都未坐到，兩間s位都覺得適合。 好喇.到今年9月比左第2選擇我,我再去參選，先發覺間s位既cases 差
左好多,而阿仔既程度除左未識行,小肌差外,其他都ok,主任都話佢地中心小朋友認知程度同我阿仔差唔多既.
只有一個...咁...我就要考慮呢點,阿仔已經返普通幼兒園暫託,又跟到指令,言語問題不大，完全適應到，呢間s位可以比到既就係物理治療及職業治療,而呢兩樣都可以係E位做到(我係排E+S)。

不過如果9月派另一間比我(第一選擇),我一定立即接受，因為小朋友2歲開始都係嗰度暫託，同組小朋友認知能力相近，有正面刺激，所以就出現有其他媽媽話: 應該只選擇心儀既一間..因為我唔要呢個(第2選擇)派位,就要重新輪侯過s位,又要等1.5-2年。

kicks_collector

回復 methy 的帖子

多謝你的分享，我現在明白了，那麼現在起要去參觀學了解一下每一間的情況！