馬灣基慧VS浸聯

chun_mum

邊間好D呀?(包括語言環境,功課量及深淺程度,谷唔谷,師資及其愛心,派位等)有無媽咪可以分亨?

Janellemama

其實好難答，2間都係好學校，2間都有fans，睇你要d咩

Jackieson

回復 chun_mum 的帖子

兩間都好, 選一間適合小朋友and近屋企的.

ktl3388ed

馬基嘅老師對學生真係好有愛心，佢地會行多一步去關愛學生，尤其對初升小一嘅同學仔會特別照顧，你地嘅仔仔女女會好快適應同享受校園生活而且校園又大又新淨，空氣清新，啲學生好乖，學術同課外活動成績都好出色，每年升中派位都好理想，我知今年有三四個入喇沙而九華、英華、林護等都分別有同學仔入讀

Mikiwong

馬基冇咁多大陸人

chun_mum

有無媽咪知多D荃浸,(聽人分亨過馬灣基慧比較谷及荃浸升中派位係荃灣之冠)?

jk923

chun_mum 發表於 12-9-19 15:56
有無媽咪知多D荃浸,(聽人分亨過馬灣基慧比較谷及荃浸升中派位係荃灣之冠)? ...

我而家2個仔女(P6&P1)讀馬基，計谷，一定唔及荃官。其實2間有各自fans，浸聯比較多project，需要家長較多時間跟功課，馬基計功課量有基會比浸聯多，但小朋友可以自己handle，p1平均5、6樣功課，但導修做到8乘(老師自己睇)，而浸聯聽聞由家長睇導修。去年浸聯8x名係B1，馬基7x名係B1。我自己個人睇法，讀咁多年，最緊要揀一間適合小朋友的學校，有成績自然去邊度都可以派到好中學(當然要加運氣啦)。

jk923

Mikiwong 發表於 12-9-13 19:01
馬基冇咁多大陸人

係其中一個優勢。

Jackieson

chun_mum 發表於 12-9-19 15:56
有無媽咪知多D荃浸,(聽人分亨過馬灣基慧比較谷及荃浸升中派位係荃灣之冠)? ...

兩間都係好學校,中學派位都好好.

馬灣基慧中學派位結果
http://www.kwmwps.edu.hk/info/secondary.asp

浸聯中學派位結果
http://www.hkbcps.edu.hk/main/index.html

由於浸聯是活動教學, 比較多project, 不複雜也不難做, 家長唔跟都可以有好成績,功課唔係太多,  亦建議家長可以的話就放手比小朋友凡事自己做, 比d信心自己的小朋友, 佢地可以handle的! 至多小五小六時因呈分試跟跟. 浸聯過去三年都係9x名係b1. 但無需比較邊間中學派位好dd, 邊間差dd!

如果住馬灣最好選馬基; 如果住荃灣可以考慮浸聯. 有朋友住深井抽到馬基, 讀咗一年後終於搬入馬灣住 (雖然有校車, 但miss咗就麻煩了),方便好多! 各有各好, 好認同jk923果句: 最緊要揀一間適合小朋友的學校!!

chun_mum

唔該晒各位媽咪俾左咁多意見!!!

Mikiwong

我小朋友之前都搭過下校車，十幾分鐘車程，都好ok, 校巴公司已run得好smooth，亦會cater埋課外活動時間，so far冇咩問題出現過。其實係比馬灣既環境吸引咗而搬咗入去，我就係其中一個例子。

gracelam

浸聯一年只有兩次考試，當中只有評估，無測驗，考試不排名次。馬基一年兩測兩考，考試會排班名次同級名次。
兩間都係活動教學，其他樓上幾位媽媽都分析過，好睇小朋友性格同家長的要求，我朋友囡囡讀浸聯，佢想學校排名次，想知道女兒成績會在全級第幾名，但又有家長話唔排好d，無咁大壓力。