有家長收到2013小一取錄信嗎?

joantsang

我原先諗住交留位費，放棄自行，今日打比我弟婦問問具體學習情況(佢囡囡今年插班小二)，佢話整體來說都ok, 但佢個女話日日上堂都好嘈，我聽完就有d 猶豫，係學校唔著重上堂秩序，定係個別老師控制唔倒秩序？好想問清楚呀！ 有無讀緊嘅家長分享下？

ricebb

joantsang 發表於 12-9-14 23:34
我原先諗住交留位費，放棄自行，今日打比我弟婦問問具體學習情況(佢囡囡今年插班小二)，佢話整體來說都ok,  ...

有無問清楚是在什麼情形好嘈? 上堂? 小息? 可否提供多點資料??

小兒讀緊小一, 暫時番學都幾開心. 因活動教學關係, 有時會有分組討論, 大家可以比意見傾內容, 但老師都好有方法, 要佢地靜, 可以即刻成班靜晒, 個個細路都好乖!

ricebb

BTW, 恭喜晒咁多位獲取綠既小朋友!!

joantsang

ricebb,我問過我兒甥女，佢話老師講課時喎！ 咁你點解會知上堂情況嘅？ 你睇過？

ricebb

joantsang 發表於 12-9-15 14:00
ricebb,我問過我兒甥女，佢話老師講課時喎！ 咁你點解會知上堂情況嘅？ 你睇過？



  ...

我小朋友話我知. 同埋頭兩日做義工家長, 睇過開學禮情況.

chanwendy

dorajoyce 發表於 12-9-14 23:27
回復 chanwendy 的帖子

Ohh why 你認得我？你囡囡返得䦕心？老師好？你有咩評價？thx ...

我地曾經在某啲迦南的 topic 留言過的, 對你的大頭相有印象, 我仲記得你有兩個女添, 冇咩迦南學生會 in 嶺南的, 所以見你話收到 offer 都有點意外.  
我女 k1 時我就已經去嶺南 open day 的, 當時亞女已經好鍾意學校架喇, 因為佢玩得好開心.  開咗學兩個星期, 亞女好開心, 每日返嚟好多分享,老師好有愛心, 功課又唔多.  學校好肯比機會學生參與的, 好似朗誦節咁, 只要你想玩, 學校都會比你試, 唔似好多其他學校, 要選拔, 叻的先有得玩.

校方亦好為家長學生諗的, 就例如校車服務, 而家冇咩人肯做校車, 所以校車公司惡晒咁, 聽高級家長講, 去年的公司唔做了, 換了新的間, offer 的第二輪時間好夜, 如果學生玩 課外活動就要活動完後逗留一個鐘先有校車坐, 有啲學校真係唔會介入, 但嶺小同校車公司商討咗幾時都唔讓步, 校方最後改自己上課時間表去遷就校車, 而家兩輪校車時間都叫安排得幾好. 校長好緊張校車上的 行為問題的, 校長認為坐校車好易學壞, 所以成日提家長如果校車上遇到問題, 大可同佢地講.  以我所知, 今年一年級就已經有學生比大哥哥蝦了, 家長通知校方, 校方即日跟進了.

moominjoey

校車問題的確令人煩惱，學校開班唔多，有點擔心揾唔到校車接送

ricebb

moominjoey 發表於 12-9-15 18:47
校車問題的確令人煩惱，學校開班唔多，有點擔心揾唔到校車接送

你住邊區呢? 如嶺小是你最心儀的學校, 會建議你打去學校問下現在有無, 我見校車已覆蓋好多地方, 連元朗, 天水圍也有, 但最好當然打去問清楚, 無用估估下.

chanwendy

係呀, 你住邊區呀, 我見好多同學仔都係坐校車架.

Rabbitcarol

我怕阿仔好易校巴學壞, 不過睇完大家講又覺得嶺小真係幾照顧學生, 其實我今日打去問過校巴安排, 回覆話年年路線有少少不同, 睇報讀小朋友住邊區, 我住荔枝角佢就話通常一定有得去!! 當然都要收晒生先可以決定路線~~

moominjoey

觀塘，如果最終無校車，就叫姐姐送返學啦，上次註冊專程行咗個圈，揾最快路線

joantsang

再問兒甥女，原來係開學嗰個星期，老師要處理班務，未正式上堂，佢地自由時間多左，所以咁嘈，宜家正式上堂，情況正常番！不過佢話英文好深(兒甥女英文較差)，老師全堂講英文！有無媽咪可以分享下英文程度呀！

dorajoyce

今早終於去註冊了....好多謝 cahnwendy 分享....還有其它媽媽.... 餘下K3 日子囡囡可以好好享受....

chanwendy

moominjoey 發表於 12-9-18 09:34
觀塘，如果最終無校車，就叫姐姐送返學啦，上次註冊專程行咗個圈，揾最快路線



  ...

我女架校車係由順利頭站開出的, 今年好似有另一架車係走觀塘線的.

chanwendy

joantsang 發表於 12-9-18 10:28
再問兒甥女，原來係開學嗰個星期，老師要處理班務，未正式上堂，佢地自由時間多左，所以咁嘈，宜家正式上堂 ...

我女只係 p1, 且又啱啱開學, 我睇晒佢成本 1a 書, 唔算深, 應該只得幾個生字係我女幼稚園時未學過架啫.  不過我同幾位幼稚園同學仔家長溝通過, 大家都覺得暫時的程度大約係 k2 左右 (我女係學券幼稚園, 但算係較深的學券), 可能下學期先有多啲新野教). 記得之前去開放日時問過老師, 佢話小一二唔算深, 過後會深啲, 嶺小用星加坡英文書的 (暫時都冇聽過有其他學校用呢套書), 所以應該係深過一般 local 書的.  我仲記得有個主任話嶺小小五已經有約中一二的程度, 我開放日睇過五六年級的英文功課, 都真係似初中架.

調返轉, 有冇實例, 你姨甥女小二學緊咩生字? 咁樣容易啲比較.

chanwendy

dorajoyce 發表於 12-9-18 10:46
今早終於去註冊了....好多謝 cahnwendy 分享....還有其它媽媽.... 餘下K3 日子囡囡可以好好享受.... ...

唔洗客氣, 我今朝再問亞, 佢都話一年班唔見有迦南同學仔呀. 會唔會唔係小一呀?

ricebb

其實頭兩日做義工家長, 有幫手拎d簿上不同班, 遇上佢地既早讀時間, 見大部份小朋友都拎住本課外書自己睇, 比我感覺佢地都幾乖

moominjoey

原帖由 chanwendy 於 12-09-18 發表
我女架校車係由順利頭站開出的, 今年好似有另一架車係走觀塘線的.

Thx，有車就好喇，唔駛送黎送去

lbbk

請問各位,
今年有否校車到何文田 及上車時間? 感謝!

sukihung

我大仔現讀該校3年級，而細仔明年小一，英語方面我沒有同其他學校比較過，但聽呀仔講自小一開始已是用全英語上課的，每個星期寫日記，而今年小三便會兩班一起按成績分兩組上課，致於生字方面不是太多，但都有很多文法要記