唔知點做?

小冬

小朋友讀幼兒學校兼收位，現讀K2，已經重讀了一年K1，學校的職業治療師說他有自閉症傾向，我覺得佢流流地，三個月前話佢無事，叫我放心，三個月後再見佢就話我仔係自閉症傾向，不過是輕微那種!好奇怪，無論我同兼收老師、職業治療師及校長傾，當我講到小朋友很多時候不望人時，佢地都無野建議給我，給我的感覺係由得他吧!而佢有時在教會的兒童崇拜時會周圍行或自己坐在位上玩車(人地講緊故事或唱緊歌)，連我教會有個教左二十多年書的小學老師都話佢係有一些問題，仲叫我再去評估一次，有時人地同佢講野又唔理人，甚至影相要叫四、五次才望一望個鏡頭，三歲多時在兒童智能中心做完評估後便無跟進，我打電話同姑娘講佢的情況又話佢無問題，只係叫我上小一前一年再約期，甚至最後大大聲同我講:有D人係咁架!我想去協康會做評估，應該揾教育心理學家(但係太貴!成四千多元。)定特殊幼兒教師呢?因為我想有一些醫療意見，最怕小朋友仲有一些情緒或其他問題都唔知。如果有需要，可能要再出去自貴訓練，聽有些媽咪說自閉症傾向都可以申請傷殘津貼，是真的嗎?係咪要兒童智能中心的醫生信才可以申請傷殘症及傷殘津貼?

cpl036

協康有個綜合評估，可大約知道小朋友邊方面較差或有問題。另可去兒童智能評估中心作評估，只須有西醫寫信転介便可。

小冬

回復 bubucatcat 的帖子

有言語遲緩，經一年特訓(入兼收位)，仲係遲左七年至九個月，平時都有主動同同學或其他小朋友玩，同人講野有時都一路應人一路望第二度，大小肌肉唔係差太遠，但係同我傾計有時好鍾意問同果數條問題。

bubufafa

自閉症傾向會有重複性語句/動作(如玩手指)、說話節奏/聲調古怪、社交有點古怪、自我中心，如果仲加埋興趣狹窄，例如話鍾意埋啲係咁轉嘅嘢，剩係鍾意玩車，仲只係同一方法玩，冇咩假想性嘅話，都幾有機會係。
只有心理學家同醫生可以評估，幼兒教師只可以做訓練。

Hong2003

理工大學言語治療中心都可問下有做評估和個別治療及小組