你地另一半會唔會support你去改變有特殊需要既小朋友?

Teresa

我嗰個只係喺表面support我, 其實佢認為我好做唔做.
個仔已經F.1先確認AD, 之前又打又閙話佢懶, 越打越閙越惡教. 同佢講佢唔理, 仲話我阻佢教仔. 最諷刺係, 佢自己係老師, 佢居然唔信有D人係有特別學習需要同模式. 我同佢講話覺得個仔未必係懶, 而可能係AD仔, 佢就話"你睇得嗰D書太多, D所謂專家, 其實只不過係將呢D唔好行為合理化安個名比佢. 個仔係懶就係懶...."

我話帶佢去做assessment,佢話我waste money. 我同學校社工講, 佢仲閙個仔好去搵D咩社工, 淨係識"分享分享"... 攪到個仔唔想同社工傾. 最後我嬲到話自己用私己錢同佢去做assessment, 佢話: 你咪去做囉. 我就認為係冇用. 就算要見醫生開藥, 佢問都冇問過我地究竟醫生講咩, D藥係有咩作用/副作用.

好激氣! 屋企有佢講冇人講!

諷刺既係.... 有ADHD既人, 男性佔多數!

pollybell

食左藥有改善就唔到佢唔信......

mckm2007

會唔會係唔想去接受事實。我c6會支持，不過唔係行動上。

wan_sosin

你老公嘅說話,都有朋友同我咁講,仲要D人越專業,越覺得唔會有呢D問題!話只係藥廠想做生產,我都相信藥廠會把握機會做生產,但唔等於無ADHD嘅人存在!乜嘢病都會有斷錯症,我相信當然有些個案可能斷錯,但做呀媽嘅,個小朋友係點,一般都會清楚!
你老公唔SUPPORT唔緊要,因為而家最重要係幫到你個仔,你個仔有改善就得架啦!

faye525

好簡單~~

食返一個星期藥, 就唔到佢唔信有改變....

不過其實我都知有好多老師係唔接受ADHD呢類學生, 原因同樓主既C6想法一樣!
覺得呢D學生用所謂既病名黎做籍口, 令到D老師罰又唔特別罰得, 鬧又唔鬧得重!

另, 其實樓主C6知唔知ADHD呢類病暫時研究係遺傳性高....仲要係父母傳俾下一代既比率高於母親....樓主有冇覺得C6都有D類似病徵呀???

樓主加油呀!!! 我成日都覺得做亞媽幾時都清楚自己D仔女既!!!
信自己直覺~~尋求專業人仕幫助, 咁先係幫到自己小朋友~ 其他人點睇, 一D都唔重要~~

我就比較好彩, 我C6無論金錢定精神上, 什至佢放假果日撞正小朋友覆診, 佢都一定會陪我地見醫生架~~

sunflowerykh

你不是孤單的,請不要灰心,你仔仔有你明白他是很重要的,你將會成為最明白他的專家。人人都會有自己的理想的,在這個階段陪仔仔一齊找到他的興趣和理想,他自然會不用你打駡便在其中投入努力呢!

ALAL

回復 sunflowerykh 的帖子

methy

我先生比我樂觀．同埋我地都幾接受現實，覺得盡自己能力搵資源幫阿仔，小朋友大家都有份．一齊面對．同一想法好重要，一齊帶治療覆診＝我地既親子活動。

Chichatmima

孤軍作戰中

Teresa

Chichatmima 發表於 12-9-4 21:31
孤軍作戰中

我直情係.
有時都覺得好慘架! 又唔係我想生成個仔咁, 佢都係"victim"!

次次一講閞個仔既問題, 我到咁上下就會收口, 同C6講完全冇共嗚. 佢又唔會反省下, 都打左咁多年閙左咁多年, 仍然冇改善, 會唔會係其他問題?!

其實醫生有講過, 以前好多人就算有AD/ADHD佢地都唔知. 一係成為drop out讀唔成書, 一係就憑意志力克服. 到左大個D, 開始揀文理科, 甚至入大學, 識會揀自己強項科目, 加上人大左意志力會強D, 所以避重就輕下, 因為本身有AD/ADHD既問題既影響會越黎越細.

既然而家可以發現到, 點解唔去試下解決!? 總好過大大都喺水深火熱之中.

crt1234

Teresa 發表於 12-9-4 23:20
我直情係.
有時都覺得好慘架! 又唔係我想生成個仔咁, 佢都係"victim"!

我就覺得
佢心底裏都覺得自己係AD/ADHD
只不過如你所講,大個左就識得避重就輕
勉強掩蓋到自身既問題, 但心底裏卻越來越自卑
變得唔太接受自己個仔都係咁,搵個藉口來帶過

ALAL

TERESA
個仔已經F.1先確認AD, - 想問下是私家還是政府醫生診斷的?

Teresa

ALAL 發表於 12-9-6 19:15
TERESA
個仔已經F.1先確認AD, - 想問下是私家還是政府醫生診斷的?

私家.
我都有排政府, 不過一入紙要排年半, 仲係先見姑娘後見醫生. 如果再排得黎做assessment, 我諗佢都高中啦!  

而家先confirm到, 根據Clinical psy話, 佢係marginal case. 即場做既assessment佢唔差, 但係將佢, 我, 同埋老師填既問卷, 加埋見左呀仔知佢既情況, 佢就係A.D.

就係好似我個仔D咁既case係好難confirm, esp. 小學階段,唉!

ALAL

回復 Teresa 的帖子

寬恕直言,如果是扁緣人,妳先生這樣想也是可以理解的.

見左精神科醫生未,要不要吃藥?

Teresa

原帖由 ALAL 於 12-09-07 發表
回復 Teresa 的帖子

寬恕直言,如果是扁緣人,妳先生這樣想也是可以理解的.

食緊concerta+自己幫個仔做"行為治療" (自己睇參考書學)。

Connielai

回復 Teresa 的帖子

我個仔當初4年級先開始睇E生都覺得遲, 你仲要中一? 咁佢浪費左好多時間, 同埋佢地吾係懶, 佢地有病先會咁, 做父母應該體諒佢。咁你老公又打又鬧佢都吾開心, 佢已經中學, 就算無ADHD都吾應該又打又鬧。我仔食藥食到中2就停左, E生話有D人大個D就會好番。

ALAL

TERESA,
那學校對阿仔怎樣?

Teresa

ALAL 發表於 12-9-11 14:16
TERESA,
那學校對阿仔怎樣?

其實學校唔覺得佢係"好有問題", 因為佢本身冇HD (只係marginal AD), 平時唔蝦人又唔攪破壞, 課外活動又積極, 只係一對住學業又死哂...  欠帶欠交, 做一半功課交, 明明係識都求其做, 考試測驗只有溫左既50%表現, 永遠唔見notes/通告, 冇意識交功課交通告, 間房大量垃圾......
其實學校社工都唔覺佢要去評估, 我求左佢叫佢開file比佢見Edu psy求足大半個學期佢先肯refer呀仔去Edu psy. 係Edu psy提出肯寫紙比佢至有得去評估咋.

事實上, 到今時今日, 我D朋友親戚/佢既補習老師, 都唔太相信我個仔係AD! 佢地個個都話我個仔好smart... 唉!

ALAL

個仔有D野只有阿媽先感受到,絕對不出奇
那吃了藥應該專注力好D嗎?