阿仔的女友

Meikin

回復 Joe媽媽 的帖子

這樣的真人真事每年都為數不少, 很感慨.....
最怕就是攪出"人命", 唔要個BB又好似好冇人性, 但勉強冇幸福, 生佢出來又是害佢一世.
講到尾, 都係要盡早教育D仔女, 拍拖唔好咁隨便, 到出事時就真係太遲了.

而家D女仔思想早熟且主動, 唔似我哋當年重會玩吓暗戀, 鍾意就主動出擊, 明刀明槍, 真係進取得好恐怖, 大部份男生都未必懂得如何招駕.

我阿仔自小四起被同班一位女同學狂追, 電話/小手工/情信/SMS等等攻勢.....阿仔對佢沒意思, 佢有俾D情信SMS等我睇, 但佢明示暗示拒絕個女仔後, 個女同學仍然不死心, 阿仔又唔夠決絶唔理佢, 佢當佢係同學, 怕太傷人哋喎.  到今時今日, 升中兩年了, 大家唔同校, 個女仔重不時whatsapp吓佢, 試探吓佢有冇女朋友, 且又舊事重提話重等緊佢......阿仔繼續駝鳥政策, 敏感資料扮收唔到, 而其他無關感情事則如常回答那位女同學.  我都話佢應該一早決絶D表明佢架立場, 唔好俾個女仔以為重有希望, 但阿仔又話"得啦, 我識自己處理啦".

like_travel

Joe媽媽 發表於 12-10-8 11:57
係呀, 我仔S2, 唔好話仔就唔洗驚呀!

講個真人真事故事給大定知:

Meikin,

妳個仔一定係又靚仔, 讀書又叻既精英, 所以呢個女仔咁長情, 當投資籃籌股票咁長揸..... 佢識得用時間去培養感情........ 我建議你仔block 左佢向whatsapp... facebook 都block 埋, 既然無感覺...無謂比人幻想..... 因為呢個女仔真係太長情 ops:" />

Meikin

回復 like_travel 的帖子

我個仔只係高廋sporty, 唔算係靚仔, 如果靚仔多幾隻狂蝶埋身就重煩.  
阿仔是男仔性格+對感情遲鈍型, 佢對男女同學都一同仁視, 只要啱傾就做到friend, 相識滿天下, 即使有女仔明示暗示, 佢都未必收到, 令人產生無限幻想.

我都有建議阿仔唔好覆佢whatsapp or block晒咗佢D whatsapp, 但阿仔話始終小學同學一場, 唔可以咁絶, 又或者(我估喳)阿佢雖然唔鍾恴佢, 但都enjoy俾人追嗰種感覺.  本來我都以為升中後冇同校, 少聯絡, 嗰位小姐會停止行動, 點知重未斷尾, 阿仔重pik唔nut佢.  我有時不方便建議太多 或 參與太多, 一來想俾佢自己handle番, 二來怕佢嫌我多事, 以後有事都唔同我share, 唯有靜觀其變啦!

chiu0128mama

回復 Meikin 的帖子

多謝各位媽媽的分享,今晚有有好多話提跟仔仔分享了!

Joe媽媽

回復 Meikin 的帖子

hahaha, 妳仔一定係 "韓流明星", 我仔好D, 無 gum 利害.

而且, 我仔好大男人(成日笑個老豆係老婆奴), 女仔 facebook/ whatsapp 單對單佢唔會覆, 怕有麻煩/ 誤會, 打電話亦最多3~2句, 講多2句, 佢唔耐煩就鬧人, 叫人"收線啦", 電話打黎如果一開口叫佢估下佢係邊個, 佢又會即刻收線, 佢話D 女仔好無聊, 我問佢點知D係女仔, 佢話男仔唔會做D無聊野. 而且, 佢估到係邊件"扒女"!

因我仔比較高/瘦, 所以全部 over 40Kg (90 Lbs以上), 164cm以下都係佢眼中的"扒女". 希望佢D標準唔變, gum 就搵唔到 partner, 我就唔駛"怕"...  

Joe媽媽

回復 Meikin 的帖子

係呀, 靜觀其變得 lar, 唔好講 gum 多, 有 feel 就話要理, 無 feel 妳都多事, 以後有野就唔同妳講, 重煩!

其實我好明白, 亞媽都想D仔平凡D好, 男仔大個左, 有高學歷, 有份好工, 搵到錢, 洗怕無女咩... 易招惹D女埋身跟本唔係好事

Joe媽媽

thenewipad 發表於 12-10-6 12:24
借個位分享吓而家初中生拍拖狀況 :

昨天坐mtr 在 TST 站入來幾個QES 學生, 相信昨天QES 有活動....見一對 ...

我同事個女又係讀緊喱間, 又係斯文靚女, 讀書又叻, 但又係"衰拍拖", S2上學期尾開始發覺有D唔對路, 原來真係偷拍拖, 起初都唔認, 後來比 Daddy 親眼見到 (請左一個星期大假去跟蹤). 攪左好耐, 好傷感情, 後來學校知道了, 通知男仔(S3/ S4)父母, 佢地父母先知道, 男仔被迫去左英國讀書. 件事先叫做 settled down.

但亞女自始以後同屋企關係疏離左好多, 無再同父母傾心事. 成績無退步, 反而好左, 原因係要証明比父母知, 係父母對佢唔住, 攪散佢地, 睇死佢地, 令亞女無晒幸福!

反叛期, 無辨法, 學校社工話要等佢地大個D先明白父母苦心...