阿仔的女友

IreneIrenechan

阿仔的愛情初體驗已完結，佢話個女仔太煩，早晚whatsapp問行蹤，煩過阿媽，所以最後放棄，都好，專心讀書！

瑄婷

原帖由 IreneIrenechan 於 12-09-24 發表
阿仔的愛情初體驗已完結，佢話個女仔太煩，早晚whatsapp問行蹤，煩過阿媽，所以最後放棄，都好，專心讀書！ ...

真係好小朋友

VV媽

回復 IreneIrenechan 的帖子

我亞囡個第二春都散左,
不過佢冇同我講,(睇佢facebook知的),
有第三者,
都好,細個有經驗,
大個會小心d.

但早一排拍拖時成日whatsapp,有影嚮到功課,
依傢好d,

希望大家小朋友都平安渡過青春期啦!

vincher

回復 Yanamami 的帖子

你好開通喎!有冇灌輸定D性知識俾大Y

jeoy126

雖然唔系過來人，不過同家姐一起幫佢嗰女處理感情問題，非常成功。上面有家長講到唔理唔問，到時會散，我唔認同咁做法。如果喺浪費時間，影響學業嘅，點可以坐視不理？
1.有男仔/女仔鍾意，首先喺坦然接受和認同，但唔可以表現太緊張，你問得多，佢又會覺得你太八卦，就會收收埋埋。如果你首先來一輪思想教育，咁第日你可能再收唔到佢嘅料。
2.唔使問個仔女太多，直接邀請對方來屋企一起做功課溫書，咁就可以直接瞭解，唔需要間接打聽。注意，喺過來一起讀書，唔系特登請食飯！如果喺請食飯，第一，對方可能會驚，第二，阿媽做得太輕骨頭，小朋友就會更放肆。要畀佢明白，你接受佢地喺有前提，就系一起讀書，互相幫助鼓勵！
3. 見過對方后，如果對方小朋友表現有禮貌，有教養，咁就可以留食飯，喺飯檯上瞭解更多，有講有笑，鼓勵他們勤力讀書，一起考大學。咁就系正面引導。
4.如果對方冇麼禮貌，咁就要同自己小朋友建議一下啦。剛開始拍拖，小朋友未必聽得入耳，你只可以提醒，畀建議，唔可以強制分手，只能強調，你可以繼續玩，繼續拍拖，但絕對唔可以做出過格行為，呢個人可能唔系你想要個嗰。對對方小朋友，唔使留食飯，唔使再請對方來屋企溫書，間接拒絕。
5.如果對學業沒有造成影響，相反有正面作用，咁何樂不為？如果影響到學業，咁就要兩個一起捉來交流想法。唔系上教育堂，喺同佢地傾幾，唔會阻止佢地拍拖，但要明確方向，兩個人一起未必要行街食飯睇戲，你地而家喺學生，就要讀書為主，一起溫書一起進步，上同一大學，會比任何形式嘅戀愛更有意義。
將戀愛關係引導去一個正面嘅方向就得。而父母同仔女之間，又沒有隔閡，有信任感，風箏可以放出去畀佢一定自由空間，但條線始終要喺自己手度，你對眼亦都要始終望到自己個只風箏，唔好等到睇唔到，就收唔番。

IreneIrenechan

非常贊成！

Meikin

回復 jeoy126 的帖子

"......風箏可以放出去畀佢一定自由空間，但條線始終要喺自己手度，你對眼亦都要始終望到自己個只風箏，唔好等到睇唔到，就收唔番。"

非常同意Joey126 以上這個比喻.  孩子升中後日漸成長, 父母的收放也很講技巧, 我也在努力摸索中呢.

Joe媽媽

vincher 發表於 12-9-24 17:22
回復 Yanamami 的帖子

你好開通喎!有冇灌輸定D性知識俾大Y

我小五/ 小六已教, 甚麼是"衰11", 邊11個字, 意思何解.. 我當作通識科, 法律常識去教. 再講下身邊親友之反面例子, 如果xxX, 就會XXX....結果有目共睹, 無需爭辯!

我見解就是: 如果上到中學, 甚至學人談戀愛你才教, 甚麼衰11, 唔好xx, 唔好xx, 就會太遲, 佢會覺得妳說話有骨, 下下針對佢, 講緊佢, 就聽唔入耳..  

VV媽

我就襯有新聞時.
同佢討論下,
分折下,
等佢自己諗,好過我下下正面同佢講  

Joe媽媽

回復 Joe媽媽 的帖子

其實我那麼早教亞仔, 是因為他生得高大/ 靚仔, 小二/ 小三已有女同學送小禮物. 算命師傅亦算到他會早談戀愛, 要出國留學才會減"桃花", 唔係晒命, 其實做父母一D都唔會開心, 好怕他出事. 男仔學歷不高就麻煩, 所以細細個就已教他, 男才女貌, 男仔要高學歷, 一早已幫他"洗腦"...  

E+D女生好主動, 我試過同亞仔搭車去街, 分開錯, 後來有同校之女生上車, 不知道他父母在身邊, 不停"攪"我仔, 我地扮睇唔到, 睇下佢地會發生 mud 事; 最後, 亞仔要避走去"下層", 佢話D女生好唔怕羞, 又煩  

亞仔本身反而遲熟, 暫時未對女生有興趣. E+同我暫時都叫做有計傾. 星期六晚會去我房玩 "超人打怪獸", 鋤大D...


亞仔話佢唔會係 gay guy, 不過對女生有要求, 要"長頭髮", "要靜", "要溫柔", 唔可以"吱吱喳喳". 我都放心D, 今時今日D港女邊樹會 gum 易達佢D大男人標...

thenewipad

借個位分享吓而家初中生拍拖狀況 :

昨天坐mtr 在 TST 站入來幾個QES 學生, 相信昨天QES 有活動....見一對小情人在擠滿人的車廂內係咁做親密動作, 後來更大庭廣眾相擁....兩位身穿校服既名校生好有guts..... 一d 都唔介意有人望住, 兩位主角最多form 3......真係好可怕......

Meikin

我每天搭港鐵返工放工, 都見唔少著住校服的中學生在港鐵車廂內有親密動作, 完全超越我可以接受程度, 佢哋根本唔覺得著住校服在大庭廣眾作出這些行為有任何問題......唉!有時只可以講句"世風日下", 如果嗰個係我個仔女, 我一定激死!

所以我都希望阿仔專心讀書, 起碼讀完中學才拍拖.  而家D細佬唔似我哋當年, 拍拖可能只是一齊温書, 最多拖吓手, 今時今日D細佬一拍拖好多都全情投入, 不單影響學業, 更可能攪大個肚.

thenewipad

Meikin 發表於 12-10-6 12:57
我每天搭港鐵返工放工, 都見唔少著住校服的中學生在港鐵車廂內有親密動作, 完全超越我可以接受程度, 佢哋根 ...

我當年都係15歲拍拖...但穿著校服從不敢胡來, 更不要說在大庭廣眾既港鐵車廂中表演..... 因為佢地係名校生, 更加唔應該映衰學校...... 好彩我囡無入去讀.... 我真係好shocking

like_travel

thenewipad 發表於 12-10-6 12:24
借個位分享吓而家初中生拍拖狀況 :

昨天坐mtr 在 TST 站入來幾個QES 學生, 相信昨天QES 有活動....見一對 ...

好彩囡囡唔係呢間勁野讀, 唔係有排驚 :cry:

Jackieson

多謝分享，要keep住，記住，第時作為reminder.

Jackieson

其實都見唔少b1學生,著住校服行街時拖手仔，少人嘅地方攬吓，但在地鐵咁樣又過份咗d...

Meikin

以前我一向都較喜歡讀男女校, 但近幾年見得太多這些情況, 發覺讀男校或女校孩子雖然在社交方面沒有男女校咁自然, 但也減少了近水樓台, 人拍拖你又拍拖的機會.  我不是反對中學生拍拖, 但而家D中學生拍拖的程度等於我哋當時成人拍拖的程度, 佢哋心智不夠成熟, 很多方面都不懂處理, 又唔肯聽大人講, 沒事就好, 有事後果可以好嚴重, 甚至影響一生.

chiu0128mama

回復 Joe媽媽 的帖子

hi, joe 媽媽, 你好似講緊我個仔咁,好多相似,不過我估你仔應該大d,我仔剛上中一,成日話d女同學煩住佢,同埋我好同意而家d女孩真係好主動呀, 我都一早教定個仔,做男孩要有風度同檢點d, 要識say no!

Joe媽媽

chiu0128mama 發表於 12-10-8 09:54
回復 Joe媽媽 的帖子

hi, joe 媽媽, 你好似講緊我個仔咁,好多相似,不過我估你仔應該大d,我仔剛上中一,成日 ...

係呀, 我仔S2, 唔好話仔就唔洗驚呀!

講個真人真事故事給大定知:

我同事個姨生仔(早2年剛好20歲, 讀緊HKU, 讀書好叻), 攪大人地果女個肚, 被迫結婚, 其實一直以來都係女追男, 但亞仔又唔識拒絕, 貪心/ 貪玩咪出事 lor. 男仔屋企有少少錢, 個女仔重要懶死唔走要過夜, 要男仔父母出聲趕走才肯走, 但唔知點解個女仔屋企又唔出聲? 可能唸住男仔屋企有D家底, 出事都唔怕?

男仔屋企唔讚成BB出世, 其實成年人都知有 mud 問題啦, 無獨立經濟基礎, 心理又無預備, 感情又唔係深厚. 點會好? BB又點會幸福快樂? 但女仔父母這時候又出聲, 又堅持話要結婚, 又話要生, 唔係就報警, 又.... , 可能真係發生事了, 又覺得自己過女"蝕底"? 已好詳細跟對方父母分析過BB出世後反而害多個人... 但對方父母唔理, 一定要結!  

結果: 婚後大半年, BB出世, 2個大細路仍是"吵不停", 跟本就係唔夾, 而且大家都未玩夠! 最後玩埋離婚. 外婆收左嫲嫲一大舊錢之後就答應了以後照顧BB, 那其實又有甚麼意思呢?  最大受害人反而係BB, 無父母愛惜之BB, 長大後會快樂嗎?  

不過, 亞仔知道教訓了, 答應父母會帶眼識人, 唔會再隨便攪出人命, 而且, 聽聞這兩個小父母無去探過BB, 個小媽媽更搬走了自己父母屋企. 而且, 有另一個"男人"!

BB 真係好慘好慘呀, 嫲嫲都有怪自己點解當初唔堅決要求唔要BB, BB係一條新生命, 但BB出世後, 得不到自己父母之愛惜, 那豈不是更加"一生一世"受難嗎? 所以, 我地一定要教好自己D囝囝囡囡; 仔女都好, 真係唔好輕易就話生BB, 攪出人命就真係害已害人.