DEL.

QKMA

如題

Charlotte_mom

原帖由 QKMA 於 12-09-01 發表
如題

第一輪只可以靠校內成績，無得玩第二輪

QKMA

回復 Charlotte_mom 的帖子

係咁風險大嗎？會否比考呈分試的較低機會考入心儀學校呢？

CrabPincers

看你心儀的係直資定係津校，如果直資就無乜影響，但係津校的校，都無呈分試，你用乜野成續去抽獎？

如果只係靠自行揀果兩間中學，就要放棄直資，但又無機會去抽獎，你話個risk大不大？

間學校無呈分試的，都應該係一條龍，既然讀得小學，就預左讀埋中學，如果係成續好，想試d勁d的中學，我會揀返直屬中學，起碼有保險線，到放榜果日，先去心儀中學叩門

杰杰媽媽

所以多數讀緊冇報分既直資小學生都只會等大家派位個日先去叩門，就要考個小朋友既真章同夠唔夠同好多人fight

kyliema2006

小兒學校冇呈分，成績表冇分數、冇名次，但有評語。一般人都話係到讀，就轉唔番出去。事實是，有家長憑呢張成績表成功報傳統中學，資助、直資也有。也是名聲不錯的學校，如紅磚、喇沙、官校。問心得，覺得中學主要睇面試表現。

heiB

回復 kyliema2006 的帖子

沒有分數、沒有名次唯有靠公開獎項。

Chau444

QKMA,

由於沒有呈分成績, 如果讀津校, 必須於自行收生階段一擊即中, 否則第二輪派位的學校, 相信必定不合你的心意! 那麼只好想想自行收生階段用甚麼策略.

我假設你考慮不直升原有中學, 應該是你認為小朋友是band1生, 可選讀更好的中學. 假如直升原有中學是band2a, 你可保守一點考慮選band1c的學校. 但要知道津校自行收生階段面試一般都在3月舉行, 加上又不知取錄與否, 而原有中學可能已經要你確認是否入讀, 那份忐忑不安的心情, 真的很難受!

雖然不知津校自行收生階段取錄與否, 但有些情況可預計取錄的可能性. 例如有些學校不是面試所有投表學生, 只選取部份考生面試(好像今年伊中很快就出reject letter給未獲面試的學生); 又有些學校會有2nd interview(例如旅港開平). 但不論如何, 只是靠估!!

另外, 你也可考慮小朋友是否有甚麼音樂, 體育或學術上專長, 尋找相關的中學, 亦可增加機會.

10月份開始, 很多學校會開中一講座, 多去聽及了解. 如果不想太冒險, 便等叩門再說, 就算叩門不ok, 還可中二插班, 只要小朋友肯努力, 相信一定有適合他的學校.