第一日k1班

yuki8484

原帖由 idak 於 12-09-05 發表
回復 yuki8484 的帖子

我想問你參加係乜嘢協康課程？其實我都唔係好明, 因為我個女比智力發展中心個醫生評 ...

我自己都好緊張仲有d迷惘tim..我有時都會諗係咪自己過份擔心左..好多專業人仕叫我唔需要為係定唔係而咁上心..但針唔吉到肉唔知痛..邊有可能唔擔心..
我仔而家上緊協康自閉訓練基礎課程..一星期2日..9:45-12:15am..主要係6個小朋友一班..大圍個別訓練..針對每個小朋友所需去做一d訓練同時學習社交

idak

你上緊覺得有無幫助，我就因為返工報唔到！

kubobo

我個囝都係K1, 今日第三日雖然未收到老師投訴﹗但接他放學時見佢獨個兒坐. 像沒人理會.  果時我即刻眼濕濕. 我問囝囝老師有冇閙他. 他說老師話佢點解咩都唔識. 唉! 自己心理已有準備.

yuki8484

原帖由 idak 於 12-09-05 發表
你上緊覺得有無幫助，我就因為返工報唔到！

今日上第二堂..暫時未知有無用呢

yuki8484

原帖由 kubobo 於 12-09-06 發表
我個囝都係K1, 今日第三日雖然未收到老師投訴﹗但接他放學時見佢獨個兒坐. 像沒人理會.  果時我即刻眼濕濕. ...

老師點會鬧佢呢..唔好咁諗..要信任老師..你睇到既只係放學時間坐埋一邊..多d同佢訓練..做多d同學校有關既訓練..會另佢更快適應學校生活..加油

Samnor

昨天請了一天假和太太一起送小兒返K1, 我太太在一面陪佢(我遷從外面觀看) 佢多數都願坐低, 而且願意和其他小朋友搭膊頭排隊, 都願意和其他小朋友一起觀看卡通片. 但老師叫 :  男孩子起身排隊去洗手間....佢就冇反應...而且有時會起身走去媽咪度...一路睇..心情一路好灰......

JANETHIM

原帖由 Samnor 於 12-09-06 發表
昨天請了一天假和太太一起送小兒返K1, 我太太在一面陪佢(我遷從外面觀看) 佢多數都願坐低, 而且願意和其他 ...

你們的小孩仲細,多加訓練一定會有進步,唔好灰心呀!
阿仔上小一第四天,我問他返學開唔開心,佢答䦕心,小息時有同同學仔玩包，剪，揼，
看來暫時都ok,希望黎緊唔會收到老師同同學的投訴啦！

idak

回復 Samnor 的帖子

你個仔未識同未習慣啫...睇得其他小朋友多就會得, 講灰我重灰, 個女對老師完全無反應﹗

Samnor

每個a仔..都有不同的情況......我們大家都要努力..今天我的心情已經好左d...因為前面的路......是漫長的.....

yuki8484

大家都灰..
我仔係反應過大既A仔..係危險人物..
灰上灰

idak

原帖由 yuki8484 於 12-09-06 發表
大家都灰..
我仔係反應過大既A仔..係危險人物..
灰上灰

係度鬥灰！等你講下先！佢就比d嬸嬸投訴！去廁所又唔出聲！灰爆！日日要放三條底底。唉！

yuki8484

喺度呻下/灰下總好過收收埋埋屈住呢條路好長..有排都行唔完..總有攰既時候..上黎呢度講出黎舒服d..休息完再繼續行..

yuki8484

原帖由 idak 於 12-09-07 發表
係度鬥灰！等你講下先！佢就比d嬸嬸投訴！去廁所又唔出聲！灰爆！日日要放三條底底。唉！



  ...

就算唔係A仔都有呢個情況發生喇..所以唔好上心

alicekg

yuki8484 發表於 12-9-7 13:44
就算唔係A仔都有呢個情況發生喇..所以唔好上心

絕對同意

idak

回復 yuki8484 的帖子

其實我係未講完的﹗囡囡係比奶奶湊的, 我同佢講要戒片架﹗係屋企都唔好著等囡囡知乜事, 佢就話學習褲都係褲之麻﹗但係囡囡返咗幾日學以家識得同我講不過係遲咗小小, 奶奶重用緊湊表姐仔d手法, 我都同佢講咗好多次, 囡囡係要講得更加清楚, 即時及簡單描述, 奶奶講極都唔明....唉﹗真係好想辭職自己湊番...不過計唔掂數咋﹗上訓練又唔平﹗