小一入學前評估

mckm2007

在CAC約兩年半前見過醫生，佢話五歲半可以做評估，相隔一年半後又再見醫生佢就話要六歲先做(兩個醫生講嘅都吾-樣)，如果小朋友適齡讀小一時而又未做評估，叫我照報小一先，評估後如不適合讀小一，佢地會再安排。我小朋友出年適齡讀小一(六 歲)，現在讀緊S位。現在好芧盾，又想出年出主流讀K3, 想問下大家，如果想比小朋友讀k3, 係咪一定要醫生評估左先？ 因為聽聞一般幼稚園都要求refer CAC的評估報告，先考慮收唔收一個超齡k3學生。

McDonna

原帖由 mckm2007 於 12-08-30 發表
在CAC約兩年半前見過醫生，佢話五歲半可以做評估，相隔一年半後又再見醫生佢就話要六歲先做(兩個醫生講嘅都 ...

如果你想轉K3，可以考慮轉I位，一樣係主流幼稚園但又有特殊老師睇!
同學校社工講，佢會安排見醫生評估，OK就出信，用番兩年半前個入表日期排先後，應該排隊頭!

mckm2007

出年年頭已六歲，轉I位，我怕等唔到, 所以冇考慮。

pocoyo123

mckm2007,
你同我以前情況一樣, 但我當時好心急, 因為如要重讀K3, 要半年前搵定學校, 又唔知佢可唔可以直上到主流唔使重讀, 個心都好急.

最後, 我在9月開學時, 同S位導師傾左, 佢地比左小兒的現實情況我知, 亦有比一個最好的健議我, 跟住, 我在9月中打去CAC同社工講, 我要做評估, 打左幾次, 終於, 佢11月同亞仔做小一前評估, 重讀K3, 今年上小一.

幼稚園插班係唔使評估信, 大部份都要INTERVIEW, 睇表現, 如果本身有I位的學校, 佢地可能問你攞報告, (就算無I位比你), 我亞仔去年重讀的幼稚園就沒有睇報告, 因我沒有說在S位出來, 只是經過面試而收佢, (因為這間是一間普通幼稚園, 老師沒有對SEN仔的經驗, 所以我沒有提出).

mckm2007

hi pocoyo123,
請問你響邊區評估中心？其實我之前都打過電話去cac問，今年幾時何做評估，係中心職員答，但佢問我係咪醫生agree 讀k3, 我話冇，都要做完評估再決定，跟住佢check番record, 小朋友係後年先評估，講左一輪，佢話可能醫生計錯入學年份，幫我跟進番。於是我再問學校社工，佢話多數幼稚園都會要求睇評估report同想攞學券的話，都要依份report. 我問過啲幼稚園佢地叫我入左form先，而張form都有一欄填寫曾就讀學校。而且k3位都幾難揾。又另一邊廂，精神科姑娘話如果真的想讀k3，而當cac叫我做評估時，我先同cac講留待下年做評估，我又將依個建議同社工講，佢話cac冇可能會憑一句說話就延遲個評估，正常都一定要做評估才決定。攪到我唔知點好！

hktkomama

如果你真打算重讀k3,你就唔好現在做升小學評估，CAC只會幫小朋友做一次升小學評估。留待升小一時先做。重讀k3,只要學校肯收你，就得。另有關學卷，你未用三年quote,應該你申請就可批。

pocoyo123

1) 我在油塘CAC做, 基本上, CAC會同一些佢地認為有需要的小朋友做智能評估, 其中S位是一定做, (I位因人而議), 從而評估小朋友是去主流或上特殊小學.所以, 一定是在6歲前做, 只是我早年心急搵學校, 成日打去吹, 佢先比左一日我薛期做, 我見有些同學是4-5月做都有, 所以, 佢有機會出年先同你做, 而且現在人多,.無計.而且過左6歲, CAC會CLOSED FILE, 因為6歲後係教育局跟.

2)學卷不是計你用左幾多年, 是計年歲, 如6歲後, 正常係唔可以再有, 不過, 如你有學校信, 心理學家評估, 再寄信同學卷組表示你完全無取小一學位, 而小朋友有需要重讀, 咁就可以多一年.

3)幼稚園睇唔睇評估, 相信間間唔同, 我仔去年果間就唔需要, 因我無說是A仔, 只要面試OK已得

mckm2007

我其實都心大心細，又想讀k3但又想知道小朋友的實質情況，有冇學券都冇所謂，不過茅盾在於，又驚冇幼稚園收。如果有，但讀讀下又發覺唔掂但又做了評估，cac唔會做多次，因為聽聞佢地assume小朋友會入主流小一。真頭痕。

kaifung0106

你問咗學校導師仔仔的情況未,如果佢哋都認為你適合重讀的話,你可到5歲半左右先做評估,跟住同個心理學家講明你的意願,佢會遲一年先上份報去教育局,過了六歲你也可以申請學卷,也容易批出.仔仔是06年1月出世讀左4年特殊學校,找學校也會跟每一間講明,雖然被拒絕很多次,但現在也找到一間包容他.了解小明的進度慢少少也無所謂啦!

mckm2007

學校老師沒明顯意見，我已收到cac的問卷for跟進小一入學前小朋友的進度。

小冬

K2何時要致電兒童智能中心做小一入學評估?出年一月定係依家已經可以打去約期?

mckm2007

唔係自己約期，係cac會睇下來年有幾多適齡入學既小朋友，再揀出來安排做評估，大約五歲半開始，所以你唔會知正確幾時做評估。你可以打電話去cac問或佢地響你覆診時講。

小冬

其實入兼收位的小朋友是否每年都會去返兒童智能中心評估呢?點解我仔的同學三歲入兼收位前做一次評估，四歲又做一次，(見完評估政府安排個仔去見精神科)跟住五歲入小學前又做一次，而我仔四歲又無得做呢?因我驚有一些隱而未見的問題。)已經有一個返興趣班的特殊幼師同一個教左二十年小學的好朋友叫我再同個仔做評估，同個姑娘講我仔仔唔望人及其他問題，佢就唔想啋我咁，話我仔應該係行為問題，最後佢仲要話:有D人係咁架!(被佢咁講，我真係好想喊!)我本來都想自己拿錢出去揾協康會的教育心理學家做評估，但反而係我老公唔想，話等埋出年五月先，但我又覺得個仔無事就話啫，如果佢有事，咁點算呢?

小冬

我係唔會旨意學校的兼收位老師的，因為佢地太忙太忙，學校一年轉一個兼收老師。

mckm2007

我覺得係睇情況，入任何位之前都要做一次評估。之後再見醫生所做的評估係小型。你上一次見醫生佢有冇講幾時要再返去。你直接打去評估中心問下。

12312

小冬 發表於 12-9-12 00:11
其實入兼收位的小朋友是否每年都會去返兒童智能中心評估呢?點解我仔的同學三歲入兼收位前做一次評估，四歲 ...

政府是信臨床心理學家報告，但教育心理學比到小朋友強弱性