學2樣樂器會唔會太多

sumyau1012

我女升小一，佢學左2個月小提琴，好鐘意，而家學校俾小朋友試玩樂器，佢又話好鐘意楊琴，佢2樣都好想學，我應唔應該俾佢學2樣？thx

qop

首先
小朋友係貪新鮮的
妳可以先要佢比信心妳，才可再加插另一樣落去。
留意下佢練習即極度，同會唔會無家長提示下，都會去練習。

marcuscyrus

sumyau1012 發表於 12-8-29 23:15
我女升小一，佢學左2個月小提琴，好鐘意，而家學校俾小朋友試玩樂器，佢又話好鐘意楊琴，佢2樣都好想學，我 ...

學兩個月可能仍是蜜月期，建議可以先同佢訂立一d目標，達到左就可以學多一樣。除了孩子自己興趣，也要考慮父母可以如何配合
有興趣肯練習的話，兩樣唔會太多，有興趣但不肯練習，就一樣足夠了

bebebe12345

sumyau1012 發表於 12-8-29 23:15
我女升小一，佢學左2個月小提琴，好鐘意，而家學校俾小朋友試玩樂器，佢又話好鐘意楊琴，佢2樣都好想學，我 ...

如果安排得宜和能夠負擔,這個年紀學二樣並無下可。
學了一段時間最大的機會是偏重一方、那時才作取捨。
留意、老 師的差別將會是取決最重要一點!

sumyau1012

多謝你們的回復，女女不會主動練習，但提醒下會練。
另外，我女女很容易便累，而且頸位容易發紅，彎腰，好像很辛苦。我是否應該讓她試楊琴，停小提琴。
但我又怕這樣會令她容易放棄。
我應該點好？

bebebe12345

主動練習的孩子不多、不是提醒她練習,而是如何讓她將練習成為習慣。這是你的責任.....學甚麼樂器都一樣。
小一了....好好安排!

marcuscyrus

我仔當初拉琴，幾分鐘就叫累，現在成個鐘都練到，慢慢習慣，堅持，琴技一件事，但學樂器的孩子一般比較刻苦，對他自己成長都有好處

lillymarie

嘿嘿！我囝囝學了四年，到今天仍然拉幾分鐘就話攰。攰就放低琴，休息一分鐘，然後再繼續。囝囝的左邊下巴已起“jum”.......聽過人話，可以用毛巾或布包住肩托位，咁就無擦得皮膚那麼厲害。可以試下。我囝囝試過唔鍾意，所以無用。

我囝囝每次練琴一小時，雖然功課唔多，但都唔敢讓佢學兩樣樂器。因為唔想佢“主修”音樂，想佢有時間做其它活動。

sumyau1012

回復 marcuscyrus 的帖子

請問你仔仔學了幾耐可以拉一個小時。我女女每次只係練幾分鐘

sumyau1012

回復 lillymarie 的帖子

老師都有叫我用毛巾，但女女唔鐘意，我都唔敢俾佢學2樣，佢又話好想學

sumyau1012

回復 bebebe12345 的帖子

要她自覺，應該要很努力，希望我可以做到

lillymarie

我在賣雞眼貼的地方買來一塊軟墊，貼在小提琴上。上網見過有chin rest 軟墊賣，但自己未見過實物。

有時候小朋友話好想學，可以等一等，例如一年半載，看看是否還是那麼”想“。妳囡囡學了小提琴二個月，如果妳覺得不適合她，轉揚琴，亦是好機會。我會問自己一個問題，他日若學揚琴上有甚麼困難，囡囡又話想學第三樣，我會怎樣去決定呢？

marcuscyrus

sumyau1012 發表於 12-8-30 17:06
回復 marcuscyrus 的帖子

請問你仔仔學了幾耐可以拉一個小時。我女女每次只係練幾分鐘 ...

一d一d咁加落去o既我諗大半年左右就練到1hr
我仔都是升小一

reei

it's too much. my daughter is learning violin and at her own request , i let her learn piano. we play violin together and she practises piano on her own during the day, i think it's too much.
but if i had to choose again, i'll still  let her learn piano. it's her choice what she wants to do with her time.. sometimes, let her have the freedom to choose what she wants to do with her time.

jandtfamily

睇個人嘅，每位小朋友嘅情況都不一樣。以自己小朋友為例，五歲學琴，不久就再吹長笛，後來機緣下在七歲接觸咗大提琴，喜歡下便學到現在剛剛十一歲，起初好多人都話佢學樂器咁多，建議減少一至兩樣啦！又加上五、六年級呈分試，經大家考慮下堅持到現在，不僅成績冇點樣倒退，保持band 1 level，還不時參加校際比賽攞經驗，幸運地每次都能入三甲。此外，也俾佢以考皇家試為目標，希望佢可努力進取， 現在已考獲八級、和兩個五級，下個目標係其中一項AT和另一項八級。
總結，我們的經驗係不要放棄，努力堅持，分配好時間練習和温習，最重要係佢從來冇睇電視和打機的習慣，放假才會俾佢玩一下，我哋做家長也要忍耐做好榜樣不睇（等他睌上睡了才睇），以身教和某程度的犠牲來換取成就，我們大家都覺值得！看看每個人的價值觀而定。

marcuscyrus

jandtfamily 發表於 12-8-30 18:29
睇個人嘅，每位小朋友嘅情況都不一樣。以自己小朋友為例，五歲學琴，不久就再吹長笛，後來機緣下在七歲接觸 ...

我兒3歲幾percussion，4歲半piano，5歲多dd 小提琴暫時仍ok，亦冇咩目標可言，大d未知，如真係應付唔黎，都唯有要忍痛cut
同樣，人人以為佢好辛苦，其實佢一日唔彈過下野就唔安樂，相反細佬只學percussion，叫佢練都要呃呃tum tum xddddd，同一條腸出，喜好都可以咁唔一樣

jandtfamily

之前曾想過忍痛cut一樣，佢好唔捨得所從堅持到現在，剛剛考完五級Cello，真冇想過要放棄，覺得放棄咗會好可惜，日後一定後悔！

marcuscyrus

jandtfamily 發表於 12-8-30 18:52
之前曾想過忍痛cut一樣，佢好唔捨得所從堅持到現在，剛剛考完五級Cello，真冇想過要放棄，覺得放棄咗會好可 ...

佢話佢寧願唔游水，都一定唔會cut音樂

sumyau1012

多謝你們的分享^_^
小提琴會唔會好容易拉壞身體的形態，及係咪通常下巴都會起jum呀？
我見我女女拉小提琴的形態唔好，彎腰，肚突起，背又彎，提佢改，佢好快又變返