2012-2013 小一家長

suiming

Hi,小女今年入讀民小，因為不是從民幼升上，所以想認識大家，有時間交流一下。

suiming

阿囡話第一日返學好好玩。有没有P1F 的家長上BK?

Amy47

我女都係外校升民小一。唔知會唔會跟唔上

sandraliuso

Hi! suiming & Amy47您地好, 我囡囡都是外來生, 希望大家多多交流呀!
我聽完簡介會後, 覺得學校不是太催谷, 希望囡囡讀得開心吧!

suiming

Hi Amy & Sandra, 很高興認識你。阿囡有點擔心，返了兩日學，仍未認識到同學，說不出一個同學的名，她說還沒有時間一齊玩，佢緊張到瞓唔著，諗住點樣跟同學開口說話。唯有叫佢主動d, 學習識認新環境。
佢又驚自己唔夠瞓，唔留心上堂。
希望學校剛開學，唔會比他們太多功課默書，輕鬆一點就好。

sandraliuso

不要太擔心吧! 比多些時間適應新環境，我亞囡都唔記得Ｄ同學叫咩名。昨日放學等校車好耐，兩點鐘先到家，希望今日順利Ｄ!

Amy47

Hi, 我女昨天出了小意外，今天又有小小情緒，佢話上堂時喊喎唔知幾時先可以習慣呢

suiming

尋日听阿囡話喺放學等車時，突然落雨，佢哋走散到幼稚園班房避雨，情況混亂，佢都自己蒙查查走來走去，揾咗架車好耐。
我覺得學校的保安措施比較嚴謹，家長唔可以上課前或午飯入班房睇下仔女，又少機會見到老師了解下上堂的情况。或者咁樣仔女要多獨立，學習自己解決困難。我諗間中都要去下接放學睇睇！

sandraliuso

回復 Amy47 的帖子

小朋友未適應，可能不知所措，鼓勵佢同其他同學傾計，互相扶持。我成日叫亞囡認識多D同學仔，有多D照應。

sandraliuso

回復 suiming 的帖子

原來如此...不過遲校車的情況維持到今日...
我都好想知道亞囡上堂的情況，只是面試時到過課室一次，希望嚟緊家長日可以參觀一下。

suiming

課外活動報名開始咗啦！

Amy47

亞女今日病了沒有上學去, 不過學校好認真, 班主任打來叫我要安排取功課. 好似有Dictation要溫...10月尾就要測驗喇. 加油啦爸爸媽媽們

sandraliuso

Good Morning! 默書範圍已出了，我覺得偏多，吾知老師會否同佢地預默呢? 你地會幫小朋支選哪些課外活動呀?

narnarnar

Hi, 各位民生小一的媽媽, 我有2位小朋友, 細的在民小就讀六年級, 我可以在這裏和大家交流一下!

renielo

回復 narnarnar 的帖子

Hi narnarnar,

Pls check pm

carsonethan

hi narnarnar,
請問你知唔知民中入大學的百分比高嗎?

narnarnar

聽中學校長講今年4X%

suiming

回復 narnarnar 的帖子

多謝你narnarnar. 想知妳兩個小朋友，讀得開心嗎？妳最欣賞民生那方面？
小學一年有幾次家長日可見班主任？除了家長日外，還有没有活動家長和學生一齊參與？

謝謝！！:loveliness:

suiming

回復 sandraliuso 的帖子

阿囡暫報了合唱團，中國舞 同 敲撃樂。想趁佢喺小一時候 ，仲有時間玩多d. 但上了一星期堂，我覺得功課都幾多，佢又唔自動自覺做，希望佢應付得到。

narnarnar

回復 suiming 的帖子

Hi suiming,

我兩個小朋友唔使測驗考試時就幾開心, 一到測驗考試果個月就好辛苦下(尤其是4-6年級), 大仔比較內向, 細女比較活躍, 好明顯女兒的發展比哥哥好, 我喜民生校風好, 家長都是緊張小朋友的, 沒有不理小朋友的家長, 考試時, 番工的家長會特登請假同佢地温書, 我都會, 所以個個學生都好叻, 學校可讓家長參與的, 有家長義工 (湊小朋友去旅行, 去户外學習, 教興趣班等), 開學會有飯AUNTIE, 是家長義工做的, 不過家長義工只是一二三年級有, 小四開紿就沒有, 要做就一年級開始做, 好快便會識到其他家長, 她們之後便會成為你的戰友, 考試一齊緊張, 放假一齊快樂, 我的親密戰友從幼稚園開始互相幫助和扶持, 直至現在上埋民生中學, 學生可以在民生這個大家庭中成長, 家長亦會在這裏有一段很珍貴的友誼, 好難得。還有, 民生的家長很喜歡互相幫助的。

民生每年有一次家長日, 老師講下小朋友在校的情況, 和派發成績表, 今年應該是在13年1月12日.