小一面試的後感

dindin123

我同你一樣報左十二間私，直資，and 派左十間表去官津吅間，得五間通知有得in, 但兩三間又撞左時間，最後一間津校收，二間私校及一直資offer
我只係想大家留意嘅係唔係要報幾多間，又幾多offer ，因為我無樓住甘順利，十二月前零offer，六月派位，派到唔知乜學校，六月尾先有一間二線津校，不過幸運之神call 我，七月頭，一間一線私校叫我去見主任，我立刻叫爸爸明天放假，我一路in，一路想喊，好彩兩日後即收，當我以為完結嘅時候，8月2日又再收call ，不過，今次我選擇自己心儀個間，我重記得當日我去到學校註冊，我入到學校門口，已經喊哂。上星期我又再次踏入校門，聽到校長的一番話，又流淚了
我只係想講，各位媽媽，呢個係一個持久戰，其實小朋友要in甘多間，承受嘅壓力好大，相信自己小朋友嘅能力，無論結果係點，放開d

DENNISSON_NG

其實你有二間私校及一直資offer已經好好彩, 抽獎其實唔洗驚?

dindin123

我係過左抽獎先有offer

lumcmk

Thanks for sharing, 真係好險 !
Wish yr kid has a happy school life !

飛機師

回復 lcys 的帖子

多謝分享!

carolmum

多謝你的分享啊!!!這是活生生的事!!!!!!!

HaYi

我覺得無論報幾多間(數量)都不是問題, 最重要是要有合理的分佈, 例如報10間, 心目中要排定：　
A group　　2-3間是dream school 但低過20%會收,
C group 　1-2間是back up 為主 (超過80%機會會收)
B group 　其它的是合理(有60%-70%希望入),
當撞期, 是視乎當時 B 有冇offer, 才考慮到底去A / Ｃ

當然是否要因去抽而只選私校是個人最要先決的問題,
因私校數量一定冇直資多, 但直資一早收要放棄大抽獎, 或是不接受offer 去抽？　又不是個個願意.　所以家長在此點的想法是非常關鍵.


此遊戲最難的地方是情緒控制. 家長小朋友一但收到一些差的, 意料之外的result 後如何調節心態去應付備戰下一回才是最重要, 特別是周圍的親朋如都有同年的小朋友參加此遊戲, 自己不說, 人家都問小朋友表現如何, 如此的壓力真是非常大. 家長小朋友應早做心理的準備.  我識好多家長是為了穩定小朋友情緒, 每次選擇不告訴小朋友結果, 此是因人而異, 我覺得自我要求高的小朋友如此都OK, 可以避免他們因失望而排斥去下一間, 但我自己採取全透明的, 因為我相信自己的小朋友需要學習去接受不同的結果及接受自己的不足去改善.   

huisylvia

好多謝你分享同鼓勵,
我都以為自己有晒心理準備面對reject,等待,
點知都係不由自主地感到壓力,發夢都做interview

雖然個遊戲剛開始,但原來真係無"應該",
學校點揀學生,準則,我都真係唔知,
加埋競爭人數太多,對手真係各有所長,
只好做好自己,果句"盡力而為"
大家都加油!!!

HaYi

只好從每個失敗中調節，始終50%是運氣

masterunion

我無同丫仔報好多... 幾間ONLY..因為我主力係搵啱佢既小學, 唔係搵地方上岸.  何況如果好彩幾個OFFER 係手都要只可要一個咋, 寧願集中火力好D... 始終佢仲細唔想佢太大壓力呢

evasoeeyy

dindin123 發表於 12-8-28 21:08
我同你一樣報左十二間私，直資，and 派左十間表去官津吅間，得五間通知有得in, 但兩三間又撞左時間，最後一 ...

到了6,7,8月有好多位出來, 我朋友在6月扣門, 8月都收到一線私女校CALL, 之后收左, 之前係未有著落的. 擔心左大半年

evasoeeyy

ha8mo 發表於 12-8-29 12:35
其實做二線直資/私校都幾慘
搞咁鬼多野之後
但其實好多細路都唔係有心讀

係呀, 我自己索性無入表陳記, 有5700人入表, 我個仔超細仔, 年尾個幾日黎架, 所以我等到明年六月第二輪入表, 或扣門, 依家阿仔心態未READY, 反正年年都有好多人扣到門, 扣門時, 有好多學校(津校都係)考筆試, 會比較有信心D, 我個仔係慢版型, 但有點智慧, (說笑, 只係做PAPER 有信心TRAIN 下, 其他性格上不是話改就改)

mandy304

睇完一遍又一遍, 好感人, 一班有血有淚的家長讀白.  本人真是覺得非常感恩. 那時自己矇查查, 只報了兩間直資. 但竟然兩間都係同一日, 同一個上午in.  那時只好放棄其中一間. 最後就是這間心儀收了小孩, 真係好感恩, 自覺好幸運, 希望幸運之神會繼續伴隨大家左右.

oldmongtung

唔好意思, 我想問係邊間-->"老師考她在圖畫找不同及要她畫圖說故事的情況".  可不可pm我.  謝謝

ANChan59

可能這幾年競爭越推越早，回想十二年前，只報家中鄰近一間直資，一間津小。入到津小下午校，已經好開心。

ii323

lcys 發表於 12-8-28 18:35
各位爸媽，誠心祝福你們的小朋友可以入讀心儀的學校。這段曰子，最辛苦的就是爸媽，其實爸媽都要不斷調整自 ...

lcys,  可否分享是那間小學呀?
好想知...

giben1231

請問。。其實直資同私校係咪過晒大抽獎都一樣可以再申請

evasoeeyy

根據以往, 民生係過了大抽獎之後申請, TSL 係有第二輪APPLY 係六月份, 部份直/私有得扣門, 但唔知多唔多位, 要博一博, 但有朋友經驗博到GOODHOPE