分享小一面試的技巧和陷阱 (完結篇 + 七巧板技巧)

ngmyan

Thank you!!!

BBcarrie

好多謝樓主既分享,
我自己既個人感覺,
如果要train到小朋友能夠識晒上述既面試難題,
相信小朋友既童年回憶只係不停操, 不停練,
相信都冇咩玩樂時間, 童年愉唔愉快, 只有小朋友先知,
雖然我都好希望阿仔可以入到以上有提及的小學,
我亦都打算會報6間小學,
但我真係唔會先教佢小學既知識嚟應付小學既面試 (講出嚟一d都唔合理囉~)
所以都係平常心啦,
睇完呢個post反而壓力少咗,
因為唔識係好正常, 入唔到都合情合理!

BabyAndre

看來樓主帶女兒面試的全是名校，我自知兒子不適合讀，所以不會target這些學校，無謂自招壓力。但樓主的分享確實給了很多家長心理準備 。

Pekkle_bon

多謝樓主分享。最叻係你小朋友，境然可以講返出來！

carchu12

實在太多人選學校啦﹗有時又好難怪學校會咁，因為佢地位就得1xx個，申請人就可以係20-40倍，d老師又點去選呀﹗識答就即收，唔識既就層次地漸降要求。唉﹗無法，真係唔明現在香港既教育點解要攪成咁。

Parisienne

回復 BB成長期 的帖子

你囝囝本身對數學有興趣當然係愉快學習，可喜可賀。但如果家長本住'為面試而狂train '的心態就唔係太好囉。

bb86

Thanks for sharing

TYYC

Parisienne 發表於 12-8-28 10:24
回復 TYYC 的帖子

多謝分享。但睇完試題後，如果要train到個囝識答晒先叫叻，我會覺得自己好變態。雖然我 ...

各位家長不用客氣, 都是花一點時間打字罷了. 若然有家長有點得著, 都不失為一件美事.

幸好已經上岸了, 幾年之後, 莫說是唐詩, 千字文, 班細路可以要懂得心口碎大石, 吞火劍和跳火圈添, 講笑者...

"走火入魔" 這四個字就是在我腦海剛剛浮現來形容現時香港這個教育制度. 家長千方百計爭入名校, 一條龍學校. 就算二線的地區學校, 只要換上直資這個招牌, 搖身一變, 就變成幾千人搶百多個學位的"名校", 大把學生任揀唔嬲.

其實這足以証明, 香港家長對派位制度和官津學校的僵化教學方法的一種否定.  

healthybaby

我都無諗過要操子女！但大那個讀緊直資，細那個都未必入，想佢地讀埋一間,就一定唔可以咩都唔做
五年前入直資邊會咁難呀！

TYYC

Pekkle_bon 發表於 12-8-28 16:17
多謝樓主分享。最叻係你小朋友，境然可以講返出來！

去年在這個討論區, 有很多小朋友都能夠精確地複述面試內容, 並非什麼特異功能.

反而我是用了利誘的方式, 要求女兒每次面試都要全力以赴, 方法如下:-

1. 各校面試之前, 帶她到玩具反斗城讓她選購心愛玩具, 每次面試都會有一份, 價錢在HK$300 以下, 我們亦都不會干預她的選擇. (家長不干預是最困難的, 因為她們想買的, 我們都覺得是傻的), 而且還要一早訂明, 那一份是配那一間學校的.

2. 跟她協定, 只要面試全力以赴, 做到最好, 把所見的, 無論是問題, 答案, 老師所講的每句話, 都記下來跟我們"匯報", 就可以得到之指定的玩具.

3. 每次面試都開心去, 十分開心走出來, 在往反斗城的車程上, 向我們如數家珍般"匯報".

4. 結果是全數買了數千元玩具, 亦同時得到了不能再抱怨的成績.

atirw

未走到最後一刻亦不知道誰勝誰負，看遠些，到佢地大個，出來做野，有所作為，生活快樂，正正當當，我們才放下心頭，現在種什麼？將來會有什麼收獲。最在得與失不要緊，大家繼續努力！

picture

原帖由 hellojenny 於 12-08-27 發表
考一個5歲的孩子, 真的太深了吧...........!!??

「O」哂嘴
Thanks for sharing

hoihoima

回復 TYYC 的帖子

Why need to buy your kid 數千元玩具 just for the P1 interview?  Do you plan to let your girl choose a gift for every quiz, test and exam in the future?  Will she still try her best in the future if she does not get such presents?

MGTM

Although I do not think my daughter will do well with these tough questions, I really appreciate your effort and sharing.

Many thanks!

zooooman

I totally agree with u!

kathyeddie

其實係咪只係測試小朋友的反應, 唔 expect 佢地識答?

可能我大鄉里, 一個5歲小朋友真的可以正確回答以上問題?

我個女今年都要去小學 interview, 開頭都有d擔心, 而家不用了, 因為我個女一定唔識答呢d問題

TYYC

hoihoima 發表於 12-8-28 22:12
回復 TYYC 的帖子

Why need to buy your kid 數千元玩具 just for the P1 interview?  Do you plan to let ...

在我而言, 小一面試跟平日的功課測驗, 無論重要性和持續性都是完全兩件不同的事, 不明白為何HOIHOIMAMA 會混為一談. 況且, 如果我平時都經常利誘小朋友來爭取佳續, 這一招根本就已發揮不到效用.

其實激勵小朋友這個題目, 有很多教育學者都十分反對以物質利誘, 但我只能認同一半. 打個比方, 我們需要水來維持生命, 但有一天因為某些原因, 我整天都只喝汽水, 但這樣並不能推論成我未來會以汽水代水來維持生命.

好像有點離題, 我利誘小朋友的目的和方法很簡單,

1.帶出小一面試是一件非常重要的事, 不論在家長或小朋友層面上. (目標一致)

2.在小朋友而言, 所見的每一間學校都沒有優先次序之分. (一律要全力以赴, 並不存在去DGJS 就認真點, 去其他的就可以鬆懈, 所以每一間都有獎勵)

3.面試時, 並不需要她超越自己的極限, 只要臨場正常發揮, 留心專心, 不被其他考生干擾.

4.激勵的獎品是沖擊性(IMPULSIVE)的, 因為她容易和經常得到的, 發揮不了效用. 我們就用了她自己選購玩具. 因為有些玩具(例如 BARBIE 公仔), 之前在我家好像是違禁品的.

5.獎勵是即時和跟面試結果無關的, 我覺得這點非常重要. 面試完結後, 小朋友要做的都做完, 如果獎勵是跟有沒有2ND IN 和有沒有取錄掛鈎, 一個月後才知結果, 小朋友團火都熄哂啦.

至於獎勵的形式, 真的是各家長自行定奪, 可以是一起在家裡作蛋糕, 或是去一次迪士尼, 又或是去看一齣3D動畫, 總之都是這句, 對於一個5歲小朋友來說, 獎勵要即時.

關於銀碼方面, 我覺得沒有討論價值, 因為每個人對金錢看法和每個家庭財政狀況都不同. 不過由去年八月到十二月期間, 總共十多場的大小面試, 小女都能夠保持戰意, 情緒還有少少高漲. 我覺得小朋友是期待和能夠笑著出入試場, 其實已經贏了一半. 所以那數千元是物超所值, 雖然有些玩具到了現在, 還是篤眼篤鼻.

tokwawan

見樓主分享得咁開心, 我都憶起小兒考深水埗某直資男校...話說去到第2round, 幾個小朋友一組去見校長(還有副校長同主任在房內)....據小兒所講, 一入到去, 校長就好casual叫大家坐低, 咁小朋友好自然拉開張椅坐下.... 經過一輪問答後....該校長竟問了一個問題(戲肉所在)...據說她比較like記憶力好的小朋友...

她問: 小朋友, 你們記唔記得你地坐緊果張椅上面(即"pat pat"坐住)係印住咩圖案? 當然, 梗係唔比佢地起身望啦....

死得未, 你大人去見工, 我諗果老闆都會唔會問你呢樣野去睇你細唔細心, 同埋, 我諗自己都唔會預老闆會咁問...

(我只係分享, 不喜勿插..及利益申報, 小兒入了final interview, 但我們冇去到見)

TYYC

atirw 發表於 12-8-28 19:09
未走到最後一刻亦不知道誰勝誰負，看遠些，到佢地大個，出來做野，有所作為，生活快樂，正正當當，我們才放 ...

同意, 真是還有漫漫長路.
正所謂, 養兒一百歲,長憂九十九.

大家繼續努力!