請自重，確保小朋友有一個公平既interview

lutang

呢個問題真係好難一概而論，大家都有自己既觀點，作為家長既，大家都會緊張小朋友既表現，覺得蝕底咗，個心當然不忿，認為不公平！攞到着數既，又會覺得小朋友一定掂，其實最後係點真係冇人知！
可能考小學既家長比較緊張啦，我見幼稚園既家長都經常上嚟分享考試內容，問題又唔會太大！但我覺得，如果你既小朋友真係叻既，佢根本唔怕同人比較，或者佢都會答啱晒呢？最後都會得到佢應得既結果．
我成日覺得，能夠憑自己實力去取得成功既人最值得人尊重，所以人地走唔走捷徑我都唔會理，我都係人家長，但做好自己就夠，呢個世界永遠唔會有公平架！係你既最終都係你既！你可以換個角度諗，如果自己既小朋友考唔到，可能佢真係未有呢個實力呢，而憑捷徑考到既，到最後可能都追唔上讀唔嚟呢！平常心吧！

lutang

回復 Parisienne 的帖子

其實有人問有人又肯答，呢個係冇問題既問題，我之前都講過，係因為大家都太緊張自己個小朋友喇，所以先會咁激動．我睇完你呢個公車比喻，我只可以講，呢個世界執輸行頭慘過敗家，因為幾次上唔到車而令自己都變成佢地一樣，當然咁樣係冇錯，所謂適者生存，要改變呢個做法，係要由細教起，甚至係整個社會既教育先可以做到．
好似樓主所言，唔希望大家咁早講個答案，係基於尊重別人，但係尊重呢種行為亦需要長期教育，依家喺度討論根本唔會有答案，而且亦無得分對與錯，因為社會既改變，令大家既睇法唔同咗，價值觀亦有不同，有人會覺得係自由分享，係言論自由，亦有人覺得係唔公平，係歪理，講到尾，係香港成個教育既問題，如果唔係咁大競爭，大家亦唔會咁緊張，但我地可以做既就只有平常心吧！