用戶登入
用戶名稱:
密      碼:
搜索
教育王國 討論區 小學雜談 請指教:上門私人補習/參加補習社/咩都唔駛做??? ...
查看: 2044|回覆: 27
go

請指教:上門私人補習/參加補習社/咩都唔駛做???

Rank: 3Rank: 3


142
發表於 12-8-22 17:18 |顯示全部帖子
Background:小兒升小二,爹地媽咪都係在職,平日工人姐姐看顧,學校功課量不多

問題:小一成績麻麻,全級bottom 20%,佢唔係蠢,我覺得學校教ge野佢係識,但唔夠時間去鞏固學過ge野,所以好快就唔記得,唔夠時間ge原因係(1)做野慢;(2)自律能力弱;(3)心散,做事唔夠專注;(4)學習動力較弱!基於以上原因,再加上我地要番工,無人督促佢做功課,所以由佢放學到我放工o個段時間都無好好坐低做功課,hea下玩下無聊下,結果係每日浪費左好多時間,唔知做左咩!成日都係我放工先開始做功課,每次我一入門口,一係直刻走鬼衝入房做功課,一係就c狗咁攬著我同我講出種種理由點解未做晒功課!

過去一年,坦白講,一放工(7點前)我即刻飛奔番屋企跟佢d功課,為左squeeze多d時間同佢跟功課,有時甚至連晚飯都skip埋,但每晚ge時間全部都只可以足夠完成功課,無時間可以review下番學教過ge野,佢亦無時間做其他野,例如睇課外書,日復一日,然後到每逢測驗同考試,我要連請幾日假同佢溫書,但一年過去,成績都係麻麻,我好唔開心,因為唔知再可以做d乜,大前提係我唔會quit左份工,因為我覺得我唔可以一世陪太子讀書,要佢養成自學態度先幫到佢!但我用過好多方法,獎又好,罰又好,都推動唔到佢自動自覺,真係好沮喪!

暑假期間,我keep著俾一d"功課"佢做,亦用紙仔寫好一個個item,叫佢做完就tick低佢,做晒有獎勵,目的係為左俾佢養成自動自覺ge態度,但成個暑假,可能10次先得一兩次真係做晒!

但係二年級又就黎殺到,我內心其實都好驚,驚又係重蹈覆轍,我覺得再跟番小一時ge模式,係唔會有好大ge improvement. 所以,我想請教大家,為左善用時間,我係咪應該o係佢放學後,安排補習(或者叫功課輔導)俾佢,等有人督促下,可以快快做完功課,等我放工後,可以同佢溫下書,鞏固下佢學過ge野,或者睇下課外書或者玩下?

如果我ge情況,應該搵一個私人上門好,還是去補習班?定還是用其他更有效ge方法(但我唔知咩方法)?我傾向私人上門,可以省卻接送時間同要搵人接送ge麻煩,但私人又唔知好唔好?

可否提供意見指教下,萬分感謝!

p.s. 佢o係屋企,無我批准係唔可以睇電視,更唔可以打機玩電話或電腦等,所以佢hea ge時間,其實真係做埋d"我認為"無聊ge野,例如拿張紙畫下畫,同細佬玩下玩具,其實依d我唔反對佢做,但priority唔應該放o係做功課前面,但佢似乎思想仍很baby,唔識得延遲自己ge欲望,先做完功課再做自己想做ge傻豬野!

Rank: 3Rank: 3


180
發表於 12-8-22 17:32 |顯示全部帖子
回復 蒜蓉 的帖子

我自己本身今年個仔開始讀小一,因為都係兩公婆都要返工,
所以放學後安排佢去補習社做晒功課之後溫習,
如果有時間補習社就會比小小功課佢做
我就放工接佢返屋企食飯同佢溫習一下就比佢玩!!!


Rank: 3Rank: 3


344
發表於 12-8-22 17:39 |顯示全部帖子
本帖最後由 maybo224 於 12-8-22 17:57 編輯

可試試讓小朋友到家附近的補習社做功課,放工後接他回家。可以自己幫他溫習課本。如遇特別差的科目,可以一星期找二至三天私人上門補習。( 但重點是小朋友一定要在補習社內完成功課。)
abc

Rank: 5Rank: 5


3588
發表於 12-8-23 00:21 |顯示全部帖子
回復 蒜蓉 的帖子

其實工人姐姐可唔可以督到佢做功課?  只是督, 不是教呢.
我都是下放權力給工人姐姐督佢哋做功課  (即是說見佢未做完功課只顧玩時, 就督佢哋去做, 做完先可以玩), 他們不聽話工人姐姐可以致電我, 讓我在電話中同佢哋講; 另外, 日中定時致電回家跟進進度, 未有批准, 不得開電視/電腦/遊戲機.  我都係放工立刻回家, 7時半開飯, 8時開始同佢哋睇功課, 温默書, 10時正熄燈上床, 自小學都而家大仔初中, 這形式都work喎.

Rank: 5Rank: 5


3588
發表於 12-8-23 00:53 |顯示全部帖子
本帖最後由 Meikin 於 12-8-23 00:54 編輯

不過話時話, 訓練小朋友自律做功課是要take time的, 我都自幼稚園堅持咗多年, 到小六才漸見成效, 期間都經歷過無數次未做完功課, 功課做得不好, 甚至要刷晒重做, 我鬧人鬧到聲沙的日子.  教佢哋真係要守, 要有無比的耐性和愛心.

但如果家長試過真係攪唔掂, 外判給補習社或私人補習都不失為一個好方法.

畢竟每個孩子和其家庭狀況都不同, 所以每個方法都要親身試下先知work唔work.

點評

JJDBB  岩!  發表於 12-8-23 09:53
ssky125  非常認同  發表於 12-8-23 03:48

Rank: 3Rank: 3


142
發表於 12-8-23 09:25 |顯示全部帖子
回復 Meikin 的帖子

Thanks!

工人姐姐其實都好忙, 又要照顧細佬,我都有叫佢幫手, 但好多時佢唔係咁清楚, 個仔做一輪,然後同佢講已做完功課,所以可以去玩,實情我回家時,好多都未做晒, 工人只可以"督"同"trust"佢講ge野,但做唔到"verify"!

Rank: 3Rank: 3


142
發表於 12-8-23 09:26 |顯示全部帖子
回復 Meikin 的帖子

小六? 你小朋友是否男仔?

Rank: 3Rank: 3


142
發表於 12-8-23 09:29 |顯示全部帖子
回復 mummy0910 的帖子

我都有諗過,但其實亞仔晨早番學,放學仲要去補習社,夜晚先可以番屋企,其實我覺得都幾慘, 所以我都有好大ge dilemma.

Rank: 5Rank: 5


3588
發表於 12-8-23 09:47 |顯示全部帖子
本帖最後由 Meikin 於 12-8-23 09:48 編輯

回復 蒜蓉 的帖子

Yes, 我兩個都係仔.  
我個工人姐姐當年都係要照顧兩個.  我在公司每天會定時致電給阿仔及工人chat吓順便check住進度, 晚上回家如發覺阿仔做得不好, 會好惡鬧佢哋 (但唔會鬧工人, 因為做功課是他們自己的責任), 試得多佢哋會慢慢改進, 起碼都要幾年時間架.

Rank: 5Rank: 5


3455
發表於 12-8-23 09:51 |顯示全部帖子
其實,大部份的在職家長,就是比小朋友放學去屋企附近的補習社,如果唔系,留在家,佢地的心態就是hea,佢地的時間觀念很弱。到你回到家,對功課、唔岩又要擦,擦完又做,你勞氣時佢又唔開心,繼續下去,就會影響感情。倒不如,每天去補習(做功課)兩小時,溫下默書、測驗各樣,而你地回來,吃飯傾計,睇下電視,或臨睡前睇下圖書(你陪下佢,增加睇書興趣。)放假就去玩,臨考試、測驗就溫習,這樣,你的壓力會冇咁大,平時又冇咁急(思想上),你唸下這建議好唔好!

Rank: 3Rank: 3


180
發表於 12-8-23 09:51 |顯示全部帖子
蒜蓉 發表於 12-8-23 09:29
回復 mummy0910 的帖子

我都有諗過,但其實亞仔晨早番學,放學仲要去補習社,夜晚先可以番屋企,其實我覺得都 ...

我都有諗過你既問題,但係佢留喺屋企又做唔晒功課,到最後我地放工返黎之後先再同佢做,
可能佢會仲辛苦,因為會比我地鬧加上又要好夜先可以溫書,咁佢自然又要夜d訓,第二日起身又係辛苦!!!
放佢去補習社起碼我只係同佢溫習唔駛點再煩佢功課問題,佢又可以食完飯同我地玩!!!

Rank: 3Rank: 3


142
發表於 12-8-23 09:56 |顯示全部帖子
JJDBB  & mummy0910,

你地兩位也真的說得很對,可能最後換來有quality ge親子時間會更好,我會好好諗下, 謝謝!

Rank: 5Rank: 5


3588
發表於 12-8-23 10:02 |顯示全部帖子
回復 蒜蓉 的帖子

當年我沒有找補習社主要原因也正是如此.

那時覺得慨然屋企有人照顧, 又有細佬相伴, 放學回家歇歇, 做功課又可以break吓輕鬆吓, 而家小學要返全日制, 孩子已經好辛苦, 若還要到補習社 (困在一個大房內)直落補習, 佢哋就真係連玩玩具的時間都冇.


5432
發表於 12-8-23 11:23 |顯示全部帖子
提示: 作者被禁止或刪除 內容自動屏蔽

Rank: 10Rank: 10Rank: 10


26595
發表於 12-8-23 11:52 |顯示全部帖子
回復 蒜蓉 的帖子

如果功課拖都太夜,明天唔夠精神!!專注力不夠!!成績一定不好!!當前要解決功課問題!!!放工後再幫佢溫習!!!比佢睇書!!!你也不用太辛苦!!!不過要小心選擇補習社!!!上門補可節省時間!!!

Rank: 3Rank: 3


142
發表於 12-8-23 12:03 |顯示全部帖子
回復 囝囝mama 的帖子

我都認同依個係惡性循環,要從個根源出手,先真正解決個問題,所以先諗緊搵人幫手跟功課,squeeze番多d時間做其他野!如果唔係日復日,好快又過一年! 我真係唔想咁樣!

點評

JJDBB  找一個好方法比自己!  發表於 12-8-23 14:18

Rank: 10Rank: 10Rank: 10


26595
發表於 12-8-23 14:45 |顯示全部帖子
回復 蒜蓉 的帖子

他是否細囝,理解力不足夠!!!因為我细囝也較差!!!(年尾出世)

Rank: 8Rank: 8


15263
發表於 12-8-23 16:26 |顯示全部帖子

回覆:請指教:上門私人補習/參加補習社/咩都唔駛做

去年小一開学前我就諗驚有甘情況,我仔性格好bb唔會自動自覺專注力亦弱。補習社1group 上對佢根本冇用只會浪費時間,最後我決定請私人上門督佢做功課。我放工返到已8点幾,9点開始check功課,肉酸果d要佢重做再溫習预備默書測驗甘就一晚。適應了一個学期到下学期有時補習老師唔來,我就叫佢識做果d要喺我返嚟之前做晒,然後打电話check下又叫工人姐姐睇住,依家暑假每日都會自動做練習。其實最緊要比小朋友明白到做功課係学生的責任,放学後先完成功課仲要唔好hea住做快d完成就有多d時間比佢去做佢想做的事例如玩……。



Rank: 3Rank: 3


142
發表於 12-8-23 16:42 |顯示全部帖子
回復 囝囝mama 的帖子

9月尾出世

Rank: 3Rank: 3


142
發表於 12-8-23 17:01 |顯示全部帖子
回復 kkhon 的帖子

"最緊要比小朋友明白到做功課係学生的責任" ----> 其實我成日都有同佢講,但可能佢都真係思想比較BB,唔係真正好明咩叫責任....

琴晚我再同佢坐低,好好傾依個問題,我問佢成日放學唔做功課(或hea住黎做),係咪因為d功課太深, 定係太悶, 定係有少少唔識kick住就無心機做, etc., 我ge焦點都放在d功課上面, 點知阿仔只係好簡單直接咁答我"因為我覺得玩好開心!", 佢完全係發自內心咁表達, 其實佢係唔識得延遲欲望,控制唔到自己,即係無自律!

我同佢講番上個星期日:你o係屋企睇Toy Story,係咪好開心,睇到唔想停?但突然你想去poopoo,於是佢即刻pause左個DVD,然後極速去poopoo,跟著再出黎睇電視,我問佢Toy Story咁好睇, 點解唔睇埋先poopoo,佢知道如果唔poopoo,就會瀨落褲仔度,所以要即刻去! 於是,我同佢講,做功課其實一樣,如果你有功課時唔即刻做,做到好夜,後果係(1)無得訓覺去完成,搞到自己好眼訓,無精神;(2)做唔晒欠交,第二日老師會責備同寫手冊, 所以我同佢講你唔想有唔好ge後果(e.g. 瀨poopoo, 欠功課), 你就要延遲自己當一刻ge欲望, 就好似pause左DVD一樣,專心快速地做完功課(如同poopoo),然後再玩...

我唔知佢聽完,係咪真係領悟到我講ge野,但我只可以盡力去同佢講,希望有一日佢會明!

點評

hayley1328  幾好的比如, 要記低到時教個囡, 謝謝分享  發表於 12-8-27 18:39
JJDBB  其實,你比我做得好好,會解釋,會比例子佢,不過這些說話,你要常常講,因為佢地這一刻知道,下一刻又唔記得,希望小朋友快些領會!  發表於 12-8-23 17:13