分享言障的路程~

loklok0104

我細仔係2010年11月係CAC做評估, 醫生當時同細仔做了一連串既體能/智力/語言測試. 佢認知及理解能力都OK, 較小眼神接觸, 不過覺得細仔都較怕羞, 所以要繼續留意社交發展. 但語言方面就遲緩, 大約係1-2歲之間(當時2歲9個月), 只有小量名詞，未有動詞，醫生話要再排期見語言治療師評估, 然後排期做治療, 不過都要排好耐時間, 可能約1年或以上. 見完CAC做評估, 醫生無同我講要排D咩位(s/e/i ), 只係話排醫院見言語治療師後再做語言治療. 我當時好擔心佢言語及社交, 因為佢脾氣好臭, 小小事大叫大喊, 眼神接觸不多.

醫生抖正我地平時同小朋友講野既毛病，由於小朋友係菲傭照顧，我地說句子有中又有英及說疊詞，咁係錯既，父母一定要同小朋友講全中文完整句子，不能夾雜英文，而工人就講番全英文，仲要多Ｄ互動既遊戲，亦唔需要迫小朋友跟我地講野, 之後我地唔理佢究竟聽唔聽得明, 全部同佢講大人話(完整句子).

細仔去到3歲時, 剛巧係新年, 我放左十天假湊佢同哥哥, 細仔開始有簡單短句, 當時我地全家非常開心, 果種開心可以叫人開心一整天, 性格亦變得越來越開朗, 成日都笑, 又主動同小朋友玩, 當時仲未排到TST.

到今年年頭終排到醫院TST, 上了2堂, 覺得小朋友無咩進展, 之後無再上, 剛巧學校有個自費言語治療班(3人一組, 以遊戲方式), 報左2期比佢參加, 反而睇到有進步效果.

細仔而家4歲, 9月升K2啦, 佢言語已有好大進步, 可以以完整句子對答, 而家仲會駁反你咀, 經常同你唱反調, 整日不繼講好多野, 唔知是否補番以前無講野, 雖然語言同本身年齡還差小小, 但我已非常滿足及感恩!

大家加油呀!

似是故人來

ONFI

回復 loklok0104 的帖子

THANKS FOR SHARING.

rocket

謝謝你的分享，亦很替你高興！
我的小朋友都有類似情況，說話少，眼神接觸少。宜家等緊CAC評估，我知要排好耐！ 我想問CAC有無找出delay 的原因？等候服務其間，他們會建議輔助治療嗎e.g. 針灸？ 我不知道是否值得花時間等CAC，還是自行找訓練，卻又怕不能對症下藥！很矛盾！
另外，想問所讀幼稚園是所指的s/e/I 位？還是私人的？可以pm我是哪間學校嗎？謝謝！

rocket

想借鏡一下，除了小組的言語治療，你有沒有其他在家的訓練可以推介？怎樣改善眼神接觸？

wilyun

我個仔歲半之前都係好少眼神接觸,我上網睇過,可以將佢平時有興趣的東西,如食物,佢每次要果陣,你就將件食物擺埋你咀邊,或你面旁,等佢望到你,初初可能佢只會望一下好快就轉眼,但久而久之,佢會望你耐D,同埋你可以試下將D野,如貼紙或LOTION之類貼或點落你塊面度,跟住佢就會又多左望你,而你又要回報返比佢係開心的眼光,咁樣又係會增加左佢望人的信心,我自己試過係WORK0既,而且我個仔現在係會主動左望人添!
另外仲有一樣,係同佢玩窗簾,佢每次HIDE係窗簾後面,佢一拎開塊窗簾又會同你有眼神接觸,呢樣活動又係唔錯架!
眼神接觸呢樣野要慢慢黎,迫唔到,佢係唔望你真係無佢辦法,多D試下在家居做下呢D訓練喇!真係有幫助架!!

wilyun

回復 rocket 的帖子

我係歲半要求健康院寫紙我排CAC,好好彩,我個仔23個月之前己經做左評估同見左姑娘,而且現在排緊I位,應該下年K1可以排到入讀!

其實如果你出去私家做評估,可以直接叫佢地寫紙你去社署搵社工幫你排I/E/S位,咁就唔使再等CAC同你做評估.

另外,如果你擔心,你可以同佢排埋兒童精神科,我十一月尾都有得見埋醫生,果度都會有條隊做言語治療,醫院姑娘講話果條隊會快好多,你可以試下排埋喇!

melonfans

wilyun 發表於 12-9-29 12:48
回復 rocket 的帖子

我係歲半要求健康院寫紙我排CAC,好好彩,我個仔23個月之前己經做左評估同見左姑娘,而且 ...

咁你小朋友講野正吾正呀? 我小朋友2歲8個月都未講到句子, 啱啱返咗一年pn,  依家係可以講到全句, 但係吾正!  新詞彙都係要逐個字同全句教!

好似(中秋節, 月餅)就真係逐個字教!

你有無教佢英文? 英文都係遂個字教點讀!