20/8通知派到S位..但(我放棄了)

methy

1516呀，因為諗住無S位，已經安排9月返普通幼兒園+E位。幼兒園又話阿仔暫託ok,認知無問題，係未行得穩，但又越來越進步，佢地照顧到，不過佢小肌都係差d,講野都慢但有句子，表達到自己基本需要。

so 1516中，唔想做錯決定，始終由1／2011開始排呢個S位。

HopeLJ

咁⋯你想s位幫到囝囝邊方面？幼兒+E位做唔做到你想的？

HopeLJ

應該有得參觀，睇咗先，同個間 s位老師和社工傾下阿仔情況，有什麼訓練比佢，再決定。  同好似有咗s 位就要放棄e 位，你現在 e位多唔多堂？導師好嗎？

methy

回復 HopeLJ 的帖子

其實上午幼兒園＋下午E位都做到既，，只係社工叫我唔好ｓｉｄｅ個S位．因為放棄容易．要排返就難。

新派既ｓ位．主任話就算我同阿仔既參觀（其實我自己參觀過）．佢地望一望都好難比到ｄ咩意見，阿仔適合定唔適合。

HopeLJ

咁你囝囝已有一定理解力同言語表達，只差體能的話，是不是學同普通小朋友一樣程度的嘢，加e位個別訓練多d家居練習，好似效果好d?  S位的個別未必有e位咁多，e位放咗一樣難求嫁。但如各方面都未追上，咁s位又適合d。最緊要幫你仔進步，唔好諗徙唔徙。十五十六唔肯定，試咗s位先，唔得未去返之前包容你的幼兒園，最多自己出錢私家訓練。

methy

參觀左,決定放棄個S位。

所派既S位,個案嚴重好多,幾條吊奶,好幾個未識企.好幾個未識吞嚥.人手雖然跟足.但因為個案要既照顧真係好多,我留意到叻既一班好似無咩人照顧，唔知係能力定咩,開小組.個個排排坐,無反應無互動,老師照顧唔到咁。

平時阿仔上pg &返普通幼兒園係跟到同齡(除左大肌).我都幾concern 佢地既認知&社交滿唔滿足到阿仔。我再同普通幼兒園老師傾,確認阿仔係跟到.佢地又有半個老師專責跟阿仔,係完全應付到。

其實真係有d錯配,阿仔暫託(第一志願) 既s位其實好適合佢,o個間s位既小朋友能力比較高，認知係叻到可以學主流課程，同阿仔有互動,阿仔返得好開心，又受物理治療師&職業治療師既訓練,可惜派唔到。

呢個s位都係留比更需要既,阿仔照原先安排.返普通幼兒園 +下午E位。多謝呢度媽媽既意見。

overcomer

各位仲排緊位的媽媽，請未排到前就去參觀。如果其他中心不合，可只排一間，以免派位後就冇得改中心

methy

回復 overcomer 的帖子

無錯...我地都好後悔...點解選兩間...不過個時參觀兩間都OK..當然我比得阿仔去其中一間暫託.就理所當然地想阿仔派O個一間,,不過又諗..只選一間....又有排等。

apple~y

回復 methy 的帖子

想問0下吊奶係咩意思??

methy

回復 apple~y 的帖子

有小朋友食唔到野(e.g.吞嚥困難 OR無吞嚥能力),要由鼻孔插條"喉"直落胃部(通常固定插住)

吊奶 =每日幾餐都要護士用奶壺連接條喉將營養奶送到入胃部。

chloe_karina

死啦！到我好驚！我個社工叫我選區，依家派果間都唔知乜情況

methy

回復 chloe_karina 的帖子

真係要參觀...o個叫我排,都係是旦排最近既,..之後參觀完改排位,但都出現"錯配"。

不過有時好難講.,1年8個月前排.1歲既阿仔坐又未得,食野又差.一舊飯咁，如果而家都係咁.我會接受所派既 s位。

不過佢進步左..要求唔同左.同樣s位..我都同主任傾,佢都唔明點解佢o個一間收既cases 相對"要高度照顧"d既小朋友，

我終於明白點解佢既排位表郁得咁慢.其中一個原因係d cases真係幾嚴重...好小case可以出返主流。

apple~y

多謝你解答呀
我仔仔都係番s位,分4個課室
其中有一個課室,主要係支身體唔靈活小朋友,
午飯時間老師,治療師都會幫手,入去餵飯

methy

回復 apple~y 的帖子

係呀.餵食時間就係一比一人手例..如果間中心多呢d cases..老師/治療師相對地辛苦。

apple~y

回復 chloe_karina 的帖子

又唔使0甘擔心s位,其實都係按小朋友能力分班

apple~y

回復 methy 的帖子

我諗仔仔間s位唔算多,都係一個課室

why-me

overcomer 發表於 12-8-23 14:32
各位仲排緊位的媽媽，請未排到前就去參觀。如果其他中心不合，可只排一間，以免派位後就冇得改中心 ...

冇錯, 只選一間最心儀都唔好勉強選三間, 當初我社工就係有提醒我.

why-me

methy 發表於 12-8-23 15:13
回復 chloe_karina 的帖子

真係要參觀...o個叫我排,都係是旦排最近既,..之後參觀完改排位,但都出現"錯配" ...

S位學校冇得選擇學生, 派到就一定要收, 所以每間都一定有個護士當值, 用以照顧有特殊須要小朋友, 好似吊奶/放尿...等等.

chloe_karina

其實我都明白讀得s位既都係有特別需要既小朋友，有輕有重，希望學校資源分配可以好d,個衰仔係屋企教乜都ok,但做assessment 時唔多合作，呢樣真係令我擔心佢高不成低不就，大肌超差，但認知只要教佢多幾次就學識，bb話都多左，古惑野就唔教都識。唉！我都唔知佢乜level