背來背去都背唔熟個乘數表，求救！

albb

花仔媽咪 發表於 12-8-16 21:54
你試下去書局買九因歌隻CD.當歌唱好快識背

龍之家族既九因歌，朋友介紹，好掂，唱歌咁唱，又有DvD睇，訓前聽CD，掂

杰杰媽媽

我仔個時係一路沖涼一路背，唔可以俾佢知道我刻意想佢背，如果唔係十年都背唔到，佢每日沖涼唱歌10mins ,一個月攪掂左。

每個小朋友都有條只係岩個個小朋友既key先開到既方法，我呢個方法得，唔=你個都岩用，仲知就係用晒所有方法去試到得為止，如果死守一種方法而又冇進展，只會浪癈緊小朋友時間

杰杰媽媽

我自己識字，不嬲都唔想小朋友去補習，教唔好只係自己用唔岩方法，我相信冇一個老師夠自己清楚自己小朋友既接受能力。      出面補習好多只係叫佢地係咁做做做，都唔係真係用心去諗方法／用返岩既方法令個小朋友接收到既。

maybo224

我個仔每日都會坐係洗手間差不多二十分鐘，我當時就是利用這個時間，在洗手間外面播九因歌，他就在裹面跟住唱，去完洗手間，就應他的"懇求"播二次九因歌VCD給他看，很快便背到啦！！想起都覺得攪笑。

karenlyk

見到大家咁勤力背X數表有啲慚愧,我諗住等到開學老師教.

睇嚟都要預備一下

eviepa

早兩三個月前在明報有一個訪問，一個媽媽說她發明了「乘數表冚綿胎」來教女兒。我覺得有點出奇，因為此方法是小弟幾年前的發明，在BK幾個sections都與家長分享過，相信有些相熟的網友仍有印象。不過，在明報中，沒有講述怎樣玩「乘數表冚綿胎」，現在我將幾年前的文章再發表一次，希望大家可以和小寶寶邊玩邊學乘數表：

==========================

二年級時要背乘數表，非常沉悶，但不能不背。如果想為背乘數表添上一點樂趣，亦想藉此增進親子關係的話，可以用我發明的乘數表綿胎。

相信大家都玩過綿胎遊戲，改良一下便可以讓小朋友練習乘數表了：

道具：Poker、打人的東西(如將報紙卷成棒狀)。

人數：二人或以上。

玩法：(eg
A & B & C, 三人，玩 7 的乘數表)
A 出牌，說 “7、1如7”
，如果出的牌不是 7 的話便繼續到 B出牌，說 “7、2 一十四” ，如果出的牌不是 4 的話便繼續到C出牌，說 “7、3二十一” ，如果出的牌不是 1 的話便繼續到 A 出牌，如此類推。但當叫的尾數跟出牌是一樣的話，大家便要鬥為快拍下，以後和普通綿胎玩法一樣。

我女兒當年對於這種遊戲樂此不疲，在不知不覺中學乘數表，大家可以試試。

k_lego

訓覺之前自己唸俾佢聽,
第2日再同佢背..
訓之前吸收得好d..

YanKanMom

囡囡當年是在返公文數時學識的, 主要是靠每日做數練回來, 不是刻意背誦. 後來到學校上課學乘數表時, 她說老師會要他們常背, 背不熟的同學要在小息時背, 最後全班同學也OK的.
囝囝九月升小二, 因他不喜操練及數感較弱, 沒有上公文數. 兩星期前開始要他背, 開始時由得他自己背"2乘1等如2....", 但爸爸說要用九因歌方式背, 即"2.1如2...", 因順耳的音調會幫助他記憶. 現在勉強算背了一遍, 但不太純熟. 暫時只希望他有個底便算, 不期望他完全記得及無誤.

SEricsson

如果常用的, 就算難, 都會學識.  我去買野時, 就會叫阿仔計數.  eg. 出前一丁, 一包$3, 買5包要幾錢.  其實加減乘除數, 根本同生活分不開, 計錯數就會少左錢, 你仲會唔會小心D計?

daisydt

用遊戲方式，I teach my son like this...

fionalau109

回復 旦仔 的帖子

而家有D記憶訓練學習班,話可以訓練小朋友既記憶力.但都幾貴下,得唔得我就唔知.因為我都無比個仔去上過.但我個仔由四歲開始就要佢學同默英文單詞.唔多一日一個咁學,但默書就煩D.張每日學過既字,每日從複默一次.之後我個仔漸漸就習慣咗.已經可以幫自己搵到方法記野..

瑩瑩老豆

旦仔 發表於 12-8-17 18:21
係咪補數就係咁？我已經轉過老師，兩個都係要求我努力幫小孩背，還淨三堂，我近來真係唔想再返。



  ...

其實不用太急, 乘數表小二才要背, 我囡當年也是開學后佢自己慢慢背, 印象中佢到完左上學期才勉強記晒, 抽問都有錯, 到完左小二下學期才熟晒, 不過起初我囡不是死記, 佢係用加數加上去的. 即 2x2 = 2+2 = 4, 2x3 = 4 + 2=6 ....

同埋你仔本身D 數如何?

rbaggio74

九因歌《乘數表》----讓孩子愉快地學習數學
http://www.edu-kingdom.com/forum.php?mod=viewthread&tid=2276404&fromuid=28785

一年前我寫的文章，希望對你有參考價值

ITETmom

我覺得又唔洗一定全部”硬背” 因唔係每個小朋友都”背得”, 我囡囡是其中一個。 今個暑假開始學乘數表, 在此分享小小經驗: 我不用她背 2 和 5 因為”數到” 小一已學了2個5個一數。 x9 是不用背的, 答案的十位+個位 =9 而十位是9x幾多 的幾多-1, 即9x4   4-1=3 是十位  3+6=9----答案是36   9x8--- 8-1=7 (十位) 7+2=9---8x9=72     x6又有trick  6x雙數 (如2,4,6,8)  6xn = ?n  而 ? 是 n的一半:  6x8 = 乜野8   跟著8 的一半是4 (相信好多小朋友已知1+1=2, 2+2=4. 3+3=6, 4+4=8所以也不算是除數), 答案是48   6x單數則自己在雙數trick+/- 6。 這樣就已經識左乘數表的一半 (x2 x5 x6 x9) 加上 3x9 = 9x3 所以又識多1/4 剩下的1/4就要”硬背”了, 但她知道無端端識左3/4個乘數表, 感覺也輕鬆DD, 自信心高DD, 雖然初初計會慢DD, 但總算答得到, 無咁驚 練習多就會快而準! 希望幫到D背書唔太叻的小朋友 (和媽媽)。  

hello_mimi

我女升P2都有take數研, 係this summer背哂乘數表, 但阿Sir都係話佢抽問5得, 最好要連抽問都立即答到係最好, 但都5算比壓力.....數研阿Sir每堂都有講番有咩好有咩5好同要留意既野比我知, 我覺得幾好呀, 佢睇到阿女邊到5得(其實我跟功課時已知), 即係話佢都有用心教阿女, 所以我覺得5錯......

Anloo

唔洗咁緊張，放鬆啲，我女今年升中四，數學拿B，但佢到現在還未識背哂個乘數表喎！

longlokma

我建議比小朋友於幼稚園階段便學習公文數，我小朋友未上小一已背熟了乘數表，因公文老師會要求學生順背同倒背乘數表，及每堂抽問，小朋友自然做到！
我見到有些小二學生可能太遲學，計算乘數家課時還要數手指，那就影響了學習進度和成績了

kittylam

旦仔 發表於 12-8-16 19:10
升小二，全日一有時間就背，但全日只係7x2至7x5，都背不到。自己不停念7.5.35是可以，我一抽問7x4, 再問回7 ...

其實只要會加法，乘數表根本不需要背，用計就得。好似 7X2 =7+7 ， 7X3=7+7+7，7X4=7+7+7+7，忘記答案用心算都可以很快算出來，前提小朋友加數基礎要好。

qop

或者試下用層層叠，效果都唔錯。

ANNAFRIEND

旦仔 發表於 12-8-16 23:30
老師要求，快，準。一抽唔識或答得慢，要求我好好督促。我和她真的已經盡了力



  ...

我女女暑假都在數研學暑期班, 又係小二須要背乘數表. 但我又唔覺有壓力喎. 正式背都係在暑假, 老師都知我小朋友剛背乘數表, 只懂2和5. 放學都只同我講佢乘數表唔太熟.(佢熟的意思都係一講就講得出果隻.)叫我多點同佢用遊戲方式進行, 唔見意太大壓力喎.  我反而覺得幾有用, 乘除都教左. 起碼有個概念喎.

不過話時話, 我都以為背乘數表好易(以我的角度), 我開始教佢地係用概念教, 叫佢地自己背上去. 不過呢個方法就比用表背慢. 不過佢就好清楚自己背邊個乘數表就每次加幾多上去. 同埋乘數其實係連加法. 所以做到文字題時佢睇得出題目係連加法時就知道係乘數. 所以教概念真係好重要.