用戶登入
用戶名稱:
密      碼:
搜索
教育王國 討論區 自閉寶寶 為上主流K2作準備...
查看: 1476|回覆: 24
go

為上主流K2作準備...

Rank: 4


554
發表於 12-8-15 10:50 |顯示全部帖子
小兒現在4歲3個月,
上年讀了一年S位,
下個月預備上主流K2了!
之前主流K 安排了三堂ORIENTATION 給新生,
我仔只是勉強跟到.....!!!
(即係要我係則邊不停提佢坐好, 望住老師, 手擺後面等等)
對於佢上主流, 呢幾個月我都極度擔心....
真係好驚佢跟唔上!
幾個月前我不停同佢操小肌認知語言
如 "寫線條, 扣鈕, 剪紙, 認知, 講故事" 等等,
最近佢多左野講, 亦會留心我講野的內容!
之前因為擔心佢跟唔上, 所以報了很多私人訓練,
現在STEP 有位了, 是星期六上的3T, 要8百幾9百蚊一堂!
上網SEARCH 過下發現呢間好commercial,
我諗緊是否要再為個仔加強3T, 定係自己train佢呢,
我應該由邊方面著手幫個仔適應主流k2?
大家可否比d 意見我?thx thx!!




Rank: 5Rank: 5


4461
發表於 12-8-15 11:07 |顯示全部帖子
K2課程相比S位是緊湊些, 因為大部份也須要有認知,表達,理解,社交,言語,認字各樣缺一不可

就小兒回主流的經驗, 專注是一個大問題, (因為發生專注力不足是有多方面原因, 有人是聽不明, 有人是個腦聽唔入, 有人是太活潑, 長期處於興奮時期), 所以, 先要搵出原因, 再報一些合適訓練.

不要太大壓力, 平常心去面對, 多些同老師溝通, 好怏就搵到解決辨法

Rank: 4


554
發表於 12-8-15 11:21 |顯示全部帖子
對於K2 的課程我都知是會深好多,
我仔認字, 數數, 對比概念都OK,
只是表達, 社交仲係好唔掂!!!
專注都麻麻地, 主因可能係唔明白內容, 或對內容無興趣!!
其實坊間好多訓練都包含了專注的元素,
就算簡單如家居訓練都需要佢專注!!
主流I 位老師觀察我仔orientation 的表現就話我仔其實OK (不知是否安慰我),
仲話今年6個 i 位小朋友, 有5個係K2,
所以 I 位老師都會入K2 呢一班!! 希望老師食得住我仔!

Rank: 5Rank: 5


1193
發表於 12-8-15 11:49 |顯示全部帖子
SHRILEY, 我明白你心情啊,就像我送我仔去跳舞好担心佢跟唔到大隊一樣,何況係讀書。請問你兒是否讀了一年S位再直升K2? 在一年S位他的表現如何?坐得定?專注嗎?

Rank: 4


554
發表於 12-8-15 11:58 |顯示全部帖子
我仔上年3歲3個月入了S 位,
當時的他語言只有名詞, 或極其量的3/4字短句如我要XX,
坐唔定, 偏食, 勁固執, 情緒都麻麻, 但不是喜歡哭鬧那種,
係表達唔到發脾氣, 或者固執想要一樣野發脾氣!
1年S 位主要改善了偏食, 而家基本上咩都肯食肯試,
就算唔鐘意食佢都會食..
坐得定左, 固執減少了, 情緒OK,
表達的句子長了少少, 可以講"媽媽陪我玩砌圖"等等...
對答都有, 但好短, 如問佢頭先去左邊, 做左咩, 佢答到,
但如果問佢點解, 點樣呢D 就未得...!!
離開S 位主要係因為社交同語言係S 位的訓練仍然很弱....
所以先出I位!

Rank: 5Rank: 5


1193
發表於 12-8-15 13:24 |顯示全部帖子
我依家都係行緊呢條路,我仔又係3歲7個月入S,希望讀一年S位可以出主流。

想問你點樣幫小朋友搵幼稚園讀K2?同佢地講佢之前在S位嗎?定你選個間係I位所定無得唔收?

Rank: 4


554
發表於 12-8-15 14:08 |顯示全部帖子
我仔是S 位轉 I 位的!
理論上是一定要收的,
實際上是佢IN 完你再決定是否收你!
我地前後IN 了兩次,
咁呢間I 位最終都有收我仔....
不過我揀呢間I 位事前亦做了不少功夫,
我先鎖定幾間屋企附近的I 位,
再逐間打去問他們的I 位服務及流程,
我都會問埋I 位老師的工作是否focus on 個六位小朋友,
定係還要兼任帶班的工作等等....
我亦會將個仔的情況同呢d 兼收老師傾下,
佢地的回應你大概可以觀察到老師的愛心, 專業是否與你期望一致。

Rank: 5Rank: 5


1683
發表於 12-8-15 14:47 |顯示全部帖子
有嘢想請教各位, 我囝囝現時排緊政府S位&E位, 預計仲要排多一年, 現在啱啱開始讀私人S位, 希望一年後可以入番主流K1, 保險d我係咪應該將排E位轉排番I位? (即係排S位&I位), 咁樣又得唔得呢?

Rank: 6Rank: 6


6360
發表於 12-8-15 14:57 |顯示全部帖子
上3t真係好貴, 不過如果你自己或朋友好熟小朋友的發展, 如: 言語 / 小肌肉 / 練習大肌肉的活動, 咁都可以自己教.

Rank: 4


554
發表於 12-8-15 15:06 |顯示全部帖子
回復 yauman76 的帖子

其實我覺得你可以照排S 位先,
私人S 位你剛開始,
小朋友的進度還是未知之數,
過了半年你可以向私人S 位的老師及3T跟進兒子進度,
再決定是否要轉I 或E位!
我地原本係諗住比仔讀2年s 位的,
過了上學期班主任建議我地試下出i 位我地先轉的!
但記得出年3月之前你要決定 S, I or E,
因為派位好似在4月進行, 大約3月會截晒所有改動!

Rank: 4


554
發表於 12-8-15 15:09 |顯示全部帖子
回復 crystal媽咪 的帖子

好矛盾!!!
排左好耐, 唔捨得放棄!!
除左覺得佢貴,
仲覺得間機構好不近人情,
佢話上四堂唔比請假, 就算病假都無得補!!!! ~_~
如果小朋友真係病上唔到堂, 就白白無左8舊水!
但有無人上過效果如何呢?


147
發表於 12-8-18 13:23 |顯示全部帖子
提示: 作者被禁止或刪除 內容自動屏蔽

Rank: 6Rank: 6


6360
發表於 12-8-18 19:41 |顯示全部帖子
回復 01shirley 的帖子

之前睇過其他人的post, 都有講過關於step. 好壞參半, 我認為最重要係睇治療師同小朋友夾唔夾,
如果唔夾, 佢學歷幾叻都無用, 另外, 無得補堂係商業左d.
不如咁諗, 3t 當中你自己邊方面掌握得好d, 咁那方面就試下唔上step, 你自己睇書 / 上網 / 上course
鑽研, 慳返d錢之餘, 可以試下小朋友的情況.  因為好多爸媽好關注小朋友, 要比數千元上密集式的堂
都要等半年至有位, 到時坐著等只怕拖慢小朋友的進度.

Rank: 5Rank: 5


2341
發表於 12-8-18 21:30 |顯示全部帖子

回覆:01shirley 的帖子

既然排咗、等咗咁耐都係target呢個班,點解吾試吓呢? 一期好似係4堂,用1-2期時間去感受吓。

就算吾OK,你都要諗plan B。



Rank: 4


554
發表於 12-8-21 10:41 |顯示全部帖子
就係好矛盾咯! 我覺得自己有d 項目都train 到,
如小肌、認智、語言, 但係無一個系統性的方向,
我只係跟佢的書本去教佢ONLY
最教唔到佢反而係社交同埋專注....
但STEP的3T 是否train 到社交同專注!!?
我又唔肯定....
定係我應該比佢試下上d 正常既興趣班, 如攀石等,
去訓練佢專注呢?苦惱!!
現在唯有諗住等9月開學同i 位老師再傾下佢應該加強邊方面!

Rank: 5Rank: 5


2341
發表於 12-8-21 13:33 |顯示全部帖子
本帖最後由 Capricorn2521 於 12-8-21 13:34 編輯

回復 01shirley 的帖子

原來係咁,我個情況同你都有D似,我地都係S轉I,4-5月打電話去STEP排SAT,呢個班主要train社交同專注,到依家仲未有位。不過,我依家都吾想要啦。因為5月收到導師意見話亞仔專注力吾太差,反而係較衝動,叫我報d ADHD嘅班比佢。剛剛開始上嘅暑假班嘅老師話佢比上年暑假醒咗好多(上年上堂係發夢),但要繼續提昇理解力,叫我同I位老師/ST 跟進。而且,近來帶個仔去公園/遊戲室玩,佢都好主動,仲識倒新朋友仔,一齊玩咗1-2個鐘,我真係好開心。不過,都係擔心.....我個仔依家樣樣有D,總之似ADHD......學你話齋,真係要同I位老師傾傾個訓練方向。

Rank: 4


554
發表於 12-8-21 15:42 |顯示全部帖子
回復 Capricorn2521 的帖子

你仔情況好過我仔好多啊!!
起碼佢專注, 社交都好OK!!!羨慕!~_~
如果我仔有一日可以正常地同人玩,
我諗我真係會開心到喊!!!
BTW, 我想問你仔有咩ADHD 徵狀?行為上點衝動法?

Rank: 5Rank: 5


2341
發表於 12-8-21 17:06 |顯示全部帖子
本帖最後由 Capricorn2521 於 12-8-21 17:41 編輯

回復 01shirley 的帖子

不用比較,我個仔大你個仔成一年,9月升K3 啦。

我個仔把口冇停
個身成日郁來郁去
叫佢收拾要睇住佢做
做完一樣野,要問佢:跟住做乜呀? 否則,會飛咗去玩.....
叫佢等一陣.....就係咁同你講數,討價還價
冇手尾
要去的地方(如遊戲室) FULL咗,佢冇得玩就發脾氣,我要同佢離開現場,同佢訓話
上堂老師話佢成日好快就講答案,叫佢比D機會其他同學,佢都係咁
上堂都係周身郁
.............

Rank: 5Rank: 5


1193
發表於 12-8-22 11:03 |顯示全部帖子
Capricorn2521 發表於 12-8-21 17:06
回復 01shirley 的帖子

不用比較,我個仔大你個仔成一年,9月升K3 啦。

Capricorn 你講d徵狀好似我個仔 其實我都有懷疑佢係咪有adhd。

佢把口又係無時停,唔係講嘢就唱歌,真係要等佢瞓覺先耳根清靜 成日又係郁身郁勢,食飯都要係咁提住佢坐底,無一陣又企起身,食個飯都搞成半個鐘有多,仲要我餵,細佬1.5歲已經自己食飯啦。但在學校佢又坐得好定,在家對住我做訓練就遊雲,對住佢簡直係挑戰我耐性+容忍力

Rank: 5Rank: 5


1193
發表於 12-8-22 11:11 |顯示全部帖子
01shirley 發表於 12-8-21 15:42
回復 Capricorn2521 的帖子

你仔情況好過我仔好多啊!!
shirley 你同仔仔都要加油啊!我知道由s轉i 的決定不易,當中內心的掙扎及恐懼....

既然已決定這樣走,就要做好心理準備。除了i 位要跟貼d,外援不可少,如經濟許可,俾佢試下sat吧。我都有排sat,但仲未到,雖然剛派到s 位,但如果sat有位我星期六都會俾阿仔去試的。

另s位剛開學,已經有請專家到中心舉辦音樂治療,我都有幫阿仔報名,希望開得成班。