今日N班自己坐校車喊到七彩

shirleyanson

今日N班自己坐校車喊到七彩,見阿仔喊成咁,心都酸!

AL1987

我估計我嗰個會喊到九彩,不過校車我哋仲係waiting緊

小曳人

我見到有個阿媽喊，但工人話阿b就唔停講嘢，好搞笑！

LL222

返到學校都會喊

小曳人

marcuscyrus  阿媽喊?!  發表於 29 分鐘前

係呀！我睇住隻仔第一次揹住個書包仔都有d感觸！

yfchoy

各位媽媽，根據過往的經驗，千萬別讓小朋友感到送他上車的大人有對佢有不捨，若然小朋友太依賴，則叫另一人送小朋友去車站(只能送小朋友出門口，但可以靜悄悄地跟隨，不讓小朋友知道)，小朋友一定喊(要好開心咁送佢返學，話佢知放學會接返佢)。有一個小女孩系列既兒童書籍幾好，係講小朋友遇到的事情，亦得德育，其中一本係講小朋友上幼稚園(講由早上起床到放學)，不防可以同小朋友閱讀，等佢哋從故事裡得知學校情況。記住不要低估小朋友的適應能力，要多鼓勵，不要打擊佢哋既自信心。佢哋日後分分鐘頭也不回的上校車，可能還嫌你哋煩tim！

yfchoy

我喺呢度講唔會有人以為我做媒嘛！我之前喺書展見到的小女孩叫莎莎(出版社喺"小x苗"，小囡很喜歡看，亦買了大部佢既系列(有些覺得不需要便冇買)，價錢不算貴。另外有一隻小熊系列都不錯的(同一出版社)

JR東日本

回復 yfchoy 的帖子

我阿女當左莎莎係偶像, 無時無刻都提住!

cdleep

Agree

fefemom

回復 shirleyanson 的帖子

千祈唔好表現出你心酸，要笑曬地說再見，最緊要接佢嗰時又笑容滿臉，摧眠佢學校是一個有老師陪，有小朋友玩的地方，好快冇事！

心平如鏡

回復 yfchoy 的帖子

我岩岩上網check 過原來上佢地office 入埋會仲有多d discount.

請問莎莎既油故事書內容深唔深?
如果係出面既書局買既價錢會唔會平d?

謝謝

yfchoy

心平如鏡 發表於 12-8-14 10:39
回復 yfchoy 的帖子

我岩岩上網check 過原來上佢地office 入埋會仲有多d discount.

我唔太清楚，有時外面有discount就會平啲。莎莎唔深架，同埋啲故事好切身的。

心平如鏡

回復 yfchoy 的帖子

岩岩搵到三聯有等我去望下先
唔該晒你

awinyee

我阿B12月先插班, 嗰段時間無適應班, 可能都會喊死.

irene_the_pooh

小曳人 發表於 12-8-13 15:03
我見到有個阿媽喊，但工人話阿b就唔停講嘢，好搞笑！

唉！實不相瞞！
我而家諗起阿囝好快要自己入課室我都會眼濕濕！
原來一個FTM變相有3個鐘見唔到自己個囝真係好唔捨得！

JR東日本

可能莎莎書有講莎莎自己坐校車返學, 去動物園之類, 我阿女好期待上校車.

yfchoy

JR東日本 發表於 12-8-15 08:38
可能莎莎書有講莎莎自己坐校車返學, 去動物園之類, 我阿女好期待上校車.

根據我的觀察，發現莎莎系列係講一個小朋友會在年幼時會遇到既事，從而德育說教，要有禮貌﹐另外亦會講解一些病的成因和預防。而小熊系列加添了做大哥哥的準備。我囡囡看完小熊[快要做大哥哥的書之後竟然同爸爸講 "媽媽要照顧bb，照顧唔到我，爸爸你來照顧我吧！" 我哋真喺先呆後笑，因為我都冇懷孕佢已經當我會快生小孩。
p.s.: 我囡囡一時時純真，睇見啲電影話小朋友跟父母失散佢就喊到傻咗，但其他事就好古惑。

shirleylee_0514

依家我返工, 我女3歲, 都喊, 特別係星期一, 因為星期六日見得多...日日返工好似偷野咁...靜雞雞閃人.. 但又好奇怪...佢成日對住佢自己既公仔, BB玩具就講我同佢講既說話....媽咪要返工賺錢, 最多媽咪早D放工就返黎同你玩.... 真係無符...等我都去買介紹既書比阿女睇下..等佢明白下啦~~ 多謝yfchoy 介紹 !

irene_the_pooh

shirleylee_0514 發表於 12-8-15 14:44
依家我返工, 我女3歲, 都喊, 特別係星期一, 因為星期六日見得多...日日返工好似偷野咁...靜雞雞閃人.. 但又 ...

我個囝既班主任都講星期一既小朋友會特別痴身，因為見左屋企人兩日！

irene_the_pooh

回復 小曳人 的帖子

但我懷疑阿囝感受到我既唔捨得，雖然我口講好開心可以同佢一齊返學 (因為我地可以陪上堂差唔多一個月)，但佢竟然話唔想返學，呢D以前真係未試過，之前返任何一間PG從未有咁既！

唔通呢D叫心靈相通！