- 在線時間
- 39 小時
- 最後登錄
- 15-9-1
- 國民生產力
- 0
- 附加生產力
- 288
- 貢獻生產力
- 0
- 註冊時間
- 11-7-8
- 閱讀權限
- 10
- 帖子
- 89
- 主題
- 1
- 精華
- 0
- 積分
- 377
- UID
- 537307
|
本帖最後由 sr20det_fung 於 12-8-21 20:16 編輯
傻太 發表於 12-8-21 16:40
讀書同宗教掛勾, 好合理嗎??
更甚係宗教團體明知會產生"假信教"都堅持要維持呢5分
"讀書同宗教掛勾, 好合理嗎??"
對於冇宗教信仰嘅人嚟講可能唔合理, 但係在信徒嚟講,信仰就係我哋生活嘅全部,包括衣食住行,心靈上,感情上,人際關係上, 係不可分割的, 又何況教育? (非教徒未必會明,甚或會譏笑我哋....) 作為宗教辦學團體, 自然會將自己嘅信仰溶入教學理念度, 而成功嘅例子亦唔駛我多舉.
你叫一間天主教學校喺教學時唔可以溶入同天主教有關嘅嘢反而仲唔合理.
優先收教徒亦非想排除異己, 這樣做只是想在教學上事半功倍. 大部份天主教徒嘅子女喺K3時已每星期都會上主日學及望彌撒, 對聖經及教義己有一定程度嘅認識及基礎,天主教學校優先收呢批學生亦無可厚非.
"更甚係宗教團體明知會產生"假信教"都堅持要維持呢5分"
我亦有問我堂區神父同修女呢個問題, 他們都唔反對家長咁做, 需知要成為天主教徒並接受洗禮, 係需要上兩年慕道班的, 在允許受洗前,要有七成或以上出席率,也要經過收錄禮、薪火相傳、兩次考核禮及退省避靜等禮儀, 唔夠耐性嘅會中途放棄,能完成兩年課程及合乎標準嘅,好多都會受感動而成為真正嘅天主教徒, 神父話這未嘗唔係一件好事嗎?至於有部份攞咗洗禮紙後立即消失於教堂嘅"假信教"家長,他們也受到了兩年慕道班嘅"洗禮",對天主及聖經也有某程度上嘅認識,對傳揚福音也有某程度上嘅意義及幫助,話唔定將來他們遇到困難時會想起天主而回到我們嘅大家庭呢?
(相信基督教也有相類似嘅機制,唔會話一報名就俾你受洗,但詳程我唔清楚.)
至於呢5分宗教分為何咁多人咁著緊,我諗都係因為好多香港家長心儀嘅津校都有宗教背景(很多出名的私校/直資等也是),至使好多人都覺得有分嘅人好著數,冇分嘅人就好唔彽,好唔公平.
但平心而論,試想想假設大部份宗教學校都只係垃圾學校(得罪了...sorry),你睇下會唔會有咁多人嘈話宗教學校優先收教徒有問題吖嗱?放下呢個包袱後就會覺得好合理, 到時就會覺得其實基督教辦嘅學校優先收返基督教徒;天主教辦嘅學校優先收返天主教徒;佛教辦嘅學校優先收返佛教徒,有乜問題?
如果睇完呢篇嘢都仍然覺得唔應該計宗教分,咁只可怪我才疏學淺,冇能力去解釋清楚,亦冇能力令冇信仰者去理解我地嘅信仰.
以上所言乃我由衷之言,只想善意討論,得罪莫怪.
|
|