爬完post都唔明, 想問1月B係咪通常唔比2歲8個月入K1?

kiuchi314

cycream 發表於 12-8-9 16:54
kiuchi314  而家已經唔愁邊個年度ge問題,反而因為呢件事覺得,政府set得個cutoff date就應該一視同仁.無得搞 ...

有關一視同仁, 可能我表達得唔好.  因為爬post見到好多話11-12b可以早d報名, 唔做正常年度細b, 做早一年度ge大b. 所以先覺得, 點解有cutoff date, 11-12月可以選做大細b, 而1月果d就因為果幾日就無得由大轉細.  咁睇落咪唔一視同仁. 既然cut左, 咪個個都唔好轉, 咪一視同仁.  其實我睇完教育局同呢度ge post, 意會到ge野, 因為都係第一次搞呢d野, 真係唔知實際情況.

n班我知已經無, 同埋最初以為可以2014讀k1, 所以無諗過讀n.  而家睇完咁多位ge post.  同你個大仔情況, 而家清楚好多,  仲令解除左我擔心ge野.  阿b 2015先叫正常, 或者應該叫正確ge入學年度.  我最初係驚遲左一年讀書(比3y8m誤導左).

但係點解細仔會考唔番阿哥果間? 唔係應該大ge喺度讀, 細ge就一定得咩?

LL222

kiuchi314 發表於 12-8-9 14:15
即係正常嚟講真係照數3年(i.e. 2012+3 =2015), 所有2012年1月到12月ge都係報2015 ge k1, 係咪咁ge意思? 想早一年(I.e. 2014夠2y8m)ge話, 只係個別學校肯收?

假設你兒子1月11日出世, 想早一年(I.e. 2014夠2y8m)ge話, 邨校可能收, 但收佢9月11日之後先可以返學, 因為9月11日之後先夠2y8m。  出名D既幼稚園肯定唔收！ 想早一年(I.e. 2014夠2y8m)ge話, 佢in幼稚園時大廐1歲10個月大, 佢唔哭已經好利害, 仲要答問題, 做動作....


其實你試下(2013年尾)去in2014/15 K1, 唔收冇壞, 但in完你就知乜係大細B。記得同時(2014年頭)in埋2014/15PN。

cycream

回復 kiuchi314 的帖子

年份	總數	父母皆為港居民	父為港居民母非港居民		雙非父母
2001	48,400	40,590	7,190	620	1.3%
2002	48,500	39,994	7,256	1,250	2.6%
2003	46,200	36,168	7,962	2,070	4.5%
2004	47,900	34,902	8,896	4,102	8.6%
2005	57,300	38,148	9,879	9,273	16.2%
2006	65,800	40,318	9,438	16,044	24.4%
2007	69,600	42,795	7,989	18,816	27.0%
2008	78,700	46,203	7,228	25,269	32.1%
2009	82,100	46,211	6,213	29,766	36.3%
2010	88,500	49,678	6,169	32,653	36.9%

你有無見過統計處既資料? 2010出生率比2008年多咗成1萬個bb出世, compare 10年前係差唔多double咗. 其實係雙非既問題. 2011又會再多, 2012龍年b真係唔知會好幾多.

幼稚園無世襲架, 阿哥讀唔等於細佬一定有得讀, 係講interview架,  小學亦只有官津派位先會有世襲, 直資私小又係講interview, 所以點解我地成日講1月大b 好過細b.  咁多人爭, 我係名幼稚園都收好表現d既大b啦.  唔好以為村校無人爭, d 大陸b同你爭, 你如果住係北區, 同大陸b爭派小學就大大獲.  

仲有超大b (11月,12月)唔好真係好著數, 因為學校interview會因為佢地係超大b而對佢地要求多d架, 1月係正常大b, 最好!  我生完2個都係細b, 而加有friends想生都叫佢地有得搞就搞個大b出黎.

w_y

我相信你真係要多D 睇下EK 文章, 呢度幾多人10-12 出生都要BB 遲一年入學做超大B, 你個B 1 月出世, 講大幾時輪到你.

到時你就知你BB 有幾咁著數. 讀書唔差在一時三刻啦! 真係叻仔叻女, 讀到上去再跳級囉.

小曳人

差異要不約到小三先會拉平，但"技不如人"嘅感覺已經build up

(according to 七田真)

kiuchi314

cycream 發表於 12-8-9 18:24
回復 kiuchi314 的帖子

統計處呢個真係唔知.  我只係估我要同大陸B掙邨校.  雖然唔係北區, 不過都差無幾.  又龍年, 所以見到阿2Y8M就想早一年, 唔想同龍B掙.  不過睇完EK D POST, 就知普遍都鍾意做大B, 咁即係話今年GE龍細B應該會好多都想落下一年做大B. 咁叫安左少少少少少心.
幼稚園無世襲, 咁如果兩兄弟唔同學校, 咁好LE HEA?

但係所謂GE 超大B, 係咪即係大過我個B 1個2個月GE上一年11月12月B同我讀同一年K1? 如果咁計, 係咪等於同我同年GE11月12月B唔同我讀同一年做細B, 落我一下年做大B GE意思?

如果我再生多個, 我會希望搞個中B出嚟~

kiuchi314

小曳人 發表於 12-8-9 21:51
差異要不約到小三先會拉平，但"技不如人"嘅感覺已經build up

(according to 七田真)

唉... 真係好難取捨, 你講得啱呀, 無自信呢樣野定左型, 真係好難再有番自信... 同樣, 我當年GE"無朋友自閉仔GE感覺"一樣BUILT UP左.  所以一直都係好自閉, 寧願自己一個人喺屋企睇書, 出街一個人食飯, 都唔想同人一齊... 同FD一齊都會到咁上下就借頭借路話番屋企先...
不過都唔驚得咁多, 好多野都係睇我地自己做父母點教點開解.

w_y

儍啦, 最慘就係做中B. 一係做細B, 進可攻退可守, 鍾意做大做細都得. 一係做大B 好似你仔咁著數到盡. 中B 幾乎係無得揀, 要在合適學年入學, 如果大家一樣咁發展, 年頭B 又真係會醒D. 當然以上都只係理論, 實際都要睇父母點教, 子女資質而定.

lingan

kiuchi314 發表於 12-8-9 22:03
統計處呢個真係唔知.  我只係估我要同大陸B掙邨校.  雖然唔係北區, 不過都差無幾.  又龍年, 所以見到阿2Y8M ...

中B係最差呀，係搞就搞個大B啦，我個8月18日，係剛剛夠年齡之中最細，又無得做超大B，惟有係咁報，考多幾間搏下機會，非常之輸蝕，正如我剛才點評樓上#39 cycream 所講，LH cut off date 係8月13日，我個B就剛被cut左連in都無得in，就算有得in，in N班時的差別係最明顯，1月大B可以講到野答到問題，我果個仲十下十下。果種唔上唔落，係咁in的辛苦，你試下就知喇。d post 個個都呻緊中B細B的慘況，你真係應該要睇多d post呀。

kiuchi314

lingan 發表於 12-8-10 01:06
中B係最差呀，係搞就搞個大B啦，我個8月18日，係剛剛夠年齡之中最細，又無得做超大B，惟有係咁報，考多幾 ...

8月先叫中b咩? 我意會ge中b係4-5月果d....

又奇怪, cutoff date唔係統一跟教統局咩? 又間間學校唔同? 咁真係好亂吓....

我都係渣時間爬post, 公司好難偷時間, 中b post真係未睇過. 但係中b唔係應該係最平均咩? 唔洗愁大得滯同小朋友唔夾, 又唔洗愁細得滯跟唔上.  真係要再追多d post先.

cycream

kiuchi314 發表於 12-8-10 10:08
8月先叫中b咩? 我意會ge中b係4-5月果d....

又奇怪, cutoff date唔係統一跟教統局咩? 又間間學校唔同? 咁 ...

n班(2歲班): 政府規定n班入學年齡要足2歲, d幼稚園可以決定收唔收細b, 可以自行定cut off date. 一般唔收細b就cut off到8月31日, 當9月1日開學時足2歲. 咁LH就衰D, cut到8月13日, 因為8月14日開學掛.

k1:  入學年齡足3歲8個月(你confuse, 總之cut off係12月31日啦), 咁有d學校都唔收細b架wor, 好似培正同kv, cut off date係10月31日, 以下係培正收今年9月入k1小朋友既要求:

香港培正小學幼稚園
二零一二年度上學期
幼兒班（上﹑下午班）招生辦法
學 齡：二零零八年九月一日至二零零九年十月卅一日期內出生者。
（不適齡者恕不接受報名）

2008,9月-12月果d咪超大b lor, 2009,11月-12月細b咪無得報lor, 所以lingan咪話8月b最唔著數.  我覺得11月同12月絕對做超大b係無問題, 10月都好margin, 9月我就唔會lor. 所以我兩個仔都唔會做超大b.  

vnghk0001

我報PN嗰年用左半年時間爬文架，我當年都要返工，一星期有三日爬到零晨3點，我嗰個係7月31日B, 冇得揀，舊年考K1時一有學校收就冇interview其他啦，考嘅野根本唔係適齡（中b都未發育到，又何況細b)。

再爬下文啦，比心機！

kiuchi314

cycream 發表於 12-8-10 10:36
n班(2歲班): 政府規定n班入學年齡要足2歲, d幼稚園可以決定收唔收細b, 可以自行定cut off date. 一般唔收 ...

哦~ 咁即係話, 睇8,9月學校cutoff 重要過教統局果個12月31前ge cutoff date.  因為9月正式番學, 8-9月果d先係真正踩界.  唔怪得我一個fd 8月b, 一個fd9月b (我都佢地唔係咁熟, 幾年前唔覺意聽佢到講野)話自己唔知點好.  果陣我仲未有b, 所以完全唔明佢地講咩.

我尋晚同c6傾左, 佢想阿b小學讀番佢以前果間(暗示想叩門, 唔經統一派位), 所以想要果10分.  但阿b始終都係大b, 唔想佢2歲幾喺屋企無所事事, 想2014讀n班.  計一計. 咪即係出年要報名囉?

真係唔該哂你地~

kiuchi314

vnghk0001 發表於 12-8-10 10:45
我報PN嗰年用左半年時間爬文架，我當年都要返工，一星期有三日爬到零晨3點，我嗰個係7月31日B, 冇得揀，舊 ...

都預左爬文要爬好耐, 我諗都要爬埋小學先夠料XD

考埋d唔適齡ge野... 真係年代唔同, 幼稚園都要interview, 如果個b識哂就唔洗讀書啦, 其實佢地係咪想揀d容易教ge b, 等佢地無教得咁辛苦,

開心小花

kiuchi314 發表於 12-8-10 10:56
哦~ 咁即係話, 睇8,9月學校cutoff 重要過教統局果個12月31前ge cutoff date.  因為9月正式番學, 8-9月果d ...

如果你唔想小朋友係屋企無所事事, 可以考慮讀1.5年N班. 我有朋友的小朋友又係一月B. 佢的小朋友夠2歲就俾佢插班讀半年N班. 當然只可以插普通的幼兒園啦. 跟住個年再考有N班的名幼稚園. 因為, 有唔少名幼稚園係優先留位俾自己N班的小朋友.

cycream

kiuchi314 發表於 12-8-10 10:56
哦~ 咁即係話, 睇8,9月學校cutoff 重要過教統局果個12月31前ge cutoff date.  因為9月正式番學, 8-9月果d ...

n班係好多(尤其是名幼)會cut off到8月31日(甚至好似LH係8月13日), 因為而加多人競爭, 我係幼稚園都收大B易湊D, 而且仲唔駛收少學費(插班唔可以9月1日就返學).  到K1就少D學校有cut off, kln區出名咪係培正同kv, 不過唔知今年會唔會再有多d啦.  所以你要上幼稚園d website睇清楚幾時開始接受報名, 至於cut off date, 你既係1月b無問題, 係d 8-12月b先要理.

如果你c6係old boy, 你個仔又有10分wor, 唔駛叩門, 可以睇下第一階段自行入唔入到wor!  你睇怕要刨埋入小學, 咁你會更加容易知你個b應該考咩幼稚園.  

如果你想2014讀n1, 大部份係出年呢個時候開始會報, 但有個別(如救世軍)一出世就報.

w_y

你老公果間係官津才有計分制, 如果係直資私立, 一般相信都會有少少著數.
唔可能幼稚園 cut off date 重要過小學喎, 幼稚園東家唔讀讀西家之嘛! 除非好心儀一條龍好似培正咁就要注意下. (注意下條人龍有幾長, 入學機會如何, 有無兩手準備其實比任何事情都重要)
一句講晒, 平常心, 盡力就可以, 森林好大, 唔需要過分擔心.

kiuchi314

開心小花 發表於 12-8-10 12:24
如果你唔想小朋友係屋企無所事事, 可以考慮讀1.5年N班. 我有朋友的小朋友又係一月B. 佢的小朋友夠2歲就俾 ...

無所事事ge意思係2014阿b 2y8m, 正統學校k1之前d post各位都講得好明白, 以前ge話已經入左k1, 所以唔想佢係屋企等一年先讀k1, 所以想報n班.  2014都夠歲讀n班啦~ 之前各位都有講過, 有n班ge學校, 直上原校k1會容易d吖嘛~

你個fd 半途插班ge意思, 係咪即係2013年一到2歲就睇下有無n班做插班生, 2014正式讀1年, 2015就k1, 所以叫1.5年n班?

kiuchi314

cycream 發表於 12-8-10 12:42
n班係好多(尤其是名幼)會cut off到8月31日(甚至好似LH係8月13日), 因為而加多人競爭, 我係幼稚園都收大B易 ...

我c6就係見到小學計分old boy有10分, 所以就想搏埋適齡果10, 自己去自行派位, 唔經統一.  我最初只係睇幼稚園, 無睇小學, 一心以為係統一派, 叩門係自己搞.

救世軍... 我尋日問一問公司附近果間救世軍, 佢同我講我要排就係3xx.  天呀!!! 我個b得6個月咋(今日7個月).  但係樓下果間邨校就話未有耐, 叫我過2年再問XD 今日都諗住逐間打電話問, 可能志願團體辦ge會多d人報掛...

kiuchi314

w_y 發表於 12-8-10 14:24
你老公果間係官津才有計分制, 如果係直資私立, 一般相信都會有少少著數.
唔可能幼稚園 cut off date 重要過 ...

可能我表達得唔好, 我ge意思係會唔會幼稚園自己ge cutoffdate 重要過教統局定ge幼稚園cutoff date (i.e. 12月31日),  c6睇小學果邊, 見到小學ge cutoff date政府係渣到正, 所以放棄左2y8m做細b. 不過都會當比阿b玩下, 出年睇下心儀果間in唔in阿b, 收就知一定唔收, 當見多樣野~

一條龍係唔錯, 我都有睇過我果區有無一條龍學校. 係有一間, 不過我唔鍾意佢地用普通話教書.  所以無諗一條龍.

其實知道左原來普遍1月b係做大b, 都無驚lu. 小學有入學令一定有位讀, 差在係咪自己想讀果間啫.