培僑的授課語言

who530

請問培僑有那些科目用英語授課? 那些用普通話授課呢?

JadeW

報告下今日小一家長會重點，俾有意既家長參考。

中文：老師話就算吾識普通話，半年後佢地口音及能力肯定叻過好多家長。會用2個月時間教拼音！書本用繁體版人教書，字語都很優美，亦會教唐詩，仲有中國藝術課，教相聲、京劇、詩詞等。功課需要每天朗讀1文、會有工作紙練習咁。很重視閱讀！

英文：用專題教學！很多閱讀寫作機會及需要。每天日記、周記，寫作老師批改會按教學目標修改注重部分，教拼音、需朗讀，每周規定書籍閱讀報告，另有自行選讀書籍需每天閱讀，會按孩子程度分級做閱讀，並紀錄進度，亦有線上閱讀課程。會有英文表演活動，教音樂、話劇、朗誦、跳舞等。

數學：感覺有點像中文版enopi, 教授核心計算技巧（enopi式的加減）、解題技巧、數學規律、邏輯、綜合應用。有線上數學常識練習可免費做！以互動、活動小組活動及探究學習，令小孩互相幫助，加深課題認知！

成長：可理解作常識。分6專題學習。5、6年級開始一半用英文上堂。會有參觀、外出考察、探索等。(其中一個專題好似是關於香港及祖國)。

藝術：感覺很專業。冇家課。有藝術欣賞導賞。

音樂：1-2 學敲擊，3-6專注一樂器。學費已包專業老師授課。仲會按皇家音樂學院的樂理考試課程教授，方便學生
考試。有合唱團、節奏樂團、中樂團、西樂團同中鼓團。定期有音樂會供學生表演。

體育：1-2一般項目，3-4開始教6項核心項目：足球、籃球、排球、羽毛球、游泳（按能力分班）、田徑，仲有體能。5-6專注其中一項，再加認識其他新派運動。

課外活動：聽來不多。話已融入教學裡。有校隊、制服團隊、奧數及科學。

英文有精靈班，會讀高一級。由1下開始入2年級一起上課。由老師按能力挑選。

仲有教學語言:
中、數:普 (高小:數好似會轉英)
英:英
成長: 粵為主、小部份係普、高小一半英一半普/粵
其他: 好似主要係粵、小部份係普。但佢地既POWERPOINT又用英文既, 所以吾係好知係點。

中英都有教拼音、要學生朗讀給父母聽, 同有書寫字體訓練。
聽完覺得真係要睇好多書: 中英數3科都有要睇既書。
好岩我地教學既理念, 吾係做練習去學語文, 而係要睇書、講同寫去學習。

dadabbma

JadeW, 謝謝你那么詳細的資料, 我今年要為小朋友考小一, 培僑是我首選, 希望可以入到啦

dadabbma

想問多句小朋友interview時一定要用普通話? 你當年是一take 過入圍, 還是要second in?

longandhong

JadeW 發表於 12-8-3 13:47
報告下今日小一家長會重點，俾有意既家長參考。

中文：老師話就算吾識普通話，半年後佢地口音及能力肯定叻 ...

"中、數:普 (高小:數好似會轉英)"

補充：培僑小學部的數學是用普通話授課的，升上Grade 7 才會轉用英語授課。

JadeW

舊年已經改晒全部要面見2次，阿仔用英文同廣東話答問題。

kakagilbert

會見家長嗎？

JadeW

吾會呀, 只係見小朋友乍! 我最鍾意係咁樣既安排, 係考小朋友既能力, 吾係靠父母既能力。

esther_lam_ny

JadeW 發表於 12-8-7 19:03
舊年已經改晒全部要面見2次，阿仔用英文同廣東話答問題。

    Interview language: is it selected by parent? or assigned by school?
and would you please share the interview content?  Thank you.

JadeW

因為只有小孩入去面試，我都係由佢口中得知的。第一次係小組面試，有上中英文既模擬課堂、玩遊戲、答問題、睇圖書咁，第二次面試係個人見副校，有中文同英文題，有自我介紹咁，我阿仔並沒有練習過正式既自我介紹，佢只係講有關自己既野俾老師聽，同回答問題。

我之前有貼過問既問題，你試下查下啦！

JadeW

http://www.edu-kingdom.com/forum ... &extra=page%3D1之前講面試既連結

esther_lam_ny

JadeW 發表於 12-8-17 15:48
http://www.edu-kingdom.com/forum.php?mod=viewthread&tid=2298949&extra=page%3D1之前講面試既連結 ...

JadeW, Thank you very much!