Cancelled

twobirds

Cancelled

fandd

回復 twobirds 的帖子

「不太應人，自己玩，眼神接觸較弱，語言少」

既要學習溝通及社交，又要學習聽指示及常規，建議參加一些密集式的綜合性課程(領思或邁步)。

yauman76

協康童路同心三日課程好似冇OT & ST. 要另外俾$加的. 之前協康, 領思&邁步都建議我小朋友先上個別OT & PST訓練, 讓他學會聽懂一些指令後, 再上密集式小組訓練.

Olympian

21個月仲好細個，一開始上小組，如果掛住喊，老師要安撫佢情緒，都唔會學到野。上個別適應下環境先都好。個別堂好重要，因為完全依你個仔的程度而設，你要同佢一齊上堂，自己要學點教佢，返居企要繼續同佢練習。所以如果你返協康三日班，都一定要再加個別堂。A仔好需要OT，可以話一定要有OT堂，如果已經開了口，可以上埋ST個別。等佢上返幾個月個別再返小組。就算決定返小組型式的，也要包括有個別堂的課程。或者加堂比佢。

純粹個人意見，希望幫到你。

HopeLJ

領思 5 day 密集 (情緒，聽指令，常規，自理) + 個別 (ST + OT 能力提升）+ 家居訓練 (做得晒密集個別 比d功課已經ok) + 運動 (公園，游泳)。好難嫁，又要阿仔肯做，又要計劃休息時間，不過佢地同你會慢慢適應到，並進步。加油！

HopeLJ

領思 5 day 密集 (情緒，聽指令，常規，自理) + 個別 (ST + OT 能力提升）+ 家居訓練 (做得晒密集個別 比d功課已經ok) + 運動 (公園，游泳)。好難嫁，又要阿仔肯做，又要計劃休息時間，不過佢地同你會慢慢適應到，並進步。加油！

HopeLJ

其實我覺得密集訓練咗坐定定，個別的效果好d。邊樣先唔係問題，家居訓練最見效果，日日有做齊功課同間中做下，成績有分別嫁。有磨合期嘅，要比耐性。由一年前開始時要工人夾住阿仔，我捉住手仲扭計，做得五分鐘，到而家自動自覺坐定我一個指導做半個鐘或以上，之後自己擺返好d 教材，過程都有點辛苦，但值得嘅。sorry 離題咗，我想帶出唔係凈上堂就有用。

twobirds

多謝各位的意見！我會俾阿仔返個別密集式訓練先. 我嘗試以下安排，不知是否合適？
1）每週返2天上午私人個別訓練。
2）每週返3天協康下午童心同路。
家居訓練很重要，但曰頭要靠姐姐，夜晚返屋企，才能親自做訓練。一想起漫漫長路，真係好徬徨。很多謝大家！
明白要調整期望，也不是完全冇希望, 但個心真係好難受。頭先，同佢講bye bye, 講左很多次，佢眼仔都唔望下，只係好緊張咁望住地鐵門，我真係完全崩潰左...

kicks_collector

小兒25個月，由22個月開始至今只上個別+一星期一日play group（要家人陪）,試過上小組，但都未得，上堂只係喊要走，上咗四堂都係咁，我會再遲多半年先比佢再試小組，等佢真係完全明白指令同識坐定。

abcpqr

我囡讀建基,5日半日班,返了2個月已進步很多(會說顏色/形狀/認數字/英文字,開始由雙詞學短句,自理會穿鞋穿短褲),可以考慮下,21個月已收,訓練都是早d開始緊耍

twobirds

回復 abcpqr 的帖子

請問你個囡幾大? 幾時開訓練? 返單對單密集課程, 或小組課程呢?  阿仔剛剛上左兩堂50分鐘單對單言語訓練, 我跟住上堂, 全程不配合, 不互動,  睇唔到有咩效果,..剛剛開始是會這樣, 還是太細個, 根本無法上堂呢?  係屋企, 覺得佢情況不是太差, 點知一去到課室, 情況就惡劣左.  佢根本唔想俾人教, 急死我了.

abcpqr

我囡26個月,初時一星期返二日(因為唔知她自閉同佢報咗幼稚園dplaygruop8堂)返唔到5日,好在中心有人有S位退學,拿拿林插班返著先,跟著開始唔哭做到嘢,幼稚園dplaygruop完晒,返5天的半日班,我返工沒有跟她上堂

HopeLJ

我覺得編排 ok 喎。下午叫姐姐做 OT 的功課 (運動)或公園打千秋(問下 OT 打幾耐好)，消耗阿仔體力。夜晚就你做靜態的家居功課，如口肌、認知咁(尤其佢用廣東話學)。個考驗真係難，但得嘅，比d勇氣毅力，中間有灰心時，上嚟傾下。另ST 一開始50分鐘好似長d，試下 30 分鐘先，同搵多一個 ST，睇下會唔會同阿仔夾多d，邊個好d就 keep 邊個。

candyctk

我囝囝25個月,剛上左3堂st.50分鐘一堂，佢就ok。當然同其他a仔一樣，佢無耐性。  我見st姐姐佢一唔留心就係咁換的玩具，所以佢可以上到50分鐘。好同意hopelj講，有時要睇囝囝同治療師夾唔夾。夾既上堂會好好多。而家雖然只上左三堂，但都覺佢講野好左，有糾正佢以前成日講錯既是非題，要唔要，同講句子多左好多。上st佢個個星期加新野比囝囝練，迫到佢肯講多野（尤其係上堂姑娘叫佢講佢都肯講，講多左有信心）。

candyctk

漏左講，st完家居練習好重要，你做愈多，先見成效。我又想問題外，有冇媽媽係領x上ot?我剛做完ot評估，佢上評估時有的粗魯，阿囝fing跌落地幾次（唔小心個隻）。做完評估，佢check時間時發現佢唔到我要既時間，要我waiting。我個刻激動到喊左出來。因為原本有其他offer夾到時間但推左，所以囝囝變左無堂上。雖然佢後來話夾到我時間，但佢比另一資歷淺既導師比我。 我想問ot係咪都係做差唔多既野，同導師資歷無關？亦唔需要好似st咁夾導師？如果係，咁就唔再晒錢轉第二間。因為轉又要重新做評估，又要成千蚊。謝謝

twobirds

上個星期, 暑期ST治療師用左"地板時間" 同囝囝進行訓練, 我覺得效果很多, 多左互動, 囝囝開始用眼神,言語,笑容和治療師互動, 掌握了幾個字. 回家繼續同樣的訓練, 這幾個字的運用也穏定左. 在家真係要陪佢玩多一些. 進步是明顯的. 我感嘆自己之前同佢玩得太少了.
來緊囝囝正式返5天密集訓練, 家居訓練也要進一步加強.  希望快D有成效. 真係好多謝大家的意見.

abcpqr

回復 twobirds 的帖子

floor time是一個好遊戲時間,我都有同阿囡玩