要繼續嗎?

fooky-hk

前幾天到阿仔學琴中心接佢，但比中心負責人明鬧到有點不開心....比佢果句...."如果都係咁，你要考慮下繼唔繼續..."

我仔是一個資質平傭的小孩，喜歡周身旭，喜歡睇閃電十一人, 學琴不太熱衷但也不抗拒。佢今年考二級試，由4月開始老師堂堂行TURBO, 但我仔疏於練習, 放學太遲又有D懶加上領悟力低....進度比較媛慢，老師已經常常提點應加緊練習，5-6月忙於應付學校功課及考試所以沒有加緊練習。學校考試過後已加速，老師都讚有進步。我唔識琴藝這門事，但看他由一粒一粒去彈至流暢(但欠感情), 已經知道佢有努力過。

前幾天，音樂中心的老板(佢地叫總監)要聽我仔的進度如何，所以上了去45分鐘彈給她聽。出來時她講出要改善地方, 然後就話我地點解唔練琴(因為在HANDBOOK內要填寫付每日練琴時間)。我仔有練但無寫落HANDBOOK, 佢就講了果句 "如果都係咁，你要考慮下繼唔繼續..."。斥責的語氣令我好反感，我仔在旁也聽住，我聽到他索鼻哽咽的聲音，我心更感難過.....

難道每個學生都是天資聰穎？唔攞獎彈得唔完美就放棄？我有壓力了，學琴我覺得是一種課外活動，用來放鬆心情，我不要求比賽及考試，老師好好心機教但反而老板給我壓力了....學琴為什麼一定要考DISTINCTION? 我想要經驗而已.....

我真的認真地考慮了她那句話。

HaYi

我反而覺得個老細肯花時間去睇, 即有心去谷你個小朋友, 態度睇來可能唔係太好, 不過都係為你個仔好.

我個仔同你個仔一樣不是集中之人, 但有時學音樂的野, 我覺得真係要下苦功, 就算唔為考級, 都應該有進度. 否則幾年都停在原位, 好多家長都未必可以接受.  可惜小朋友唔係時時聽家長指令, 但會聽外人, 如果有人幫我谷佢, 我ok 架. 佢小朋友一時被人話唔開心就實有, 但最重要有改善.   

只是家長同中心夾唔到有hard feeling, 唯有睇下第2個中心.

kochiman2004

If really "不要求比賽及考試", then no need to join "二級試", just let him enjoy playing piano as "一種課外活動".  It'll be more relax.   

longlokma

你仔學琴中心咁緊張真係好少有，我唔敢講咁是好定唔好，因為每個小朋友的情況唔同，有些要迫才會進步，有些越迫越不願做。你試下同仔傾下，如果他覺得太大壓力，你可以同佢轉一間冇咁壓迫感的琴行，最緊要是小朋友本身接受到，否則情況只會更差

Jos911

勤有功，戲無益
學什麼都要段練，如果只是想開心學習，唔需要強迫考試。。。不過咁容易放棄，怕唔怕，將來學其他會唔會都係咁。。。

pocoyo123

我兒開始時也是不練琴, 經常比老師話, 不過, 老師係一個好有耐性的人, 教左大半年, 都係初級, 因為佢唔練琴, 後來, 我同亞仔講放棄啦, 你唔練老師都唔想教, 我以後都唔比你學音樂, 你個人咁懶, 佢話唔想.之後 我搵左一座綱琴回家之後, 日日要佢練, 都現在又OK,.

我的老師不錯, 有愛心&耐性, 你可試試轉老師會否好些.,因我都轉過一次.之前果個不太好.

係, 學習是要持之以恆, 客易放棄, 以後, 佢學每一樣野, 遇到困難就放棄去逃避, 學習堅持專注, 不太急於成績, 總會進步

Charlotte_mom

我吾算太迫我女練琴，但報得考試點都要認真d, 講真你做家長，堂堂幾百蚊如果原地踏步，你都肉赤架。當然個仔（同埋自己）俾人話點都吾好受，但如果能力上可以改善到，點解吾努力dd呢！加油吧！預備考琴係辛苦架，但亦係讓小朋友認真去希望達到目的，如果長期hea住學又似乎不思進取咁，之後考到就值得架喇。下次又係2，3年後既事了

fooky-hk

謝謝各位。我想講嘅係老板的言詞表達令人反感，老師好有心機教的。阿仔學了三年琴，已轉過一次老師，這次是老師建議阿仔去考的，報得名考當然預咗要努力。其實問題都不在於練琴方面，而係因無寫HANDBOOK而佢第一次睇就用這樣嚴厲的語氣，聽完心裡有點兒不開心吧。不過日子一日一日過去，那種憤怒了的感覺也慢慢減退了。睡醒了又是另一天，心情又可重新調整。

fooky-hk

回復 kochiman2004 的帖子

"不要考試及比賽", 我的意思是順其自然，當是時侯做便做不強求，並不等於完全不要考試及不比賽。{:1_1:}

vanyau

回復 fooky-hk 的帖子

你首先諗諗你為什麼讓你囝囝學琴?
當一種興趣，培養性情?
還是當為升學的工具？

我兩個孩子都有學琴，但都沒有讓他們去考琴。
其實唔考琴，唔代表沒有進步，因為老師都會不斷教新的，難的，老師都有要求的。

曾經試過想讓囡囡考琴的，但準備考琴，其實是很悶的。
常常練那三首指定的歌，練ｓｃａｌｅｓ，ｓｉｇｈｔ　ｒｅａｄｉｎｇ，都幾悶。
練了幾個月，我就同老師講，我決定不讓她考試了。

彈喜歡的歌，去聽音樂會，多開心。
我只想他們喜歡音樂。

Charlotte_mom

原帖由 vanyau 於 12-07-22 發表
回復 fooky-hk 的帖子

你首先諗諗你為什麼讓你囝囝學琴?

女女未考試前、我一直以為「識彈就合格」，原來吾係的！一隻歌點去表達可以好影響分數，雖然話求學不是求分數，但偶然我都希望小朋友認真去準備一件事，吾係「識就算」，所以我跳黎考，仲有音樂節，佢吾太抗拒的話其實係好既訓練呢

wister

學樂器最緊要係有興趣，如果同個老師唔係咁夾，可考慮轉換下環境。學習可以係一生既事，開"曉"時間每個人都唔同，慢慢來啦。。

Meikin

學樂器是看長線的, 陶冶性情, 一生受用, 長大後音樂/樂器也能成為孩子們舒發的一種途徑.

我兩個囝囝由K3開始學小提琴, 順期自然, 每天只畏求他們把歌曲練5次"好"的, 小學雖有參加校際音樂節比賽, 但只為取經驗, 不求名次, P5考Grade 3 exam, 目的也是給他們有一個 bench marking.  Exam成績很好, 他們都很開心.  其實可以考更高grade 的, 但我覺得無謂為考試而練夜練哪些歌仔和scale.

反而一路以來這些年, 我聽著他們拉得越來越動聽, 也愛主動拉奏其他喜歡的歌仔(學校唱的歌或卡通片主題曲), 看著他們慢慢愛上音樂, 愛上用小提琴表達他們心中的音樂.....這才是我想要的.

大囝暑假後升中二, 在他主動要求下, 我給他報了grade 5 exam.  他說希望可日後有機會考更高grading, 挑戰自己.

Meikin

對於較難集中的男仔, 學樂器也是一種很好的培訓呢.

Charlotte_mom

分享一下近排一個比較難忘既經驗
音樂節, 一早報左名, 練左(未練到100%完美), 點知收到比賽通知, 撞左個女畢業營
畢業營啊, 一世人一次小六畢業營, 我真係唔想我女miss (佢肯我都覺得欠左佢), 學校唔肯幫我寫紙改期(因為guideline係考試or唔去會影響成績既活動), 我真係好愁, 仲衰到個campsite係禁區, 想渣車去接都有難度, 嬲嬲地就同琴老師講" 我唔去喇"
老師同我講, 點解唔去呀佢彈得唔錯啊, 仲好過另一個高級d既學生etc, 思前想後, 真係好想放棄(真係好想)! 又唔甘心, 點知我老公又肯陪我顛(唸住佢實鬧我痴線架嘛)............於是, 我地要2人請假, 由港島渣車去西貢, 轉的士入禁區接女, 再出西貢, 渣車去megabox, 比賽完左, 又由megabox渣車去西貢, 又轉的士,  放低個女, 再轉的士去西貢, 再渣車返港島
好激呢! 我都好佩服自己有咁既耐力, 就為左"唔甘心"3個字

而結果, 我女得左亞軍, 所以, 再辛苦都值得(我敢話我呢世人都會記得呢次比賽)! 學課外活動, 學咩都好, 一定有extra既精神時間需要付出, 唔止小朋友, 仲有大人, 所以, 想要美好既成果, 真係要頂硬上, 加油啊

bongbongmum

你真是個堅強的mama!!

Charlotte_mom 發表於 12-7-22 23:43
.....想要美好既成果, 真係要頂硬上, 加油啊

yveoone

你可以選擇唔去考,然後同佢講阿仔想彈多D歌。唔想浪費時間只學三首歌一年。我大把這樣的學生

SUSANNA

我女都有學小提琴，我對音樂也是門外（看），相信不是家長情況與我們差不多，但學學器真係要放時間，不能一天不練琴，這點你應該明白，學琴除了為考試外，我認為更重要是讓小朋友開拓其他啫好，學懂欣賞藝術，學會內在修養．