九月硬推腳痕教育!!

kakadaddy

<iframe width="420" height="315" src="http://www.youtube.com/embed/60mnrtHUxfk" frameborder="0" allowfullscreen></iframe>

kakadaddy

大家參加左呢個福建6天/12天團, 有d topic預左唔講架啦, 但係亞領隊, 你成日係架旅遊巴度, 大唱愛黨歌, 好討厭呀!!

Tommy

kakadaddy 發表於 12-7-19 10:10

多謝kakadaddy放這條link上來，毓民雖然講得好大聲，但非常有道理，大家值得花七分鐘時間入去聽一聽。

國民教育已經殺到埋身，不能迴避，大家要想一想，究竟我地的孩子需要怎樣的國民教育？

我跟毓民在片段發表的觀點很接近，國民教育應該包括：

中國歷史
中國文學
中國文化
中國哲學
中國國情

當然亦應該包括中國共產黨的興起和發展，成就和缺失。

Tommy

kakadaddy 發表於 12-7-19 11:32
大家參加左呢個福建6天/12天團, 有d topic預左唔講架啦, 但係亞領隊, 你成日係架旅遊巴度,大唱愛黨歌, 好討厭呀!!

可否分享福建團有什麼topic？中學部反而無咩特別，點解小學部搞到咁紅？

會唔會係個導遊「錯估形勢」，見到有福建兩個字就自作多情，當您地係國民小先鋒咁教，去討好佢個老細呀？

最可怕反而是行政人員胡亂揣摩上級的意思，將好事變壞事。

kakadaddy

入讀福建, 預左最少都讀6年, 如直升中學, 則12年......

89年見證64, 香港的遊行大多有參予, [毋忘六四], [結束一黨專政]........不知嗌過多少千次........

大是大非擺在眼前, 又怎能因為時間過去, 而把它淡忘呢?

但是女兒入了有紅色背境的學校, 深知不方便談這些了, 不談不等於忘記.....

但我不談64, 不談反共不等於認同共產黨所做的一切...

在處理[國民教育]科的取向, 我實在對福附非常失望, 大圍都未行, 就自行先在生命教育科加入, 講句難聽點, 擦亞爺鞋唔使咁博嘛?

現在亞爺要幫d小朋友洗腦, 全港幾個最大的辦學團體, 天主教香港教區, 聖公會, 保良局, 中華基督教會, 東華三院,都hold住, 紅色背境的辦學圍體此終要做野, 好無奈!

來年的課程安排會是怎樣? 引脛以待!

我祇想講 : 千憶華麗的動聽謊言, 都敵不過鐵一般的事實!

familyking

我都有同呀仔討論過國民教育科, 佢話主要教國旗之類,我們一定密切留意它的內容,從旁真正解釋給呀仔,絕不會讓任何人歪曲事實,教d似事而非的事給小朋友.

janfeb

或許我講述2011-2012年度小三國民教育大概內容，讓大家了解！

上學期講述：國內有多少省、自治區、特別行政區
                     國旗（每粒星、顏色）內容、意思；
                     國徵特徵、結構；
                     國歌來源（誰作的曲、詞）

下學期：神州火箭有多少種類、何時第一次發射衛星、載人、第一位太空人等等

以上是我的分享，國民教育以我目前觀察，並不是什麼洪水猛獸！我承認我愛國，但未至於愛黨！由記得小時候課室、政府機構都掛有英女皇頭像相，到現在想起，我反而感覺到個人崇拜！

希望大家保持冷靜，繁事看兩面。套kakadady之言，引脛以待！

kakadaddy

無錯, 我們是愛國，不是愛黨!

但在一個一黨專政的國家裡, 愛國就算不等於愛黨, 也變得十分含糊........

所謂國民教育, 很容易會變成政治宣傳工具.....

oldjac

看了 JANFEB 你的內容分享, 有些真的不了解, 都幾有趣喎, 想了解下添...

janfeb

oldjac,baba987:

言重啦，我都係講事實，豈敢在公衆平台胡說八道！

我亦係透過此科知道國家一丁點事，大家現在問我，我都唔記得答案！
暫時我個人認為課文內容正面的，昨晚執拾阿仔書櫃，原來還有一張note,
是常見吉祥物，講真唔睇過都唔知！

familyking

最主要是以前我大仔在臻美時，有一學期的主題教學已概括以上課題，亦有宗教科教授一些德育課題，其實都無一定必要開国民教育科。一定要好小心觀察，尤其福建已是出名的左學校，我一定不容許及容忍任何人利用小朋友的無知。希望各家長亦應加倍監察。

mandy304

回復 janfeb 的帖子

JanFEB

多謝你小三的分享, 真的很有興趣知多d...

terrykeung01

我小朋友讀左兩年腳痕教育，一星期一次，多數教d好皮毛乜野國旗之類,我覺得家長多D輔導先得

taidy

可能係香港本地家長會擔心多哋。我問過一些大陸家長，即係細個係大陸讀書嘅家長，他們反而唔太擔心什麼國民教育。可能又係過來人的原故。 而家大陸發展快，多了解大陸都係好事。只要教學內容多&#151851;實，就唔會出大問題。共產黨好唔好，終歸要靠佢自己去証明。

kakadaddy

一黨專政, no democracy, no freedom of speech, U say it's good or not......

kakadaddy

http://www.youtube.com/watch?v=OLWW8E1fkUc&feature=g-logo-xit

ilovefssas

寄信俾校長啦~~
http://parentsconcern.hk/

kakadaddy

回復 ilovefssas 的帖子

i have sent by email :)

kakadaddy

國教科委員會無權談撤科 家長關注組轟形同虛設

【明報專訊】教育局昨公布成立「開展德育及國民教育科委員會」（下稱國教科委員會），由行會成員胡紅玉擔任主席，其餘包括學界及家長代表等，負責監察科目推行及審核官方國情教材。胡紅玉指出，3年開展期內學校可選擇獨立成科或滲入式教學，開展期後委員會將總結經驗，撰寫報告建議以後的路向。對於民間訴求，即9月開學前撤科再諮詢或押後開展期，委員會證實無權討論。拒絕加入委員會的家長關注組批評，委員會職權嚴重受限、形同虛設，炮轟當局無誠意回應民間訴求。